Ritröð Guðfræðistofnunar - 01.01.1998, Qupperneq 18

Einar Sigurbjörnsson og Pétur Pétursson
skólans hafi verið fyrsti vísir að Háskóla íslands. Þau 64 ár sem Prestaskólinn
starfaði sem slíkur skráðu sig 300 nemendur til náms og 269 luku prófi. Arið
1911 voru 120 af 124 starfandi prestum landsins útskrifaðir úr Prestaskólanum.
Forstöðumenn Prestaskólans
Fyrsti forstöðumaður Prestaskólans var dr. Pétur Pétursson
(1808-1891). Faðir hans var séra Pétur Pétursson, prestur
og prófastur að Víðivöllum í Skagafirði þar sem Pétur ólst
upp. Móðir hans var Þóra, dóttir Brynjólfs Halldórsonar
Brynjólfssonar biskups á Hólum. Pétur var settur til náms
hjá séra Einari Thorlacíusi að Saurbæ í Eyjafirði. Þar hlaut
hann undirbúning undir nám í Bessastaðaskóla og þaðan
lauk hann prófi árið 1827. Pétur sigldi til Kaupmannahafnar
árið 1829 og hóf nám við háskólann í Kaupmannahöfn og
lauk þaðan prófi með ágætum vitnisburði árið 1834. Sneri hann þá heim og var
prestur í nokkur ár en tók sig þá aftur upp og hélt til frekara náms og fræðistarfa
í Kaupmannahöfn. Þar gekk hann í félag Fjölnismanna og var kosinn forseti þess
félags enda tók hann virkan þátt í félagslífi íslendinga í Höfn. Hann fékk dokt-
orsnafnbót árið 1844 fyrir ritgerð sína um íslenskan kirkjurétt. Hún var skrifuð á
latínu og fór doktorsvörnin einnig fram á því máli. Dr. Pétur var fyrsti Islending-
urinn sem varið doktorsritgerð í guðfræði. Hann var einn mesti áhrifamaður í
málum kirkju og kristni á íslandi á 19. öld, sem kennari prestsefna og höfundur
prédikana og hugvekja sem náðu mikilli útbreiðslu meðal landsmanna. Hann var
biskup 1866-1889. Hann var óvenju afkastamikill en um leið nákvæmur og sam-
viskusamur embættismaður. Pétur var konungskjörinn þingmaður í mörg ár.
lútherskra kenninga.
Sigurður Melsted (1819-1895) starfaði sem annar kennari
Prestaskólans við hlið Dr. Péturs Péturssonar. Hann var
guðfræðingur frá Kaupmannahöfn og varð forstöðumaður
Prestaskólans árið 1866 þegar Pétur varð biskup. Hann
hafði einnig verið í hópi Fjölnismanna á háskólaárum sín-
um og var m.a. í útgáfustjórn Nýrra félagsrita. Hann lét af
embætti vegna heilsubrests árið 1885. Sigurður var farsæll
kennari og forstöðumaður. Hann þýddi og gaf út Agsborg-
arjátningu og skrifaði bók um mun rómversk-kaþólskra og
Hann var konungkjörinn alþingismaður um skeið.
16