Gerðir kirkjuþings - 2009, Qupperneq 98

98
11. mál kirkjuþings 2009
Flutt af kirkjuráði

Starfsreglur um breytingu á starfsreglum um rekstrarkostnað
prestsembætta og vegna prófastsstarfa nr. 819/1999.

1. gr.
1. gr. starfsreglnanna orðist svo:
Til árlegs rekstrarkostnaðar prestsembættis greiðast kr. 500 þúsund vegna skrifstofu-,
síma-, póst- og fatakostnaðar. Þessi fjárhæð skal sundurliðuð og jafnað niður í
mánaðarlegar greiðslur.

2. gr.
2. gr. starfsreglnanna orðist svo:
Til árlegs rekstrarkostnaðar vegna prófastsstarfa greiðast til viðbótar rekstrarkostnaði
samkvæmt 1. gr. kr. 170 þúsund og vegna presta erlendis kr. 520 þúsund.

3. gr.
3. gr. starfsreglnanna orðist svo:
Árlegur aksturs- og ferðakostnaður embætta presta og vegna starfa prófasta er
greiddur samkvæmt eftirfarandi flokkun:

I. flokkur - kr. 250 þús. á ári.
a) embætti sóknarpresta og presta með eina sókn
b) embætti sérþjónustupresta
c) embætti héraðspresta.
Enn fremur vegna starfa prófasta að frátöldum þeim sem getið er í II. flokki.

II. flokkur - kr. 380 þús. á ári.
a) embætti sóknarpresta og presta á höfuðborgarsvæðinu með fleiri en eina sókn.
b) embætti sóknarpresta og presta í þéttbýli eða þar sem stærstur hluti íbúa býr í
þéttbýli, með eina eða tvær sóknir
c) embætti sóknarpresta í dreifbýli með eina sókn
d) embætti sérþjónustupresta sem hafa aðallega þjónustuskyldu á
höfuðborgarsvæðinu
e) embætti héraðspresta í dreifbýli og víðfeðmi.
Enn fremur vegna starfa prófasta í víðfeðmum prófastsdæmum.

III. flokkur - kr. 600 þús. á ári.
a) embætti sóknarpresta og presta í dreifbýli með tvær sóknir eða fleiri
b) embætti sérþjónustupresta með fasta þjónustuskyldu um land allt
c) embætti presta erlendis.

IV. flokkur - allt að kr. 850 þús. á ári.
a) embætti í víðfeðmum prestaköllum
b) embætti sem tekið hafa við viðbótarþjónustu við sameiningu prestakalla. Ef
prestakall sameinast fleiri en einu prestakalli skal meta hlutfall af mismuni frá
þeim flokki sem viðkomandi prestur var í til IV. flokks í samræmi við fjölda
íbúa í sóknunum. Þetta ákvæði gildir út skipunartíma þess sóknarprests sem
tekur við þeirri viðbótarþjónustu.