Glóðafeykir - 01.04.1984, Blaðsíða 64

64
GLÓÐAFEYKIR
jarðræktarframkvæmdir, eignaðist fyrsta bílinn áður en náð hafði
þeim aldri að taka mætti aksturspróf, fékkst
síðan við bifreiðaakstur alla stund uns
heilsan brast. Fyrst annaðist hann mjólkur-
flutninga úr Hofs- og Viðvíkurhreppum, sá
og jafnframt um flutninga á mjólk og
mjólkurvörum frá Mjólkursamlagi Skag-
fírðinga til Siglufjarðar um árabil. Var þessi
vinna næsta harðsótt á stundum á þeim árum
og hvíldarstundir fáar. Hvort tveggja var, að
Kjartan var bráðlaginn til handanna og
frábært snyrtimenni, einstakur hirðumaður í
allri umgengni og báru bílar hans því órækan
vott, þeir voru ávallt í sérflokki um ástand
allt og útlit.
Arið 1975 kvæntist Kjartan Maríu Hermannsdóttur frá Lóni í
Viðvíkursveit, Sigurjónssonar, og konu hans Rósu Júlíusdóttur. Ungu
hjónin fluttu til Sauðárkróks 1957 og stundaði Kjartan þar akstur bif-
reiða sem jafnan áður. Var um skeið í stjórn Vörubílstjórafél. Skagf. Fyrir
nokkrum árum komu þau hjón sér upp snotru íbúðarhúsi, þar sem
María bjó manni sínum fallegt og hlýlegt heimili. Hún lifir mann sinn
ásamt einkasyni þeirra, Ómari, sem dvelst í foreldragarði.
Kjartan Haraldsson var naumlega meðalmaður á vöxt, dökkur á
brún og brá, myndarlegur í sjón, íhugull á svip. Hann var vel greindur,
glaðsinna, gamansamur og orðheppinn, kunni margt vísna og sagna
og sagði vel frá. Hann var prúður í öllu dagfari, vinmargur og vel
látinn af öllum. Hann var mikill atorkumaður og lést langt um aldur
fram.
Kjartan Haratdsson
Sigríður Björnsdóttir, verkakona á Sauðárkróki, lést 26. október
1975.
Hún var fædd að Skefílsstöðum á Skaga 24. febrúar 1895, dóttir
Björns bónda þar Ólafssonar bónda í Kálfárdal í Gönguskörðum,
Rafnssonar bónda á Tyrfmgsstöðum á Kjálka, Þorkelssonar bónda á
Ytri-Kotum á Norðurárdal, Þórðarsonar, og konu hans Guðrúnar
Ingibjargar Björnsdóttur, bónda á Ytra-Mallandi á Skaga,