Glóðafeykir - 01.04.1984, Page 12

12
GLÓÐAFEYKIR
af félagssvæðinu, þegar félagsmaður hefur náð háum aldri o.i.frv.
Kaupfélög hafa nú starfað hér á landi í meira en öld, vanmáttug í
fyrstu en hafa eflst með ári hverju og eru nú orðin stórveldi í
þjóðfélaginu. Vonandi heldur sú þróun áfram, til heilla fyrir land og
lýð.
2. verðlaun
Guðrún Árnadóttir, Eyhildarholti.
Fræðslunefnd Kaupfélags Skagfírðinga efndi til ritgerðasamkeppni
í tilefni af 100 ára afmæli samvinnuhreyFingarinnar á íslandi, og gaf
þeim unglingum kost á að taka þátt í þeirri ritgerðasamkeppni, sem
fæddir eru árið 1968, en efni ritgerðarinnar er framangreind spurning,
’Hvað er kaupfélag?’ Nú ræður það af líkum, að 14 ára unglingur hefur
ekki mikið kynnst starfsemi eða starfsháttum kaupfélaga, né brotið
slík^ spurningu til mergjar, sem hér á um að fjalla. Þess vegna hlýt ég í
þeim fáu orðum, sem ég mun festa hér á blað, styðjast að mestu við
það, sem ég hef um þetta efni lesið, og aðrir fjallað um. Það skal þó
tekið fram, að ég er alin upp á sveitaheimili, þar sem samhjálp og
samvinna hefur verið um flesta hluti, bæði utanhúss sem innan. Þá má
nefna að foreldrar mínir hafa verið ólöt að prédika yFir mér gildi
samvinnustefnunnar og aFi var mikill baráttumaður fyrir vexti og
viðgangi kaupfélagsins, og mikilvægi þess fyrir héraðið og það fólk,
sem hér býr. Er ekki ólíklegt að eitthvað af þessu hafi óafvitandi siast
inni í hug minn. Hér á borði fyrir framan mig, liggur bæklingur er ber
heitið „í kaupfélaginu, hvers vegna?” Undirtitlar þessa bæklings eru
m.a. þessir: 1. Hvers vegna verslum við í kaupfélaginu? 2. í
kaupfélaginu fáum við vörur á sannvirði, 3. Kaupfélaginu stjórnum
við sjálf, 4. Kaupfélagið eigum við sjálf, og 5. Tekjuafgangur
kaupfélagsins tilheyrir félagsmönnum. Hér er raunar rætt um kjarna
samvinnustarfsins. En fleira kemur til. Vil ég nefna nokkra þætti, sem
ég tel að haFi afgerandi áhrif á það, hvers vegna ég tel að sem flestir geti
aðhyllst samvinnustefnuna, og þá um leið verið félagsmenn í
kaupfélagi.