Gerðir kirkjuþings - 01.01.2000, Síða 76

Ályktun
um ábyrgðir á vegum Jöfnunarsjóðs sókna
20. mál, flutt af kirkjuráði
Mynduð verði ábyrgðardeild í Jöfnunarsjóði sókna til tryggingar veitingu ábyrgða á
vegum sjóðsins. í ábyrgðardeildinni verði myndaður varasjóður af fé sem lagt er til
hliðar af tekjum Jöfnunarsjóðs og fé sem hann varðveitir ffá Kirkjubyggingasjóði og
Hinum almenna kirkjusjóði.
Greinargerð.
Á 31. kirkjuþingi var samþykkt þingsályktunartillaga um ábyrgðasjóð kirkjunnar (flm.
Bjami Kr. Grímsson).
"Hlutverk slíks sjóðs væri að ganga í ábyrgðir fyrir einstakar sóknir á lánurn vegna
framkvæmda, bygginga og eða endurbóta á kirkjum eða safnaðaraðstöðu", eins og
segir í áliti fjárhagsnefndar.
Að athuguðu máli þykir rétt að leggja til að í stað þess að stofna sérstakan
ábyrgðasjóð í þessu skyni verði mynduð ábyrgðardeild í Jöfnunarsjóði sókna.
Ástæður þess eru einkum þessar:
1. Jöfnunarsjóður hefur heimild til veitingar ábyrgða með samþykki biskups og
dóms- og kirkjumálaráðneytis, sbr. 5. gr. í reglugerð sjóðsins (nr. 206/1991).
Veittar hafa verið ábyrgðir fyrir 47,5 mkr.Ráðuneytið hefur samþykkt að tillögu
kirkjuráðs að þessar ábyrgðir fari ekki yfir 30% af árlegum tekjum sjóðsins, sem
jafngildir 63,9 mkr. árið 2000. Til undirbúnings því að hækka þetta mark hafa 5
mkr. verið lagðar til hliðar í sjóðnum til myndunar varasjóðs eða ábyrgðardeildar.
2. Sérstakur ábyrgðarsjóður yrði mun veikari en Jöfnunarsjóður með tekjur sínar og
varasjóð (ábyrgðardeild). Sérstakur ábyrgðasjóður hefði einungis innistæðuna
sem bakhjarl en Jöfnunarsjóður hefði bæði innistæður og árlegar tekjur til
tryggingar á greiðslu skuldbindinga sinna. Inneign ábyrgðardeildar
(varasjóðurinn) yrði vitaskuld varðveitt á vöxtum og þeir gætu annaðhvort bæst
við sjóðinn eða aukið ráðstöfunartekjur Jöfnunarsjóðs.
3. Með því að hafa styrkveitingar og ábyrgðir á einni hendi, undir einni stjóm, fæst
nauðsynlegt yfirlit enda eru lán iðulega tekin út á væntanleg ffamlög úr
Jöfnunarsjóði.
4. Umsýsla og kostnaður yrðu minni en ella.
Það em takmörk fyrir því hvað Jöfnunarsjóður getur ábyrgst af lánum því að það gæti
skert getu sjóðsins til styrkveitinga úr hófi ef á hann falla mikla ábyrgðir. Því er
nauðsynlegt að leggja í varasjóð í hlutfalli við aukningu á veittum ábyrgðum. Hve stór
slíkur sjóður þarf að vera fer eftir því hvemig lánastofhanir meta styrk ábyrgðaraðila..
Því minni líkur sem em á vanskilum og því traustari sem ábyrgðimar em því
hagstæðari vaxtakjör fást og lengri lánstími. Samkvæmt eiginfjárreglum (svonefndum
BlS-reglum) þurfa lánastofnanir að mynda eigið fé eftir ákveðnum reglum til
samræmis traust lántakanda. Verið er að athuga hvort ábyrgð Jöfnunarsjóðs jafngildi
ekki ríkisábyrgð en slíkri ábyrgð fylgja hagstæðustu vaxtakjörin.
Áætlað er að mynda mætti varasjóð sem nemur 100 mkr. á þremur árum með
eftirfarandi framlögum: Kirkjubyggingasjóður 46 mkr., Hinn almenni kirkjusjóður ,
þ.m.t. inneign Strandakirkju, 24 mkr. og af tekjum Jöfnunarsjóðs 30 mkr. Er þá
72