Þjóðmál - 01.06.2012, Qupperneq 91

90 Þjóðmál SUmAR 2012
Grímsstaðina alla undir sinn rekstur, en
svo virðist sem jörðin sé annað hvort öll
föl eða ekki“ . Finnst Hjörleifi „athugandi
fyrir Huang og hans fólk að láta á það reyna
hvort fá megi lóð út úr Grímsstaðatorfunni
en falast að öðrum kosti eftir jörð af normal
stærð fyrir uppbygginguna“ .
Þá segir Hjörleifur Sveinbjörnsson:
Margt í þessum Grímsstaðamálum er lost in
translation og þá á báða bóga . Það stendur
upp á Huang og samstarfsfólk hans um
fjárfestingar á Íslandi að útskýra hvernig þau
sjá hlutina fyrir sér . Þar hefur mikið vantað upp
á og fyrir bragðið hafa ýmsar bábiljur fengið
vængi . Það þarf að kynna fjárfestingarplön,
útskýra hvernig staðið verður að fyrirhugaðri
uppbyggingu og leggja fram sannfærandi
viðskiptaáætlanir og röksemdir fyrir því að
þessi rekstur fái staðist til lengri tíma litið .
Að öðrum kosti væri það ábyrgðarleysi af
sveitarfélögum á Norð­Austurlandi að gambla
með sameiginlega sjóði . Síðast en ekki síst
þarf að fara yfir starfsmannamálin með
stéttarfélögunum á staðnum .
Næsta skref þarf að vera að Huang, eða náið
samstarfsfólk hans í Zhungkun­fyrirtækinu,
komi til landsins, fari yfir alla mögulega fleti
á þessu máli og ræði við þá sem að því koma .
Ef vel tekst til getur fjárfesting Huangs orðið
mikil lyftistöng . En þá þurfum við líka öll að
vanda okkur .
Hjörleifur Sveinbjörnsson segir að sveitar­
félög „gambli“ eða leiki áhættuspil af
ábyrgðarleysi með sameiginlega sjóði ef
Huang Nubo kynni ekki fjárfestingarplön,
hvernig hann ætli að standa að fram­
kvæmdum og leggi fram sannfærandi við­
skipta áætlanir og röksemdir fyrir þeim .
Ekkert af þessu hefur verið kynnt en svo
virðist sem félagið GáF ehf . eigi að ganga á
eftir þessu öllu auk annars .
Af því sem fram hefur komið má ætla
að atvinnuþróunarfélögum Eyfirðinga og
Þingeyinga verði falið að leiða starf GáF ehf .
á sama hátt og þau hafa unnið að málinu
fyrir sveitarfélögin frá því í mars 2012 .
Á stæða er til að spyrja hver sé viðmæl­andi hér á landi af hálfu Huangs
Nubos eftir að Hjörleifur Sveinbjörnsson
skrif aði sig frá honum með þessum hætti .
Halldór Jóhannsson arkitekt hefur verið
kynnt ur til sögunnar sem umboðsmaður
Huangs á Íslandi . Bloggarinn Lára Hanna
Ein arsdóttir, sem stundum lætur að sér
kveða með því að taka saman efni á vefsíðu
sína, birti hinn 10 . maí 2012 pistil þar sem
sagði meðal annars um Halldór Jóhanns­
son:
Maður er nefndur Halldór Jóhannsson,
búsettur á Akureyri . Hann var m .a . kærður
fyrir miðaklúður vegna HM árið 1995,
og var hluthafi í frægri lakkrísverksmiðju
sem sett var á fót í Kína 1992 (hvernig
endaði það ævintýri?) . Halldór rak síðast
ráðgjafaþjónustuna Teikn á lofti sem — viti
menn! — gerði einmitt aðalskipulagið fyrir
Langanesbyggð sem um var fjallað í fréttunum
[…] með stórskipahöfn, alþjóðaflugvelli og
margföldun íbúafjölda . Teikn á lofti varð
gjaldþrota í ágúst sl .
Halldór Jóhannsson kemur víðar við . Hann
er skráður fyrir léninu www .drekiarea .is þar
sem norðausturhornið kynnir sig og mögulega
þjónustu sína . Allir sjá í hvað nafnið vísar –
Drekasvæðið . Þarna er meira að segja 16 síðna
bæklingur sem gerir ráð fyrir að aðalskipulagið
verði samþykkt með stórskipahöfn, flugvelli
og öllum pakkanum . Þótt gefin séu upp nöfn
tveggja sveitarstjóra á síðunni er á baksíðu
bæklingsins tilgreint hvern á að hafa samband
við ef áhugi er fyrir hendi — engan annan en
Halldór Jóhannsson .
En Halldór er stórtækari en þetta . Hann
er einnig skráður fyrir lénunum www .arctic­
portal .org og www .arcticportal .is . Íslenskt
heiti fyrirbærisins er Norðurslóðagáttin ehf .
og þar kemur Halldór Jóhannsson vitanlega
við sögu . Eins og sjá má hér er hann einn