Morgunblaðið - 12.05.2016, Page 46

46 FRÉTTIRErlent
MORGUNBLAÐIÐ FIMMTUDAGUR 12. MAÍ 2016
lÍs en ku
ALPARNIR
s
FAXAFENI 8, SÍMI 534 2727
alparnir.is
Fyrir göngugarpinn
P.A.C. Primaloft
sokkar
Verð 2.595,-
RAB útivistarbuxur
Verð 29.995,-
herrajakki
Verð 34.995,-
Salomon Quest Origin
gönguskór
Verð 39.995,-
Mountain Equipment
Bogi Þór Arason
bogi@mbl.is
Ný skoðanakönnun bendir til þess að
auðkýfingurinn Donald Trump hafi
sótt í sig veðrið í þremur ríkjum sem
talið er að geti ráðið úrslitum í for-
setakosningunum í Bandaríkjunum
8. nóvember. Ef marka má könnun-
ina hefur Trump nánast unnið upp
forskot Hillary Clinton, líklegs for-
setaefnis demókrata, í tveimur lykil-
ríkjanna, Flórída og Pennsylvaníu,
og nýtur nú meira fylgis en hún í
Ohio. Ekkert forsetaefni hefur verið
kjörið forseti Bandaríkjanna frá
árinu 1960 án þess að sigra í að
minnsta kosti tveimur af þessum
þremur ríkjum.
Mitch McConnell, leiðtogi repú-
blikana í öldungadeild þingsins,
sagði könnunina benda til þess að
væntanlegt forsetaefni flokksins
væri líklegt til að geta veitt forseta-
efni demókrata harða keppni.
Sanders sterkari gegn
Trump en Clinton?
Samkvæmt könnun Quinnipiac
University ætla 43% skráðra kjós-
enda í Flórída og Pennsylvaníu að
kjósa Clinton en 42% Trump ef valið
stendur á milli þeirra í kosningunum
í nóvember. Í Ohio sögðust 43% ætla
að kjósa Trump en 39% Clinton.
Könnunin var gerð í síma frá 27.
apríl til 8. maí og náði til rúmlega
þúsund skráðra kjósenda í hverju
ríkjanna þriggja. Vikmörkin voru
þrjú prósentustig.
Í könnuninni mældist öldunga-
deildarþingmaðurinn Bernie Sand-
ers með meira fylgi en Trump í öllum
ríkjunum þremur. Í Flórída sögðust
um 44% myndu kjósa Sanders ef svo
færi að hann yrði næsta forsetaefni
demókrata en 42% Trump. Í Ohio
mældist fylgi Sanders 43% en
Trumps 41% og í Pennsylvaníu sögð-
ust 47% myndu kjósa Sanders en
41% Trump ef valið stæði á milli
þeirra tveggja.
Til að verða forsetaefni demókrata
þarf Clinton að fá a.m.k. 2.383 at-
kvæði á flokksþingi demókrata í
sumar og talið er að hana vanti nú
aðeins 144 atkvæði. Clinton var með
mikið forskot á Sanders í upphafi
kosningabaráttunnar en hann hefur
veitt henni harðari keppni en búist
var við og hefur sigrað í alls nítján
ríkjum, meðal annars í Vestur-Virg-
iníu, þar sem kosið var í fyrradag.
Nú er eftir að kjósa í átta ríkjum í
forkosningunum og svo gæti farið að
úrslitin réðust ekki fyrr en 7. júní
þegar kosið verður í Kaliforníu þar
sem Clinton er spáð sigri.
Kemur Trump aftur á óvart?
Donald Trump getur hins vegar
einbeitt sér að baráttunni við demó-
krata í forsetakosningunum eftir að
hafa sigrað keppinauta sína í for-
kosningum repúblikana. Hann sigr-
aði auðveldlega í tveimur ríkjum,
Vestur-Virginíu og Nebraska, í
fyrradag.
Flestar skoðanakannanir hafa
bent til þess að Clinton sé með sjö til
þrettán prósentustiga forskot á
Trump í öllu landinu en ný könnun
NBC-sjónvarpsins bendir til þess að
munurinn sé nú aðeins fimm pró-
sentustig.
Fjölmiðlamaðurinn Joe Scarbor-
ough, fyrrverandi fulltrúadeildar-
þingmaður repúblikana, telur hugs-
anlegt að Trump komi á óvart í
forsetakosningunum í nóvember,
eins og í forkosningum repúblikana.
Hann segir í grein á vef The Wash-
ington Post að þegar spurt sé hvort
fólk myndi kjósa Trump eða Clinton
komi hann betur út en Mitt Romney
gegn Barack Obama í forsetakosn-
ingunum fyrir fjórum árum. Hann
bendir ennfremur á að forkosning-
arnar og síðustu fylgiskannanir
benda til þess að kjósendur repúblik-
ana séu að fylkja sér um Trump, þótt
forystumenn flokksins hafi verið
mjög tregir til að styðja hann.
Donald Trump
í sókn í þremur
lykilríkjum
AFP
Þjarmar enn að Clinton Bernie Sanders öldungadeildarþingmaður á kosningafundi í Oregon-ríki. Sanders sigraði
Hillary Clinton, fyrrverandi utanríkisráðherra, í forkosningum demókrata í Vestur-Virginíu í fyrradag.
AFP
Trump hampað Bolir með myndum af Donald Trump til sölu við fundarstað
í borginni Eugene í Oregon þar sem hann var á atkvæðaveiðum á dögunum.
 Virðist hafa unnið upp forskot
Clinton í Flórída, Pennsylvaníu og Ohio
Efnahagsmál réðu mestu
» Bernie Sanders fékk 51% at-
kvæðanna og Clinton 36% í
forkosningum demókrata í
Vestur-Virginíu í fyrrdag. Í for-
kosningunum fyrir fjórum ár-
um sigraði Clinton örugglega í
ríkinu þegar hún keppti við
Barack Obama.
» Blaðið Charleston Gazette í
Vestur-Virginíu segir að stefna
Sanders í efnahagsmálum hafi
fært honum sigur í ríkinu.
» Blaðið segir að Donald
Trump hafi notið mikils stuðn-
ings í Vestur-Virginíu „að hluta
vegna reynslu hans í við-
skiptum og loforða hans um að
fjölga störfum, einkum í kola-
vinnslu“.
Neðri deild þings Ítalíu samþykkti í
gær frumvarp til laga sem heimilar
skráða sambúð para af sama kyni.
Áður hafði efri deildin samþykkt
frumvarpið í atkvæðagreiðslu sem
fór fram í febrúar. Ítalía var síðasta
stóra vestræna ríkið þar sem sam-
búð samkynja para naut ekki laga-
legrar viðurkenningar. Matteo
Renzi, forsætisráðherra Ítalíu,
sagði frumvarpið marka tímamót í
réttindabaráttu homma og lesbía.
Frumvarpið er mjög umdeilt á Ítal-
íu og maður í munkaklæðum tekur
hér þátt í mótmælum gegn því fyrir
utan þinghúsið í Róm í gær.
Umdeilt frumvarp samþykkt á Ítalíu
AFP
Sambúð samkynhneigðra
viðurkennd í lögum