Ritröð Guðfræðistofnunar - 01.01.1998, Qupperneq 100

Sigurður Arni Þóröarson
sendi þær síðan út til umsagnar og kirkjuþing samþykkti þær, sem grundvöll
frekari útfærslu. Þær verða síðan unnar frekar í tengslum við hið nýja regluverk
kirkjunnar og lagðar fyrir kirkjuþing næsta haust til afgreiðslu. Tillögurnar fara
hér á eftir.
TiIIögur um nýskipan starfsþjálfunar prestsefna
1. Þjálfunarteymi
Á vegum embættis biskups íslands verði stofnað þriggja manna þjálfunarteymi,
sem fyrir hönd og á ábyrgð biskups sjái um undirbúning guðfræðinema og kandí-
data fyrir prestsþjónustu og handleiðslu nývígðra presta. Teyminu verði sett ítar-
legt erindisbréf, þar sem fram komi starfshættir og starfsviðmið. Formaður teym-
isins stýri starfi þess fyrir hönd biskups.
2. Samfylgdarskipan
Þjálfun prestsefna verði að hluta til samhliða guðfræðinámi, en ljúki ekki fyrr en
eftir kandídatspróf með tveggja mánaða þjálfun kandídata og handleiðslu ný-
vígðra presta.
3. Skráning og stuðningur
Eigi síðar en í upphafi þriðja árs guðfræðináms (60 e.) skrái þau, sem hug hafa á
kirkjulegu starfi að loknu námi, sig til þjálfunar og fundar með biskupi. Þjálfun-
arteymi fundi árlega með skráðum þátttakendum. Sé ástæða talin til eigi nemi/
kandídat fund með biskupi. Ef þjálfunarteymi kemst að þeirri niðurstöðu, að
prestsstarf henti einstaklingnum ekki, skal það kynnt biskupi. Ef biskup sam-
sinnir niðurstöðu þjálfunarteymis skal fundað með nema/kandídat og hann síðan
studdur til að finna hæfileikum sínum annan farveg. Þetta verði svo snemma,
sem gerlegt er, á námsferli einstaklingsins.
4. Námskeið og þátttaka í safnaðarstarfi
Árlega skulu þau, sem hafa skráð sig til þjálfunar, sækja nokkurra daga nám-
skeið, sem þjálfunarteymi heldur. Þá skulu guðfræðinemar taka þátt í starfí safn-
aðar með reglulegum hætti og með því kynnast kirkjulífi af eigin raun.
5. Tveggja mánaða kandídataþjálfun
Að fengnum jákvæðum umsögnum heimilar biskup kandídat að hefja kandídats-
þjálfun. Þjálfunin verði minnst tveir mánuðir. Þjálfunarteymi geri ítarlegar
starfsreglur fyrir handleiðara og undirbúi endanlega skýrslu í hendur biskupi,
áður en kandídat getur sótt um embætti.
98