Morgunblaðið - 12.05.2016, Side 59

59
MORGUNBLAÐIÐ FIMMTUDAGUR 12. MAÍ 2016
Birgir Gilbertsson
járnkarl
gleraugu
með styrkleika
NÝTT FRÁ OAKLEY
PRIZM RX Lenses
OAKLEY TRUE DIGITAL II
Þór segir oftast reynt að fara í
ferðina strax eftir útskrift en í skól-
um eins og Menntaskólanum í
Reykjavík séu sé hefðin sú að fara í
útskriftarferð sumarið fyrir síðasta
veturinn. „Útskriftarferðir eru al-
gengari hjá framhaldsskólum með
bekkjakerfi og hjá minni deildum
háskólanna. Samheldnin er ekki
endilega sú sama hjá nemendum í
skólum með einingakerfi eða í
stærstu háskóladeildunum.“
Vilja ekki bara djamm
Í hugum margra er útskriftar-
ferðin mikil ærslaferð. Er stefnan oft
sett á ferðamannavæna strandbæi
við Miðjarðharhafið og þess gætt að
ekki sé of langt í góða skemmtistaði,
verslanir og bari. Þór segist þó
greina að unga fólkið í dag vilji hafa
fjölbreytni í ferðunum og eitthvað
annað að gera en að skemmta sér og
skralla marga daga samfleytt. „Upp á
síðkastið finnst mér eftirspurnin vera
að aukast eftir ferðum til spennandi
borga á meðan áherslan á sólarland-
adæmið er að minnka töluvert. Um
daginn prófuðum við t.d. að senda
hóp til Möltu í ferð sem hafði sögu-
legt ívaf. Þar gátu þeir sem vildu m.a.
farið í skoðunarferðir um söguslóðir
þessarar merku eyju. Unga fólkið vill
skemmta sér en líka fullorðnast ögn í
þessum ferðum og læra eitthvað
nýtt.“
Þór nefnir borgir á borð við Berl-
ín, Dublin og Barselóna sem dæmi
um spennandi staði til að skoða þar
sem tvinnast saman góðir afþreying-
armöguleikar og einnig tækifæri til
að fræðast um sögu og upplifa
merka menningu.
Að mati Þórs er algengasta verðið
á útskriftarferðunum 150-200.000 kr
á manninn. Fyrir þá upphæð má fá
flug, gistingu í viku til tiu daga, með
fæði inniföldu. „Útskriftarnemend-
urnir geta verið mjög sjálfstæðir
ferðamenn en við erum samt alltaf
með starfsmann á staðnum sem get-
ur verið þeim innan handar og að-
stoðað t.d. við skipulag skoðunar-
ferða.“
Væntingar og þroski
Hvað má svo gera til að ferðin
heppnist sem best? Lesendur hafa
örugglega heyrt af útskriftarferðum
þar sem gamanið kárnaði, og stund-
um rata ósköpin jafnvel í fréttirnar.
Þór segir fyrsta skrefið í átt að góðri
útskriftarferð að versla við vandaða
ferðaskrifstofu. „Fólk ætti að hafa í
huga að sumir sölumenn reyna að
fegra það sem er í boði og það getur
skemmt stemninguna strax ef hóp-
urinn er mættur á staðinn og hótelið
eða bærinn stendur ekki undir vænt-
ingum. Sjálfur hef ég það fyrir reglu
að selja hópum ekki ferðir á staði
sem ég hef ekki skoðað í eigin per-
sónu, og get því verið alveg heiðar-
legur þegar ég mæli með einum
áfangastað fram yfir annan,“ segir
hann. „Við ættum líka að muna að
stundum borgar sig ekki að spara,
og gæti verð skynsamlegast að velja
t.d. pakkann sem kostar 20.000 kr.
meira til að vera á betra hóteli eða á
skemmtilegri stað.“
Bætir Þór því við að útskriftar-
ferðirnar eru alla jafna farnar í maí
eða byrjun júní. „Fólk verður að
hafa bak við eyrað að á þessum tíma
árs er ekki alltaf hægt að lofa æð-
islegu veðri alla daga á öllum stöð-
um.“
Drykkjulæti virðast ekki lengur
vera vandamál að sögn Þórs. Unga
fólkið virðist kunna að gæta sín og
ganga hægt um gleðinnar dyr.
„Þessi kynslóð kann að leysa það á
góðan og vinsamlegan hátt ef kast-
ast í kekki og löngu liðin tíð að málin
séu útkljáð með hnefunum.“
Viðráðanlegt verð
Jafnvel þó 150-200 þúsund krónur
séu engin ósköp fyrir vikulanga ferð
getur útskriftarferðin samt verið
stór biti fyrir tekjulága námsmenn.
Þór segir hægt að koma til móts við
nemendurna með ýmsum þægileg-
um greiðsluleiðum. „Oft standa
nemendahóparnir líka fyrir söfnun-
arátaki, gefa út blað eða reka skóla-
sjoppuna og dugar það stundum til
að safna fyrir allri ferðinni og borga
hana upp í topp.“
Morgunblaðið/ÓmarAFP
Áhugi Borgir eins
og Barcelona eru
staðir þar sem allir
geta fundið eitt-
hvað við sitt hæfi.