Glóðafeykir - 01.04.1979, Qupperneq 45

GLÓÐAFEYKIR
45
Ekki er þörf á að fara mörgum orðum um lög félagsins, þau skýra sig
sjálf. Þó skal drepið á fáein atriði. Skv. 2. grein skyldi hver hreppsdeild
senda tvo fulltrúa. Þetta var þverbrotið þegar á fyrsta fundi. Þá sendu
aðeins fimm deildir af þrettán tvo fulltrúa. 8. grein var líka brotin.
Torfalækjarhreppur átti aðeins fimm hluti og Engihlíðarhreppur sjö,
og var þó báðum heimil aðild. Þetta kom ekki að sök, því að hlutir
revndust nægja fyrir öllum kostnaði við hús og áhöld — og drjúgum
betur. Næstu ár var hreppum m.a.s. leyft að ganga í félagið án þess að
leggja fram nokkurn hlut.* Pöntun í félaginu var ekki heldur aðeins
fyrir hluthafa; eins margir máttu panta innan hverrar hreppsdeildar
og vildu. Það voru hins vegar einungis hluthafar, sem fengu greiddan
arð af húsinu.
Alls voru keyptir 108 hlutir í þrettán deildum. Flestir voru úr
Lýtingsstaðahreppi, tólf. Tíu hlutir komu úr Svínavatnshreppi og
Bólstaðarhlíðarhreppi. Aðrir hreppar voru með átta, að undanskild-
um þeim tveimur, sem nefndir voru áður. Langflestir félagar áttu einn
hlut, aðeins fjórir aðilar áttu tvo. Á fundum réð afl atkvæða, ekki
hlutafjöldi. Það er hvergi tekið fram, að fulltrúar deilda þurfi að eiga
hluti í húsinu, enda mun svo ekki hafa verið, þar eð deildir máttu
verzla í félaginu, sem enga hluti áttu.
Fyrsta stjórn félagsins var skipuð Erlendi Pálmasyni, Ólafi Briem og
NTgfúsi Guðmundssyni. Varamenn voru Magnús á Fjalli fyrir Skaga-
fjarðarsýslu og Pétur á Gunnsteinsstöðum fyrir Húnavatnssýslu.
Að lokum samþykktu fundarmenn „að flytja þeim Slimon og Cog-
hill þakkarávarp og bjóða þeim til samsætis 23. þ.m. fyrir fram-
kvæmdir þeirra til að bæta úr íslenzkri verzlun.“ Má af þessu marka,
hvílíkra vinsælda þeir nutu.
Starfsemin.
Húsið var reist á tveimur dögum, og þótti Skagfirðingum það
ótrúlegur byggingarhraði. Hinn 25. júní voru vörurnar komnar inn í
hús, þær sem ekki voru sóttar strax. Vigfúsi Guðmundssyni var falin
umsjá húss og áhalda félagsins og afhending vara úr því. Félagið
greiddi kostnað við afhendingu fyrstu tíu dagana, en eftir það þær
deildir eða einstaklingar, sem áttu þar vörur eftir þann tíma.
Næsti fulltrúafundur var haldinn 15. ágúst, og var þá gengið frá
reikningum yfir hús og áhaldakaup félagsins. Kostnaður við húsið var
alls 2024.75 kr. Þá er allt meðtalið: efniviður, uppskipun, grunn-
* Þessir hreppar voru Viðvíkurhreppur í Skagafirði, og Vindhælishreppur og Sveinsstaða-
hreppur í Húnavatnssýslu.