Ritröð Guðfræðistofnunar - 01.09.2011, Qupperneq 73

hann próföstunum í Múlaprófastdæmunum báðum sérstaklega um stefnuna
og bað þá hlynna að fundarsókn úr prófastdæmum sínum eftir því sem
kringumstæður leyfðu en prestar á stærstum hluta landsins voru því óvanir
að vera kallaðir til prestastefnu ef frá er talið boðið frá árinu áður.86 Skyldi
stefnan standa frá 7. til 9. júlí og vígslan fara fram sunnudaginn 10. júlí.87
Bréfið sýnir að Þórhallur hefur einkum vænst þátttöku presta af Norður- og
Austurlandi en talið ástæðu til að höfða sérstaklega til þeirra sem bjuggu
fjærst Hólum.
I júníbyrjun var biskup tekinn að búast við góðri aðsókn þótt vorharðindi
hefðu dregið nokkuð úr hug manna að sækja stefnuna að sunnan. Dagskráin
var í mótun og af fenginni reynslu frá Þingvöllum taldi biskup að fundir
í heyranda hljóði mundu verða stefnunni fjötur um fót vegna aðsóknar.
Taldi hann meiri tíma þurfa „til kyrlátra samveru- og samræðufunda presta,
einna í sinn hóp“ en gefist hafði árið áður. Mikilvægt væri að stefnan yrði
„andlegir endurnæringar og hressingardagar".88
Prestastefnan á Hólum hófst degi seinna en áformað hafði verið vegna
tafa strandferðaskipsins sem biskup ferðaðist með. Hana sóttu 23 prestar
auk biskups. Flestir eða 20 komu úr Hólastifti hinu forna en alls þjónuðu
þar 35 prestar þetta ár. Markmiðið um almenna prestastefnu náðist
því ekki á Hólum frekar en á Þingvöllum árið áður. Af 11 prestum í
Þingeyjarprófastdæmum sóttu rúmlega helmingur eða sex stefnuna en aðeins
tveir af níu úr Eyjafjarðarprófastdæmi. Var annar þeirra Bjarni Þorsteinsson
(1861-1938) á Siglufirði sem átti ekki langt að fara. Ur Skagafirði komu
allir átta prestar héraðsins en helmingi færri úr Húnavatnsprófastdæmi en
þar þjónuðu sjö prestar. Fjórir komu úr Skálholtsbiskupsdæmi hinu forna,
Sigurður P. Sívertsen sem var meðal málshefjenda, Ólafur Sæmundsson
(1865-1936) í Hraungerði, Þorsteinn Briem (1885-1949) þá aðstoðar-
prestur í Görðum á Alftanesi, síðar prófastur í Görðum á Akranesi, alþingis-
maður og ráðherra og Sigurður Stefánsson (1854-1925) í Vigur sem tók
86 Bisk. til téðra prófasta 30. og 31.3.1910. M. Bps. 1994—E/1.
87 Þórhallur Bjarnarson 1910: 73-74. 30. mars tilkynnir Þórhallur biskup Hálfdáni Guðjónssyni
prófasti í Húnavatnsprófasdæmi að prestastefna og biskupsvígsla verði á Hólum á nefndum tíma
og felur honum efitir áður umtöluðu að flytja erindi um „framhald hins byrjaða prestafélagsskapar
í Hólastifti. Þ. Bj. til Hálfd. Guðjónss. 30. 3. 1910. ÞÍ. Bps. 1994- E/l. Sama dag er Geir
Sæmundssyni sent bréf um pretastefnuna og biskupsvígslu hans. Hann er beðinn að annast söng
og getið tilboðs Bjama Þorsteinssonar um aðstoð. Þ. Bj. til G. S. 30. 3. 1910. ÞÍ: Bps. 1994- E/l.
Þá var Árni Björnsson beðinn að lýsa vígslu og vera vígsluvottur. 30. 3. 1910. ÞÍ. Bps. 1994- E/l.
88 Prestastefnan á Hólum 1910a: 134-135.