Ritröð Guðfræðistofnunar - 01.01.1998, Síða 171

Guðfræði og biblíuþýðing
heimspekistefnur fjalla um manninn og breytni hans og möguleika hans að
breyta skynsamlega og í samræmi við ætlan þess sem skóp hann. Heimspekingar
og samfélagsfræðingar hafa sett fram kenningar um réttlátt þjóðfélag og sam-
skiptahætti þar sem einstaklingarnir fái að njóta sín. Skáld og rithöfundar fjalla
einnig um leið mannsins til að öðlast innsýn og ná þroska.
Orðaforði bókmennta- og samfélagsfræða og orðaforði guðfræðinnar er ekki
alltaf samstæður þótt fjallað sé um skyld efni. Það rýrir gildi framsetninga þeirra
og úr því þyrfti að bæta.
Trú og eftirfylgd eru miðlæg stef í sögunni af Bartímeusi. Hvað felst í því?
Felst trúin í að trúa því að kraftaverk Jesú hafi átt sér stað? Öðluðust þeir trú sem
sáu Jesú lækna Bartímeus og höfðu séð Jesú lækna blinda manninn í Betsaídu?
Þeir sem fylgdu jarðneska Jesú og heyrðu hann tala skildu ekki nauðsyn kross-
ins.
Trúin felst í að kalla eftir skilningi og að opna sig fyrir skilningi. Eftirfylgdin
felst í að ígrunda Jesú sem opinberun á mælistiku Guðs, sem dæmi um aðferð
Guðs. Er verið að gera lítið úr viðleitni mannsins til að standa á eigin fótum með
því að gera greinarmun á mælistiku Guðs og mælistiku manna? Það getur stund-
um verið erfitt að gera greinarmun á mælistiku Guðs og mælistiku manna.
Mannkynssagan og ekki síst kirkjusagan sýnir mörg dæmi þess að maðurinn hafi
gert eigin mælistiku að mælistiku Guðs. Þetta er kannske sérstaklega hættulegt
fyrir þá sem telja sig hafa allt á hreinu.
Eftirfylgdin og vöxturinn felst í að opna sig í hverju tilfelli fyrir kraftaverki
Guðs, ganga inn í hlutverk akurlendis Guðs.
Hvert er kennivald/sannleiksgildi kaflans? Segja má að sagan um Bartímeus
blinda fjalli um leiðir til að skilja kross Krists sem verkandi afl í samfélaginu og
kirkjunni.
Væri hægt að gera söguna sjálfa skiljanlegri fyrir nútíma lesendur? Tilreiðsla
textans þarf að miða að því að textinn grípi inn í tilvist okkar. Þýðingin þarf að
vera skýr og auðlesin og jafnframt þarf hún að vekja forvitni okkar.
Markúsarguðspjall er eins konar „metafóra“ eða myndhverfing. Til þess að
hægt sé að skilja „metafóru“ þarf að ganga inn í hana eða gleypa hana og melta
og láta hana verka eins og sáðkorn og gefa ávöxt.
Lýsingin á Bartímeusi og blinda manninum, sem voru blindir en fengu sýn,
setur fram skil milli þess sem var og hins sem orðið er, nýs ástands, kraftaverks
fyrir tilstilli Jesú Krists, sem gerir þeim kleift að fylgja Jesú á ferðinni eða veg-
inum og gefa af sér margfaldan ávöxt.
Lýsingin á lærisveinunum er lýsing á ástandinu eins og það var fyrir dauða og
upprisu Jesú Krists, en nú er komið nýtt ástand og nýir möguleikar
Það þarf að glíma við gátur og leysa þær og sama gildir um „metafórur“ og
169