Ritið : tímarit Hugvísindastofnunar - 01.10.2013, Qupperneq 85

84
heim og saman við rannsóknir Turner sem hefur bent á að prófarkalestur
sé ekki það sem þörf er á í þessum tilvikum heldur þurfi yfirlesari bæði
að kunna tungumálið og þekkja efnið og ritunarhefðirnar innan viðkom-
andi fræðasviðs.48 Undir þetta taka viðmælendur okkar, enda ætti að vera
ljóst að það þarf meira en prófarkalestur til að taka grein sem skrifuð er
á „einföldu og ekki réttu máli“ og snúa henni á mál sem viðurkennt er
í alþjóðlegum fræðiritum. Lillis og Curry hafa bent á að hugsanlega séu
niðurstöður endurtúlkaðar í slíku ferli.49 Viðtölin leiða í ljós að hér er um
falinn vanda að ræða og að þarna er mikill munur á aðstöðu og kröfum
um stíl og málfar innan hinna ólíku fræðasviða. Vandinn er því mismikill
eftir sviðum og samkeppnisstaða fræðigreinanna ekki jöfn að þessu leyti.
Að framansögðu er því ekki einhlítt að samkeppnishæfni aukist við að allir
reyni að birta ritsmíðar sínar á ensku. Það leiðir hugann að því hvort ekki
þurfi að velta því fyrir sér að viðurkenna það sem við höfum kallað ritunar-
hreim í rituðu máli alveg eins og viðurkenndur er ólíkur hreimur í töluðu
máli. Það er ljóst að hér er á ferðinni efni sem rannsaka þarf frekar. Einnig
þarf að gefa gaum áhyggjum af stöðnun íslensks fræðamáls sem greina
mátti í máli viðmælenda.
8. Lokaorð
Vissulega hefur útgáfa íslenskra fræðimanna í alþjóðlegum tímaritum auk-
ist en þessi rannsókn bendir til að það sé ekki eini mælikvarðinn á gæði
háskóla og ýmislegt þurfi að athuga nánar. Þá er ljóst að það tekur í mörg-
um tilfellum meiri tíma að skrifa á ensku en á íslensku og því geta fylgt
töluverð fjárútlát fyrir íslenska fræðimenn. Við vitum ekki nægilega vel í
hverju vandinn liggur og ljóst er að hér þarf frekari rannsóknir. Rannsóknin
gefur enn fremur vísbendingar um að það sé töluverður aðstöðumunur
á milli sviða. Annars vegar byggist sá munur á hefð fyrir teymisvinnu í
sumum greinum þar sem erlendir (enskumælandi) þátttakendur eru oft
með í teyminu og hins vegar eru ritunarhefðir ólíkar eftir greinum og það
gerir framsetningu rannsókna auðveldari á sumum fræðasviðum en öðrum.
Í ljósi þessara niðurstaðna leggjum við til að komið verði á fót ritverum þar
sem kennarar geti leitað sér aðstoðar af svipuðum toga og í ritverunum
48 Joan Turner, „Supporting Academic Literacy: issues of Proofreading and Language
Proficiency?“
49 Theresa Lillis og Mary Jane Curry, Academic writing in a global context: the politics
and practices of publishing in English.
BiRna aRnBjöRnsDóttiR og hafDís ingVaRsDóttiR