Glóðafeykir - 01.04.1984, Blaðsíða 25
GLÓÐAFEYKIR
25
1955, en hafði áður lokið gagnfræðaprófi. Hann starfaði nokkur
sumur hjá Kaupfélagi Patreksfjarðar og sumarið 1954 hjá
fjármáladeild S.Í.S. í Reykjavík. Hann vann í sjódeild og síðan í
bókhaldi Samvinnutrygginga 1955 - 1960. Hann gerðist kaupfélags-
stjóri Samvinnufélags Fljótamanna í Haganesvík árið 1960 og gegndi
því starfi til ársins 1963, er hann var ráðinn fulltrúi kaupfélagsstjóra
Kaupfélags Skagfirðinga. Því starfi gegndi hann til ársins 1972, er
hann þann 1. júlí það ár tók við stöðu kaupfélagsstjóra þess félags úr
höndum Sveins Guðmundssonar, og það starf hafði hann á höndum til
dauðadags. Geta má þess, að Helgi Rafn átti sæti í stjórn Kjötbúðar
Siglufjarðar 1960 - 1963, í stjórn Framleiðsluráðs landbúnaðarins átti
hann sæti frá 1973, í stjórn Mjólkursamlags Kf. Skagfirðinga frá 1973
og í sláturhúsráði kaupfélagsins frá stofnun þess. Hann átti sæti í
stjórn Fiskiðju Sauðárkróks frá 1973 og endurskoðandi hennar
nokkur ár þar á undan, formaður stjórnar þess fyrirtækis varð hann
1978. í stjórn Kaupfélagsstjórafélagsins átti hann sæti 1973 - 1975.
Hann sat um tíma í Markaðsráði samvinnufélaganna og í stjórn
Tryggingasjóðs innlánsdeilda samvinnufélaga. Hann átti sæti í stjórn
Landflutninga hf. árum saman, stjórnarformaður í upphafi og aftur
1981 til dauðadags. Helgi Rafn var varamaður í stjórn Sambands
íslenskra samvinnufélaga um árabil til dauðadags.
Auk framantalinna starfa hlóðust á Helga Rafn ýmisleg
trúnaðarstörf önnur, og skulu þau helstu nefnd hér. Hann átti sæti í
stjórn Ungmennasambands Skagafjarðar 1964 - 1972 og hafði áður
unnið nokkuð að íþróttamálum í Reykjavík. Hann var formaður
hátíðanefndar, sem undirbjó minningarháMð um 100 ára búsetu á
Sauðárkróki 1971. Formaður í stjórn félagsheimilisins Bifrastar var
hann 1972 - 1973. Hann var formaður rafmagnsveitunefndar
Sauðárkrókskaupstaðar 1966- 1978. Þá ber að geta þess eigi hvaðsíst,
að hann var formaður sóknarnefndar Sauðárkrókskirkju frá 1972 til
dauðadags. Hann rækti það starf af mikilli alúð og dugnaði og átti þar
með þátt í að gera kirkjunni ýmislegt til góða, enda mun hann hafa
verið einlægur trúmaður, sem vildi sýna kristinni kirkju tilhlýðilega
virðingu.
Ungur hóf Helgi Rafn störf á vegum samvinnuhreyfingarinnar, og
aðalstörfin í lífi hans - hans skömmu ævi - voru helguð
samvinnuhreyfingunni. Þar hefir hann ætíð reynst trúr og traustur
liðsmaður, enda hlaut hann trúnað í samræmi við þá reynslu.
Stjórnarmenn Kaupfélags Skagfirðinga hafa góðar endurmir.ningar