Glóðafeykir - 01.04.1984, Blaðsíða 62

62
GLÓÐAFEYKIR
forstöðumanns Rannsóknarstofnunar landbúnaðarins og konu hans
Þóru Magnúsdóttur Guðmundssonar ráðherra. Batt Árni mikið
ástríki við þessi bróðurbörn sín og ánafnaði þeim
jörðina eftir sinn dag. Sjálfur dvaldist Pétur heima í Keflavík hvenær
sem mátti því við koma sakir embættisanna, átti þar og skepnur og
studdi Árna bróður sinn með margvíslegum hætti.
Árni Gunnarsson var í hærra lagi á vöxt, mikill í herðum,
burðamaður góður. Hann var frekar dökkur á hörund, eigi smáfríður
en vandist vel, hýrlegur, stundum barnslegur, glaður í viðræðu og
ljómaði svipurinn er talið barst að því, sem honum var hugleikið.
Annars var hann fáskiptinn og fámáll, hafði sig lítt í frammi og sótti
sjaldan mannfundi, en batt huga og hönd við heimili sitt og
heimastörf.
Jón Friðbjarnarson, verkamaður og smiður á Sauðárkróki, lést 1.
október 1975.
Hann var fæddur að Rauðaskriðu í Aðaldal 27. júlí 1897, sonur
U Friðbjarnar bónda þar og konu hans Rósu
Sigurbjarnardóttur, er bæði voru þing-
eyskra ætta.
Jón óx upp með foreldrum sínum, en fór
^ ungur að heiman til að vinna fyrir sér, var
» s t* allmörg ár á Víkingavatni í Kelduhverfi og
ráðsmaður þar um skeið hjá Birni bónda
Þórarinssyni og konu hans Guðrúnu Hall-
'v grímsdóttur. Batt hann miklar tryggðir við
Jk það heimili og nefndi íbúðarhús sitt, er hann
V síðar reisti á Sauðárkróki, Víkingavatn.
Jón Friðbjarnarson Vestur hingað til Skagafjarðar hvarf Jón
árið 1933. Það hið sama ár kvæntist
hann Hrefnu Jóhannsdóttur bónda á Kjartansstöðum á Lang-
holti, Sigurðssonar bónda á Sæunnarstöðum í Hallárdal vestur,
Finnbogasonar bónda á Kirkjubóli, Sigurðssonar, og konu hans
Ingibjargar Jónsdóttur bónda á Löngumýri, Magnússonar bónda í
Ytra-Vallholti, Þórðarsonar, og fyrri konu hans Þorbjargar
Þorvarðardóttur bónda á Skinþúfu (nú Vallanes), Oddsonar.
Fyrstu hjúskaparár sín tvö voru þau Jón og Hrefna í húsmennsku á
Kjartansstöðum, en fluttu árið 1935 til Sauðárkróks og áttu þar heima