Tímarit um menntarannsóknir - 01.01.2011, Síða 67

67
Hönnun skólabygginga í deiglu nýrra kennsluhátta
mál húsakynna og meðaltal fermetra á
hvern nemanda. Skólarnir eru í þremur
sveitarfélögum, einn í tiltölulega stórum
bæjarhluta í fjölmennum bæ utan höfuð-
borgarsvæðisins, þrír í nýjum úthverfum
höfuðborgarinnar og einn í dreifbýlu
sveitarfélagi með um 650 íbúa.
Byggingunum var nákvæmlega lýst
í rituðu máli að lokinni vettvangsat-
hugun og farið yfir myndir og teikningar.
Hönnunar- og umhverfisþættir í bygg-
ingum hafa verið greindir með tilliti til
skipulags kennslustofa, húsakynna fyrir
list- og verkgreinar, almannarýma og sam-
komusala, skólasafna og upplýsingavera,
tækninotkunar, vinnustöðva kennara,
útikennslu, tengsla við nærsamfélag og
hönnunarferlis á undirbúningsstigum.
Niðurstöður og umræður um
hönnunar- og umhverfisþætti
Hér á eftir eru niðurstöður raktar úr vett-
vangsathugunum, myndarýni og við-
tölum við starfsmenn og þær ræddar með
tilliti til nýbygginga skólanna fimm hvað
snertir þá umhverfis- og hönnunarþætti
sem taldir voru hér á undan. Í lokaorðum
tökum við saman niðurstöður um hönnun
og þróun skóla um þessar mundir og þar
er dregið saman hvernig hönnun nýjustu
skólabygginga frá seinni árum virðist vera
að þróast.
Klasar kennslustofa og opin rými
Fyrsti skólinn í úrtaki okkar, skóli 1, er
fulltrúi þróunar þar sem hefðbundnar
kennslustofur eru látnar mynda knippi
eða klasa til að ýta undir teymisvinnu
kennara sem sinna bekkjum á aldursbili
sem yfirleitt nær yfir tvö til fjögur ár (sjá
2. mynd). Í þessu tilviki eru klasarnir þrír
í tveggja hæða húseiningum hver klasi
með þremur stofum á hvorri hæð. Tvær af
þessum þremur stofum eru skildar að með
fellivegg og hægt að opna á milli þegar
1. mynd. Hefðbundnar kennslustofur í röðum meðfram göngum. Tilbúið dæmi um útbreidda
og gamalkunna grunngerð skólabygginga.