Són - 01.01.2004, Qupperneq 127

127ER MITT HEITI ÚT Í SKÓG
Fram kemur í títtnefndu ódagsettu bréfi til Margeirs Jónssonar á
Ögmundarstöðum (líklega frá árunum 1920 eða 1921)25 að Margeir
hefur falast eftir vísum hjá henni fyrir löngu og í bréfi þessu sendir
hún honum tuttugu vísur eftir sig. Nokkrar þeirra hafa þegar verið
nefndar en hér skal nefna fleiri. Fyrstu vísurnar tvær eru um Tinda-
stólinn sem gnæfir yfir bæjum á Reykjaströnd:26
Hopa vindar, hýrnar brún,
hlær mót rindum sólin,
örmum bindur heitum hún
háan Tindastólinn.
Ásýnd mæra geislaglans
gyllir skær og fríður.
Rykið þvær af hjálmi hans
himinblærinn þýður.
Þá kemur þessi kvöldvísa:
Allt er hljótt um haf og sund,
hulið óttuskýlu,
tárast nótt en grátin grund
gengur rótt til hvílu.
Næmt náttúruskyn Dýrólínu kemur vel fram í eftirfarandi vísu:27
Sólin málar leiðir lands,
ljósin háleit skína,
finn ég strjálast geislaglans
gegnum sálu mína.
Dýrólína skrifar Margeiri á Ögmundarstöðum langt og merkilegt bréf
26. febrúar 1925 þar sem hún ræðir eigin skáldskap og annarra og
sendir Margeiri þar ýmsar vísur eftir sjálfa sig, þar á meðal þessar
þrjár vísur um Tindastólinn í viðbót við hinar sem hún hafði áður
sent honum:28
25 Margeir er þá búinn að birta leiðréttingu við draumvísu Dýrólínu í Nýjum kvöld-
vökum 1920.
26 Dýrólína Jónsdóttir (1920 eða 1921).
27 Ingibjörg Björnsdóttir (1991:324).
28 Dýrólína Jónsdóttir (26. febrúar 1926).