Glóðafeykir - 01.04.1984, Blaðsíða 53

GLÓÐAFEYKIR
53
henni síðar. Lifir hún mann sinn ásamt dætrum sínum þrem, er hún
hafði eignast áður en hún giftist Sigurði.
Eftir 1950 bjuggu þeir bræður á Sveinsstöðum, Sigurður og Björn og
átti hvor sinn helming jarðarinnar. Eftir 1960 reisti Sigurður nýbýli á
sínum helmingi, flutti þangað 1964 og kallaði Stekkjarholt, átti þar
heima æ síðan en var hættur búsýslu fyrir nokkrum árum fyrir sakir
heilsubrests. Húgur hans hafði snemma beinst að vélum, tók bílpróf
um tvítugsaldur, vann með skurðgröfu og dráttarvél við jarðabætur,
ók mjólkurbíl um tíma. Hann var hagur á hendur og vann löngum
nokkuð við smíðar. Síðustu sumrin var hann safnvörður í Glaumbæ.
Sigurður Egilsson var meðalmaður á vöxt, myndarmaður í sjón;
dökkhærður, svipurinn íhugull og greindarlegur, augun fjörleg og
vottaði stundum fyrir stríðnisglampa. Sigurði var margt vel geFið.
Hann var víðlesinn og stálminnugur, hafði mætur á sagnfræði og
ljóðlist, kunni ógrynni kvæða og vísna og hafði á hraðbergi hvenær
sem var. Hann var ritfær og vel máli farinn, naut þess að deila um
stjórnmál og hvaðeina sem hátt bar hverju sinni, en allt var það
græskulaust. Sigurður var tilFinningamaður, ör í lund og ölkær
nokkuð svo, snöggur í geði en eigi langrækinn, glaður og hlýr í
viðmóti, drengur góður og fór með hreinan skjöld af þessum heimi.
Guðrún Árnadóttir, skáldkona frá Lundi, fv. húsfreyja á Mallandi á
Skaga o.v., lést hinn 22. ágúst 1975.
Hún var fædd að Lundi í Stíflu 3. júní
1887, og kenndi sig síðarsem rithöfundur við
þetta bernskuheimili sitt. Foreldrar hennar
voru Árni, lengi bóndi á Mallandi hinu syðra
á Skaga og síðast í Neðra-Nesi, Magnús-
son, og kona hans Baldvina Ásgrímsdóttir;
um ætterni Guðrúnar segir í þætti um eigin-
mann hennar, Jón ÞorFinnsson, íGlóðafeyki
1970, 11. h„ bls. 68.
Guðrún ólst upp með foreldrum sínum og
mörgum systkinum, fyrst í Lundi til 1898, þá
í Enni á Höfðaströnd til 1903 og loks á
Mallandi. Urh tvítugsaldur fór hún í
kaupavinnu fram í Skagafjörð og síðan að Þverárdal á Laxárdal
fremra. Þar kynntist hún mannsefninu sínu, Jóni Þorfiimssyni',
giftust þau árið 1910. Um búskaparferil þeirra Jóns og Guðrúnar má