Tímarit hjúkrunarfræðinga - 01.10.2011, Blaðsíða 48
Tímarit hjúkrunarfræ›inga – 5. tbl. 87. árg. 201144
Kim Manley, kim.manley@canterbury.ac.uk
Það er von mín að þessi grein megi verða
til þess að vekja áhuga lesenda á að
fræðast nánar um þá aðferðafræði sem
kölluð hefur verið „starfendaefling“ (e.
practice development) með því að kynna
heildarhugmyndina og útskýra á hvern
hátt hún getur stutt heilbrigðisstarfsfólk
og leiðtoga í hjúkrun til að vinna að
framförum í eigin starfi sem og innan
fagteyma og þeirrar heilbrigðisþjónustu
sem þeir sinna.
Starfendaefling (SE) leitast við að
samþætta faglega framþróun og eflingu
starfsfólks og felur í sér kerfisbundnar
leiðir til að viðhalda áunnum breytingum.
Hún gerir ráð fyrir nánu samstarfi við
lykilhópa hagsmunaaðila í þeim tilgangi
að brúa bilið milli starfs, menntunar,
rannsókna og stefnu fyrirtækis eða
stofnunar og skiptir þannig sköpum fyrir
reynslu og bata sjúklinganna og notendur
þjónustunnar. Hún hefur einnig jákvæð
áhrif á starfsupplifun og líðan þeirra sem
vinna við heilbrigðisþjónustu, en þessir
þættir eru í æ ríkara mæli taldir mikilvægir
fyrir það hvernig sjúklingum reiðir af.
Meginháhersla SE er á framlínuþjónustu
– vinnustaðinn og leið sjúklingsins
í gegnum meðferðarferlið – þar sem
starfsfólk og sjúklingar mætast. Þetta stig
er kallað örkerfisstigið (e. microsystem
level, McCormack o.fl., 2008) en það er
engu síður mikilvægt að SE sé hluti af
heildarhugmyndafræði stofnunarinnar og
fái skipulagslegan stuðning ef hún á að
nýtast til fulls.
SE á rætur sínar að rekja til hjúkrunar
en hefur unnið sér fastan sess innan
heilbrigðisteyma og á erindi við alla sem
vilja auka gæði umönnunar og þjónustu
við sjúklinga jafnhliða því að auka hæfni
starfsfólksins (Manley o.fl., 2008).
Fræðimaður í fullu fjöri
STARFENDAEFLING: MARGÞÆTTAR AÐGERÐIR
TIL AÐ NÁ FRAM SJÁLFBÆRUM BREYTINGUM Í
HEILBRIGÐISÞJÓNUSTU
Áður fyrr var það hlutverk stjórnandans að móta
starfshætti en nú er litið svo á að allir starfsmenn
eigi að taka þátt í því. Kim Manley veltir hér fyrir
sér hvernig þetta snýr að hjúkrun.