Gerðir kirkjuþings - 2005, Page 78

12. mál
Þingsályktun um svæðasamstarf sókna og prestakalla
Flm. Hulda Guðmundsdóttir, Kristján Bjömsson,
Lára G. Oddsdóttir og Lárus Ægir Guðmundsson
Frsm. Lára G. Oddsdóttir
Kirkjuþing afgreiddi málið með eftirfarandi
Alyktun
Kirkjuþing 2005 ályktar að komið verði á þróunarverkefni um svæðabundið samstarf er
nái til allra sókna og prestakalla í landinu.
Samstarfssvæðin verði ákveðin á héraðsfundum. Innan svæðanna verði komið á
samráðsnefndum. Prófastar hafi umsjón með þróunarverkefhinu og Biskupsstofa veiti
faglega ráðgjöf.
Að liðnum þremur ámm vinni kirkjuráð skýrslu um árangur af samstarfsverkefnunum
og leggi hana fram á kirkjuþingi.
Greinargerð
Markmið tillögunnar er að sóknir og prestaköll vinni saman að kirkjulegu starfi og
rekstri til að:
1. efla samvinnu sókna ogprestakalla - aukin samvinna sókna innan sama
prestakalls og samvinna prestakalla eykur möguleika á fjölbreytni í starfi;
2. efla þjónustu kirkjunnar og mæta fjölbreytilegriþjónustuþörf - sífellt er kallað
á aukna þjónustu kirkjunnar og meiri fjölbreytni í kirkjustarfi. Litlar sóknir eiga
í erfiðleikum með að sinna þeirri þörf og er þá sama hvort tekið er tillit til
fjárhags sóknanna eða fólksfjölda;
3. nýta mannauð og fjárhagslega burði ut fyrir sóknarmörk - við aukna samvinnu
koma fleiri hendur að verki innan kirkjunnar. Fámennar sóknir eiga erfitt með
að sinna á fullnægjandi hátt fjölbreyttu safiiaðarstarfi - til þess skortir bæði
fjármuni og fólk. Samstarf sókna innan prestakallsins og samstarf prestakalla
getur leitt til aukinna umsvifa í kirkjulegu starfi og þjónustu kirkjunnar við
söfiiuðina;
4. auka samvinnu um rekstur og reikningshald - mikið hagræði felst í því að
sóknir í prestakallinu sameinist um ákveðna rekstarþætti og reikningshald og
myndi með sér samlag í því skyni. Sömuleiðis geta tvö eða fleiri prestaköll
innan prófastsdæmisins myndað með sér innkaupasamlag, t.d. til kaupa á
skímarkertum og -kveðjum og öðru því sem sóknir alla jafha kaupa og gefa
sóknarbömum;
76