Gerðir kirkjuþings - 01.01.2000, Side 61

14. gr. Biskup setur hverri kirkju máldaga, kirkjuskrá. í máldaga skal greina eignir kirkju,
tekjustofna og réttindi, kvaðir er á kirkju kunna að hvíla, sóknarmörk og þjónusturétt,
sem sóknin á tilkall til. Máldagann og breytingar á honum skal skrá í sérstaka bók,
máldagabók, er biskup löggildir. Affit máldagans skal vera í vörslu biskups. Öðrum
guðshúsum, sbr. stafliði b-g í 1. gr. skal einnig settur máldagi. Sóknamefnd varðveitir
máldagabók og ber ábyrgð á að máldagi greini jafnan frá eignum og réttindum kirkju. í
máldagabók skal einnig skrá eins haldgóðar upplýsingar og völ er á um kirkjuna,
byggingarsögu hennar, endurbætur, viðhald, búnað og kirkjumuni er kirkjan á. Biskup og
prófastur kanna máldaga er þeir vísitera, árita máldagabækur og gera athugasemdir ef
efin þykja standa til þess.
Máldagar þeir, er greinir í erindisbréfi handa biskupum 1. júlí 1746, 16. gr., sbr.
konungsbréf frá 5. apríl 1749, sem löggildir máldaga Gísla biskups Jónssonar, gilda svo
sem tíðkast hefur. Eldri máldaga kirkju skal eftir föngum skrá í máldagabók.
15. gr. Nú verður ágreiningur um fomar eignir og réttindi kirkna og eru þá eftirgreindar
skrár áreiðanlegar og löggiltar kirkjuskrár og máldagabækur, sbr. erindisbréf handa
biskupum 1. júlí 1746, 16 gr. og konungsbréf 5. apríl 1749, sem löggildir máldaga Gísla
biskups Jónssonar, gilda sem tíðkast hefur.
1. Máldagabók Vilchins biskups ffá 1397.
2. Registur og máldagabók Auðunar biskups ffá 1318.
3. Jóns biskups Eiríkssonar frá 1360.
4. Péturs biskups Þorsteinssonar ffá 1394.
5. Ólafs biskups Rögnvaldssonar ffá 1461.
6. Sigurðarregistur frá 16. öld.
7. Máldagabók Gísla biskups Jónssonar frá um 1570.
Skulu gögn þessi lögð til grundvallar í dómsmálum, nema hnekkt sé.
Ákvæði þessarar greinar taka einnig til ágreinings um búnað og muni kirkna eftir því sem
við getur átt.
16. gr. Sveitarfélögum er skylt að leggja kirkjusóknum til heppilegar lóðir fyrir
kirkjubyggingar og safnaðarheimili, sbr. 5. gr. laga nr. 35/1970. Eru þær undanþegnar
fasteignagjöldum og gatnagerðargjöldum.
Við skipulagningu nýrra íbúðarhverfa skal þess gætt að ætla sóknum lóðir í því skyni, er
greinir í 1. málsgr. Prófasti ber að hlutast til um það mál og einnig sóknarpresti og
sóknamefnd hafi sókn verið stofnuð.
17. gr. Sóknamefnd/sóknamefndir í samráði við sóknarprest/sóknarpresta eiga frumkvæði
að athugunum á þörf fýrir nýja sóknarkirkju og safnaðarheimili eða endurbyggingu
sóknarkirkju, þ.m.t. stækkun hennar og aðrar breytingar eða byggingu safnaðarheimilis.
Skal og gerð grein fyrir stærð fyrirhugaðrar kirkju og safnaðarheimilis, staðsetningu og
búnaði. Að jafnaði skal halda tvo fundi um málið, hinn fyrri til kynningar, en hinn síðari
til ályktunar um það. Heimilar hann undirbúningsframkvæmdir og sé hann
aðalsafnaðarfundur. Einfaldur meirihluti atkvæða ræður afgreiðslu. Verði vemlegar
breytingar á áformum um kirkjubyggingu frá afgreiðslu málsins ber að leggja það fyrir
safhaðarfundi á sama hátt að nýju.
18. gr. Nú hefur verið ákveðið að byggja sóknarkirkju og/eða safnaðarheimili, eða að
endurbyggja og leyfi til þess fengið, sbr. ákvæði 16. og 18. gr. reglna þessara, og skal
sóknamefnd, ef hún kýs, skipa sérstaka byggingamefnd til að standa að framkvæmdum.
57