Ritröð Guðfræðistofnunar - 01.01.1998, Page 9

Inngangur
og ritað skýringar við Ágsborgarjátningu sem hafa verið þýddar á nokkur tungu-
mál. Prófessor Leif Grane hefur verið gestaprófessor við háskóla í Þýskalandi
og hlotið heiðursdoktorsnafnbót við háskólana í Miinchen, Osló og Helsingfors.
Hann ritstýrði afmælisriti sem gefið var út í tilefni af 500 ára afmæli Kaup-
mannahafnarháskóla árið 1979.
Prófessor Leif Grane hefur haft náin tengsl við guðfræðideild Háskóla ís-
lands, haldið hér fyrirlestra og tekið þátt í dómnefndarstörfum. Eins hefur hann
greitt götu íslenskra guðfræðinga sem dvalist hafa í Kaupmannahöfn.
Duncan Baillie Forrester fæddist 10. nóvember 1933. Hann lauk M.A. prófi
í stjómmálafræði og nútímasögu við University of St. Andrews 1955, stundaði
framhaldsnám í stjómmálafræði við University of Chicago 1955-56 og lauk B.D.
prófi í guðfræði frá New College við University of Edinburgh 1960. Árið 1976
varð hann dr. phil. við University of Sussex. Ritgerð hans fjallaði um stéttaskipt-
ingu og kristna trú á Indlandi, Caste and Christianity. Hann starfaði á Indlandi
frá 1962-1970 sem kristniboði og prófessor í stjómmálafræði við Madras
Christian College. Árin 1970-1978 var hann háskólaprestur og lektor í stjórn-
mála- og trúarbragðafræðum við University of Sussex. Frá 1978 hefur Duncan
B. Forrester verið prófessor í kristinni siðfræði og kennimannlegri guðfræði við
University of Edinburgh. Þá var hann forstöðumaður New College 1986-1996
og veitti forstöðu rannsóknarstofnun um guðfræði og þjóðfélagsmál.
Rannsóknir prófessors Duncans B. Forrester hafa aðallega beinst að tengslum
guðfræði og þjóðfélagsmála. Hann kom á fót framhaldsnámi í guðfræði og fjöl-
miðlasiðfræði og þá hefur hann fjallað mikið um guðfræði og málefni þróunar-
ríkja. Hann hefir hlotið alþjóðlega viðurkenningu fyrir rannsóknir sínar og skrif-
að fjölda bóka einkum á sviði guðfræði og þjóðfélagsmála. Þá hefur hann einnig
tekið mikinn þátt í samkirkjulegu starfí og m.a. setið í nefnd Alkirkjuráðsins um
trú og skipulag (Faith and Order).
Prófessor Duncan B. Forrester hefur haft mikil og góð tengsl við guðfræði-
deild Háskóla íslands, haldið hér fyrirlestra og greitt götu margra íslenskra guð-
fræðinga í framhaldsnámi við Edinborgarháskóla.
Ritnefnd Ritraðar Guðfræðistofnunar átti í fórum sínum grein eftir dr. Aðalgeir
Kristjánsson um skólamál á íslandi á fyrri hluta 19. aldar þar sem fjallað er um
Prestaskólann í Reykjavík og fannst henni vel við hæfi að birta hana í þessu hefti.
Ennfremur birtist hér grein um sögu Lútherrannsókna eftir dr. Sigurjón Áma
Eyjólfsson sem sómir sér vel í þessu hefti. Þann 2. september 1997 birtist stutt
grein eftir tvo ritnefndarmenn, Einar Sigurbjörnsson og Pétur Pétursson, um
Prestaskólann í Reykjavík og forstöðumenn hans í Lesbók Morgunblaðsins og er
hún endurbirt í þessu hefti. Aðrir kaflar þessa rits byggjast á þeim fyrirlestmm
7