Gerðir kirkjuþings - 01.01.2000, Qupperneq 39

sinna. Að sjálfsögðu starfa fastanefndir að öllu leyti á grundvelli kenningar og
játninga kirkjunnar. Þær móta hugmyndir sínar og tillögur ávallt á þeim grundvelli.
Af öllu framanrituðu leiðir að velja þarf hæfustu menn í fastanefndir sem kirkjan
hefur á að skipa hverju sinni.
1. gr. Eðlilegt þykir að fastanefndir kirkjuþings starfi á þeim meginsviðum sem
kirkjan vinnur á þ.e. helgihald, fræðsla og líknarþjónusta. Jafnframt þykir eðlilegt og
nauðsynlegt að hafa eina fastanefnd, sem fjallar um þjóðmál, til viðbótar þeim þremur
megingreinum kirkjustarfsins sem nefndar hafa verið. Síðastnefnda nefndin gæti t.d.
fjallað um margvísleg þjóðmál sem eðlilegt er að kirkjan láti sig varða t.d.
umhverfismál, málefni nýbúa, hagnýtingu upplýsingatækni og fjöldamargt fleira.
2. gr. Hér er staða fastanefhda almennt skilgreind - svo og hvert eðli verkefna þeirra
er. Er byggt á þeirri hugmyndafræði sem hér hefur verið rakin. Verkefni fastanefnda
eru reist á eftirfarandi þáttum:
• Þær fjalla um málefni sem eru fremur almenn
• málefnin eru þýðingarmikil
• þau eru í eðli sínu til lengri tíma eða að um viðvarandi viðfangsefni er að ræða
• fastanefndir eru stefnumótandi afl og ráðgefandi eftir atvikum
Til að taka af vafa og skýra betur stöðu fastanefnda er enn fremur skilgreint hvaða
verkefnum þær eiga ekki að sinna, en þar er fyrst og ffemst um að ræða verkefni sem
mælt er fyrir um í sérlögum eða starfsreglum. Almennt er það svo í þessu sambandi að
sérlögin fjalla fremur um daglega stjómsýslu og rekstur heldur en
langtímahugmyndafræði og stefhumótun og þau tiltaka nokkuð nákvæmlega hvemig
útfærsla er.
3. gr. Hér eru helstu verkefni fastanefnda skilgreind. Er vitaskuld byggt á þeim
sjónarmiðum og skilgreiningum sem rakin hafa verið hér. Gert er ráð fyrir að
nefndimar fylgist grannt með öllu því er varðar viðfangsefni sín, safni upplýsingum,
ræði málin á fundum og setji fram hugmyndir, stefnumótun eða breytingar. Reynslan
hefur sýnt að í þjóðfélagi nútímans verður að viðhafa mjög skilvirka og sífellda
endurskoðun á hugmyndafræði, stefnum, aðferðum og viðhorfum til að mæta
breytingum á umhverfmu og fylgjast með. í ákvæðinu er áréttaður sá skilningur að
það er kirkjuþing sem endanlega ber ábyrgð á þessum mikilvægu málum sem og
öðrum grundvallarmálum er varða kirkjuna. Því er nefndunum ætlað að standa
kirkjuþingi skil á vinnu sinni, enda starfa þær á vegum kirkjuþings og fyrir
kirkjuþingið. Þá er gert ráð fyrir að nefndimar hafi það hlutverk að fylgjast með
ffamkvæmd mála á sínu starfssviði. Hér er einungis verið að búa svo um hnúta að
kostur gefist á viðbrögðum og leiðréttingum ef frá er bmgðið. Hér er hins vegar ekki
um eiginlegt stjómsýslueftirlit að ræða.
4. gr. Hér er mælt fýrir um skyldu fastanefndar til að standa kirkjuþingi skil á störfum
sínum. Er þetta í samræmi við skyldur annarra helstu stjómvalda kirkjunnar gagnvart
kirkjuþingi svo sem kirkjuráð. I samræmi við þær breytingar sem samþykktar vom á
kirkjuþingi 1999 um framlagningu mála sbr. 1. mgr. 19. gr. starfsreglna um kirkjuþing
nr. 729/1998, er lagt til að skýrslur nefnda liggi fyrir í tæka tíð þannig að
kirkjuþingsfulltrúar geti kynnt sér þær með hæfilegum fyrirvara. Einnig er lagt til að
ársskýrslur miðist við tímabilið 1. september -31. ágúst ár hvert. Eru skýrslur því
nýlegar þegar þær berast kirkjuþingsfulltrúum. Einstakar nefndir gætu þó ákveðið
aðra tilhögun.
35