Glóðafeykir - 01.04.1984, Page 57

GLÓÐAFEYKIR
57
systkina, er upp komust, fyrst á Gili til 1922 og eftir það í
Geldingaholti, þar sem hann átti heima æ
síðan. Eftir lát Sigurjóns bónda 1952 bjuggu
þau mæðginin, Sigrún og Þórður, áfram á
hluta af Geldingaholti meðan þrek og heilsa
hennar entust. Sigrún lést í árslok 1964 og
hafði þá dvalið á Sauðárkróki hjá Kristínu
dóttur sinni og eiginmanni hennar, Ivari
Antonssyni, um tveggja og hálfs árs skeið,
„en Þórður var um kyrrt í Geldingaholti og
stundaði þar nokkurn búskap og var svo til
haustsins 1968, en þá varð hann vegna
veikinda að fara á sjúkrahúsið á Sauðárkróki
og þaðan átti hann ekki afturkvæmt.”
(Sr.G.G.). Hann hafði löngum átt við vanheilsu að búa og naut sín eigi
fyrir þær sakir svo sem hæfileikar og efni stóðu til.
Þórður Sigurjónsson var í minna meðallagi á vöxt, geðfelldur maður
í sjón og raun. Hann var mjög hlédrægur, kom sjaldan eða aldrei á
mannamót, hógvær og hljóðlátur, „lifði ævi sinni í kyrrþey og kom
aldrei öðruvísi fram en til góðs.” Hann var mikill skepnuvinur og hirti
ágætlega. Þórður var um margt vel gefmn, las allmikið, einkum áfyrri
árum, fróður um margt, einkum í ættvísi, sem hann hafði mikinn
áhuga á. Hann skrifaði prýðilega rithönd og mikill snyrtibragur á öllu,
er hann lét frá sér fara.
Þórður Sigurjónsson
Hólmfríður Jóhannesdóttir, fv. húsfreyja á Undhóli í Óslandshlíð,
lést hinn 3. september 1975.
Hún var fædd að Undhóli 12. október 1888, dóttir Jóhannesar
bónda þar Eyjólfssonar síðast bónda á Brúarlandi í Deildardal,
Jónssonar bónda á Grindum í sömu sveit, Guðmundssonar, og konu
hans - er síðar varð - Jóhönnu Jónasdóttur Ólafssonar, en kona
Jónasar og móðir Jóhönnu var Guðrún Sigurðardóttir; voru þau
Jónas eigi gift, er Jóhanna fæddist, en munu hafa gengið í hjónaband 4
árum síðar og bjuggu ýmist eða voru í húsmennsku um hríð á
nokkrum bæjum í Blönduhlið. Lék orð á að Jóhanna væri laundóttir
Eiríks hreppstjóra í Djúpadal, Eiríkssonar, og höfðu margirfyrirsatt.
Hólmfríður mun hafa alist upp með foreldrum sínum. Árið 1910
gekk hún að eiga Pál í Tumabrekku í Óslandshlíð Gíslason eldra