Ritröð Guðfræðistofnunar - 01.01.1998, Blaðsíða 165

Guðfræði og biblíuþýðing
getið um viðbrögð drengsins sem Jesús rak málleysisanda úr en greint er frá orð-
um föður hans „Ég trúi, hjálpa þú vantrú minni“ (9.24).
Aðrir þátttakendur eru nefndir svo sem smælingjar (9.42), böm (10.13nn) og
lítið barn (9.35).
Tengslþátttakenda: Bartímeus er viss hliðstæða Péturs. Bartímeus kallar Jesú
son Davíðs og sýnir staðfastan ásetning og trú. Trú Bartímeusar tengist ekki
skilningi á þjáningu Mannssonarins en þegar hann hefur fengið sýn fylgir hann
Jesú á ferðinni til Golgata. Pétur játar Jesú sem Krist og sér hann ummyndaðan í
dýrð en er óöruggur og hræddur og skilur ekki að Mannssonurinn eigi að þjást og
gefa líf sitt sem lausnargjald fyrir marga. Síðar í sögunni á hann eftir að afneita
Jesú og flýja en þrátt fyrir það stefnir hinn upprisni Kristur Pétri og lærisveinun-
um til Galíleu þar sem þeir muni sjá hann (16.7).
Sögumaður og áheyrendur sögumanns:
Sögumaðurinn talar við „okkur“ áheyrendur sögumanns og greinir okkur frá
atburðarásinni eins og hún ber fyrir augu þess sem horfir á og veit allt. Hann
greinir okkur frá orðaskiptum Jesú og lærisveinanna, hvemig hann segir þeim
dæmisögur og líkingar sem þeir skilja ekki og frá orðaskiptum Jesú við Bartíme-
us og auðuga manninn og hann greinir okkur frá skilningsleysi faríseanna og
fræðimannanna. Hann hefur sagt okkur í upphafi að Jesús sé sonur Guðs og í ní-
unda kaflanum er það endurtekið.
Stef:
Vegur og eftirfylgd. Jesús og lærisveinarnir eru á leið til Jerúsalem. Þeir fylgja
Jesú á ferðinni og sama gerir Bartímeus þegar hann slæst í för með þeim (10.52).
Þeir hafa yfirgefið allt og fylgt Jesú (1.16-20; 10.28; sbr. 10.52). Eftirfylgdin og
vegurinn eru miðlæg stef í guðspjallinu (1.18; 2.14; 8.34; 9.38; 10.21, 28, 32).
Skilningur og skilningsleysi. Lærisveinarnir skilja ekki það sem Jesús er að
kenna þeim að Mannssonurinn eigi að líða. Farísearnir em einnig lokaðir og
skilja ekki merkingu lögmálsins(10.5n). Skilningur og skilningsleysi tengjast
ljósi og myrkri og að vera sjáandi og að vera blindur.
Trú og trúleysi. Það er trú Bartímeusar og yfirlýsing Jesú sem bjargar honum
og gerir hann heilan. Það er vissa hins blinda um mátt Jesú fremur en skilningur
hans á hlutverki Mannssonarins sem lausnargjalds fyrir marga sem felst í trú
hans. Trú föður mannsins með visnu höndina felst í að hann biður Jesú um að
hjálpa vantrú sinni.
Væntingar manna og óskir. Bartímeus biður Jesú um sýn. Bræðurnir Jakob og
Jóhannes biðja Jesú um heiðurssætin. Lærisveinarnir metast um hver þeirra sé
mestur. Auðugi maðurinn spyr Jesú hvað hann eigi að gera til þess að öðlast eilíft
líf (10.17).
Leiðir til þess að verða hólpin: Jesús spyr þá Jakob og Jóhannes hvort þeir
163