Skírnir - 01.01.1979, Síða 149

SKÍRNIR PERLAN OG BLOMIB 147
Þá birti Jón í VIII. árg. Iðunnar 1923—24, 309.—310. bls., prósa-
skissuna „Pan“ sem einnig sver sig í ætt við Flugur.
Auk prentaðra Ijóða Jóns liggja eftir hann í eiginhandarritum
og vélritum nokkur Ijóð sem ekki hafa komið út.
Vart verður sagt að þau birti okkur nýja drætti í höfundarsvip
hans livorki um form né inntak. Þar er um að ræða gamankvæði
og Ijóð alvarlegs eðlis bæði í bundnu og óbundnu formi. Meðal
þeirra eru tvö kvæði — þulu-ættar — sem nú eru prentuð í fyrsta
sinn í þessu ári Skírnis, 105.—107. bls.133
Torvelt er að tímasetja hin óprentuðu ljóð Jóns. Sum geta
verið eldri en Flugur, önnur frá sama tíma eða yngri.
IX
Hverjar viðtökur hlutu svo þessi nýstárlegu prósaljóð Jóns
og hver urðu áhrif hans á samtímaskáld og síðari höfunda?
Þeim spurningum er torvelt að svara og einkum hinni síðari.
Ef marka má ritdóma var Flugum mætt með fullkomnu tóm-
læti. Þannig skrifaði Jakob Jóh. Smári lofsamlegan ritdóm um
Maríu Magdalenu,13i en um Flugur finnst ekki stafur á prenti
nema nokkrar línur í Tímanum 31. mars 1923.135 Þar segir:
Elugur eru skáldskapur í óbundnu máli. Setningarnar stuttar og fallegar.
Efnið stundum djúpviturt. Af þessu litla kveri má sjá það, að Jón Thorodd-
sen hinn yngri getur orðið snjall og einkennilegur rithöfundur. í því litla,
sem hann hefir ritað, bregður fyrir alveg óvenjulegum neistum.
Við fráfall Jóns gátu sumir vina hans skáldskapar hans í minn-
ingargreinum um hann. Sigurður Grímsson sagði:
Eins og áður er vikið að, fjekst Jón töluvert við skáldskap. Fór hann
þar nokkuð sínar eigin götur. Skáldskapur hans var því eigi við almennings-
hæfi. Alt sem hann ritaði bar vott um hið mikla listfengi hans.lSfi
Jakob Jóh. Smári sagði:
Jón var dálítið sérvitur, og hann var skáld. Sumum þótti bera á sérvisku
í skáldskap hans. En þar hygg eg, að hafi verið um að ræða einfalda birt-
ingu þess frumleika, sem í honum bjó.lfil