Morgunblaðið - 12.05.2016, Síða 14

14 DAGLEGT LÍF
MORGUNBLAÐIÐ FIMMTUDAGUR 12. MAÍ 2016
Guðrún Vala Elísdóttir
vala@simenntun.is
Einþáttungurinn „Gráskinna: The saga ofblack magic“ var frumfluttur síðastasunnudag á Landnámssetrinu í Borga-nesi. Leikritið er hugsað fyrir erlent
ferðafólk og er flutt á ensku. Höfundur handrits
og flytjandi er Geir Konráð Theodórsson, en
pabbi hans leikstýrir og bróðir hans er sýning-
arstjóri. Leikverkið verður á dagskrá í sumar og
sýnt alla daga í þessari viku, nema á laugardags-
kvöldið því Geir segist ekki geta keppt við Euro-
vision.
„Ef vel gengur verða svo fastir sýningar-
tímar út sumarið. Verkið er ætlað ferðamönnum
og miðinn kostar 2.000 kr. Hinsvegar er íbúum á
Vesturlandi boðið að sjá sýningarnar sér að
kostnaðarlausu. Það er þakklætisvottur Land-
námssetursins til samfélagsins á Vesturlandi, en
setrið er tíu ára á þessu ári. Íbúar eru svo auðvit-
að þeir bestu til að breiða hróður okkar út til er-
lendra gesta og því hagur okkar að sem flestir viti
um hvað Gráskinna fjallar.“
Hann segir viðtökurnar hafa verið góðar en
eftirspurn hefur verið eftir menningarviðburðum
á ensku á svæðinu. Þeir sem nú þegar hafa séð
sýninguna hafa komið út sérstaklega glaðir, segir
Geir, hvort sem þeir hafa verið heimamenn eða
ferðafólk.
Fjölskylduverk
Geir er þrítugur Borgnesingur og uppfinn-
ingamaður. „Ég hef stundað margskonar nám við
flesta háskóla landsins en aldrei lokið gráðu, unn-
ið allskonar störf á sjó og landi, í skrambi mörgum
löndum, en kem alltaf heim aftur. Núna er ég með
fyrirtæki í Borgarnesi í kringum uppfinningarnar
mínar og leikritið Gráskinna er viðbót við það.“
Hann segist lengi hafa haft gaman af þjóðsög-
unum og hefur stundað þá iðju að hræða erlenda
ferðamenn með þessum sögum þegar hann hefur
verið leiðsögumaður þeirra um landið. Smám
saman fór hann að tvinna nokkrar sögur saman í
eina heild. Hugmyndin að gera þetta leikriti varð
til vegna þess að hann hafði lengi dáðst að list-
ræna starfinu í Landnámssetrinu og eins starfinu
í Frystiklefanum í Rifi. Uppfullur af þessum já-
kvæðu straumum byrjaði Geir að skrifa með það
fyrir augum að kannski leika verkið einn daginn.
„Það hjálpaði líka mikið til að eiga föður með
mikla leikræna reynslu og hvetjandi yngri bróður
sem starfað hefur lengi sem sýningarstjóri á
Landnámssetrinu. Fjölskyldan öll hvatti mig
áfram þegar ég hafði lokið við handritsgerðina og
faðir minn leikstýrði verkinu og bróðir minn
skipulagði sýninguna. Þetta er í raun mikið fjöl-
skylduverk en ég fékk þó einnig góða hjálp frá
kvikmyndaleikstjóranum Guðna Líndal og lista-
konunni Michelle Bird“.
Geir segir Borgarnes vera dásamlegt í nær
alla staði og hafa margt upp á að bjóða, en það hafi
verið skortur á viðburðum á kvöldin sem henta
ferðafólki.
Ekkert mál þegar fólk brosir
„Venjulega er það ekki vandamál þar sem
fólkið er bara að njóta náttúrunnar en þegar illa
viðrar tekur maður betur eftir þessu vandamáli.
Ég ákvað því að hafa leikritið á einfaldri ensku
sem flestir gætu skilið. Það var auðvitað smá
stress fyrst með að taka einleik á ensku en svo
þegar sýning hefst og maður sér fólk brosa þá
verður þetta ekkert mál.“ Geir er heldur ekki
reynslulaus í þessum efnum. Hann hefur tengst
leikdeild ungmennafélagsins Skallagríms, hann
lék í leikritum þegar hann var í Menntaskólanum
á Akureyri og í vefþáttaröð hjá Fenri Films,
ásamt því að „fíflast“ á youtube-rásinni Joe’s Dun-
geon.
Geir leikur í fullum skrúða og fékk aðstoð við
búninginn hjá víkingafélaginu Hringhorna á
Akranesi. „Það hjálpar mér mikið við að komast í
rétta leikgírinn en ég játa að mig klæjar stundum
ögn undan hrosshársreipinu.“ Verkið er byggt að-
allega á þremur þjóðsögum sem tvinnaðar eru
saman í kringum galdrabókina Gráskinnu. Sög-
urnar sem Geir byggir verkið á eru Saga Sæ-
mundar Fróða, Galdra-Loftur og Hellismanna-
saga sem gerist í Surtshelli í Hallmundarhrauni.
Hann tvinnar þessar sögur saman með því að láta
Sæmund fróða stela Gráskinnu af Kölska þegar
hann er við nám í Svartaskóla, og með bókinni
berst svo svartigaldur til Íslands. Verkið er sýnt á
Söguloftinu í Landnámssetrinu og smellpassar,
segir Geir, í andrúmsloftið þar. „Sýningarstjórinn
hann Eiríkur bróðir minn setti salinn svipað upp
og fyrir Mr. Skallagrímsson sýninguna en það fær
mig þó til að kikna ögn í hnjánum við tilhugsun-
ina, enda var það skemmtilegasta leiksýning sem
ég hef séð.“
Sýningin er um 75 mínútur með hléi og þó að
hún sé ætluð ferðamönnum heldur Geir að flestir
geti skemmt sér á henni ef þeir hafa smákunnáttu
í enskri tungu. „Verkið virðist skemmta fólki en
eins og þjóðsögurnar okkar þá koma alvarlegir
kaflar og smá hryllingur hér og þar. Þetta er lík-
legast ekki fyrir börn yngri en 12 ára, þökk sé
óþokkanum honum Galdra-Lofti.“
Flytur einþáttung á ensku
fyrir erlenda ferðamenn
Geir Konráð Theodórsson, þrítugur Borgnesingur og uppfinningamaður, hefur stundum hrætt erlenda ferða-
menn með íslenskum þjóðsögum þegar hann lóðsar þá um landið. Smám saman fór hann að tvinna saman
sögurnar og úr varð einþáttungurinn „Gráskinna: The saga of black magic“, sem hann frumflutti í Land-
námssetrinu í Borgarnesi um helgina. Þjóðsagnapersónurnar tala allar ensku og fipast hvergi.
Í fullum skrúða Höfundurinn og flytjandinn Geir Konráð kemst í rétta leikgírinn í fullum skrúða.
Söguþráður: Sæmundur fróði
stelur Gráskinnu af Kölska þegar
hann er við nám í Svartaskóla og
með bókinni berst svartigaldur
til Íslands.
Bláklædda konan er yfirskrift erindis
Marianne Guckelsberger hjá Heimil-
isiðnaðarfélagi Íslands í Nethyl 2e kl.
20 í kvöld. Marianne fjallar um rann-
sóknarverkefni sem hún vann ásamt
Marled Mader fyrr á þessu ári. Verk-
efnið fólst í að rannsaka og vinna frá
grunni endurgerð af klæðum konu frá
Ketilstöðum sem fundust í kumli frá
fyrri hluta 10. aldar. Marianne dvaldi í
Textílsetrinu á Blönduósi í tvo mán-
uði í byrjun árs þar sem hún spann,
litaði og óf klæði konunnar í sam-
starfi við Marled. Í erindi sínu rekur
hún ferlið og vinnuna að baki verkinu,
sýnir myndir auk þess sem klæðin
sjálf eru á staðnum. Þeir sem unna
miðaldahandverki, jurtalitun, tóvinnu
eða vefnaði ættu ekki að láta sig
vanta. Aðgangur ókeypis fyrir félags-
menn Heimilisiðnaðarfélagsins,
1.000 kr fyrir aðra.
Erindi um miðaldahandverk
Ljósmynd/Marled Mader
Klæðin Hörkjóll, blálitaður skokkur
með hlýrum og upphafsborða.
Endurgerð
klæða bláklæddu
konunnar
Í tilefni af tuttugu ára afmæli Stóru
upplestrarkeppninnar efna Íslensk
málnefnd og Raddir, samtök um
vandaðan upplestur og framsögn til
málþings í Norræna húsinu í dag kl.
14.00–16.00.
Á málþinginu, sem nefnist Sæktu
þér að lesa sögur eða ljós, verður
fjallað um gildi og áhrif keppninnar,
möguleika sem í henni felast, tengsl
lesskilnings og vandaðs upplestrar
og horft fram á veginn.
Framsögumenn eru fræðimenn,
kennarar, skáld, nemendur auk full-
trúa menntamálayfirvalda.
Málþingið er ætlað skólafólki, for-
eldrum og þeim sem er annt um læsi,
lestraráhuga og vandaðan upplestur.
Endilega . . .
… sæktu þér að
lesa sögur eða
ljóð
Herravörur
gæðavörur á góðu verði,
allar stærðir.
Sendum í póstkröfuHerrabolir - kr. 990 Litir: Hvítt, svart og grátt.
Herraboxer - kr. 690 Litir: Hvítt, svart og grátt.
Hnésíðar buxur
kr. 990 Margir litir
Styrktarverslanir Fjölskylduhjálpar Íslands eru:
Iðufell 14, 111 Reykjavík,
sími 551 3360,
Opið alla virka daga frá kl 13 til 17.
Baldursgötu 14, Reykjanesbæ,
sími 421 1200
Opið alla virka daga frá kl 13 til 18.
Hamraborg 9, Kópavogi,
sími 553 3360,
Opið alla virka daga frá 13 til 18.