Ritröð Guðfræðistofnunar - 01.01.1998, Side 7

Inngangur
Inngangur
Síðastliðið haust, nánar tiltekið 2. október 1997, voru 150 ár liðin frá því að
Prestaskólinn í Reykjavík tók til starfa og er þetta rit tekið saman til að minnast
þess. Guðfræðideild tilnefndi Jón Sveinbjörnsson prófessor formann undirbún-
ingsnefndar hátíðarhalda af því tilefni. Þess var farið á leit við rektor Háskóla ís-
lands, biskup íslands og Prestafélag íslands að tilnefna fulltrúa í nefndina. Páll
Skúlason prófessor sat í nefndinni fyrir hönd rektors, séra Örn Bárður Jónsson
fræðslustjóri á biskupsstofu sat í nefndinni fyrir hönd biskups og séra Sigurður
Sigurðarson vígslubiskup fyrir hönd Prestafélags Islands. Pétur Pétursson pró-
fessor, varaforseti guðfræðideildar, sat fundi nefndarinnar. Nefndin hélt nokkra
fundi og skilaði tillögum sínum á fundi deildarinnar 2. júlí 1997. Var Pétri Pét-
urssyni falið að vinna úr þeim en hann tók við starfi forseta guðfræðideildar 2.
september 1997.
Dagskrá afmælishátíðarinnar var hin veglegasta enda og við hæfi á þessu
merkisafmæli í kirkju- og skólasögu landsins. Kirkjuráð og Prestafélag fslands
styrktu afmælishátíðina með fjárframlagi þannig að hún varð veglegri en ella
hefði orðið. Hátíðin hófst með guðsþjónustu í Dómkirkjunni þar sem forseti guð-
fræðideildar, Pétur Pétursson prófessor, prédikaði og vígðir kennarar deildarinn-
ar þjónuðu fyrir altari. Skrifstofustjóri deildarinnar, Ásdís Guðmundsdóttir, og
guðfræðinemar lásu bænir og ritningartexta og kór guðfræðinema söng. Séra
Hjalti Hugason prófessor flutti ávarp í lok guðsþjónustu og fjallaði þar um
Prestaskólann og gildi hans fyrir kirkju landsins. Herra Ólafur Skúlason biskup
íslands ávarpaði kirkjugesti í lok guðsþjónustu og flutti blessun. Meðal kirkju-
gesta voru forsetahjónin herra Ólafur Ragnar Grímsson og frú Guðrún Katrín
Þorbergsdóttir. Að lokinni guðsþjónustu var kirkjugestum boðið til kaffisamsæt-
is í Oddfellowhúsinu. Síðdegis þann 23. október bauð Þorsteinn Pálsson dóms-
og kirkjumálaráðherra fulltrúum kirkju og skóla til samkvæmis á sal Mennta-
skólans í Reykjavík þar sem Prestaskólinn var settur í fyrsta skiptið af fyrsta for-
stöðumanni hans dr. Pétri Péturssyni.
5