Glóðafeykir - 01.04.1984, Side 43

GLÓÐAFEYKIR
43
SigurðuT D. Helgason
Hrollleifsdal 1902 - 1910, á Kappastöðum í
Sléttuhlíð til 1915, er foreldrar hans slepptu
búi og fóru í húsmennsku. Réðst þá Sigurður
í vist á ýmsum stöðum, var ,,m.a. fjármaður
hjá Sveini hreppstjóra Arnasyni í Felli í
Sléttuhlíð og kom sér upp á þeim árum
nokkrum fjárstofni.” „Árið 1919 fluttisl
Sigurður að Ási í Hegranesi til Guðmundar
bónda þar Ólafssonar, og í Rípurhreppi átti
hann heima um 20 ára skeið,” (Sr. G.G.),
lengst á Ríp og í Keldudal hjá þeim hjónum
Gísla Jakobssyni og Sigurlaugu Guðmunds-
dóttur; var um nokkurt skeið ferjumaður við
Vesturós Héraðsvatna, en fluttist með fénað
sinn til Sauðárkróks árið 1939 og var þar búfastur það sem eftir
var ævi, lengstum til heimilis hjá Ármanni bróður sínum og konu hans
Sigurbjörgu Pétursdóttur.
Á Sauðárkróki stundaði Sigurður nokkuð verkamannavinnu, en
rak annars sauðfjárbúskap alla tíð meðan honum entist heilsa til.
Hann var fjármaður góður og fjárglöggur, fór vel með fénað sinn og
hafði óskorað yndi af að umgangast skepnur.
Sigurður Helgason var góður meðalmaður á vöxt og allur vel farinn.
Hann var allvel greindur og las töluvert, einkum sagnaskáldskap, og
lifði sig inn í það, sem hann las. Hann var röskleikamaður til vinnu,
atorkusamur, einstakur hirðu- og þrifamaður. Sigurður var lengi
annarra hjú, og þvílík var trúmennska hans og hollusta, að hann setti
hagsmuni húsbænda sinna ofar eigin hag. Trúmennskan við
skyldurnar, sem hann taldi á sér hvíla hverju sinni, var hans
aðalsmerki.
Sigurður kvæntist eigi né átti böm.
Stefán Eiríksson í Djúpadal í Blönduhlíð lést hinn 24. janúar 1975.
Hann var fæddur í Djúpadal 12. júní 1896. Foreldrar: Eiríkur bóndi
og þjóðhagasmiður í Djúpadal Jónsson bónda þar, Jónssonar bónda á
Tréstöðum í Glæsibæjarhreppi, Jóhannessonar, og kona hans
Sigríður Hannesdóttir bónda í Axlarhaga í Blönduhlíð, Þorlákssonar
bónda á Ystu-Grund í sömu sveit, Jónssonar bónda á Hóli í
Tungusveit, Magnússonar. Kona Jóns í Djúpadal og móðir Eiríks var
Valgerður Eiríksdóttir hreppstjóra í Djúpadal , Eiríkssonar prests á