Morgunblaðið - 18.08.2016, Page 6

6 FRÉTTIRInnlent
MORGUNBLAÐIÐ FIMMTUDAGUR 18. ÁGÚST 2016
Verð 539.900 kr.
á mann í 2ja manna herbergi
Innifalið: Flug, hótel, allar ferðir, skattar og
íslenskur fararstjóri Sími 588 8900
transatlantic.is
Ævintýri
Á slóðir Maya Indíána
Mexíkó,
Guatemala
og Belize
Við kynnumst stórkostlegri náttúru, dýralífi og hinum forna
menningarheimi Maya indíána. Skoðum m.a. hin þekkta
píramída Tulum, gamlar menningaborgir, syndum í sjónum
við næst stærsta kóralrif heims og upplifum regnskóginn.
Við tökum svo nokkra daga á lúxus hóteli
við Karabíska hafið þar sem allt er innifalið
4.-18 okt. 2016
Einstök
ævintýraferð
„Þetta leysir ekki neinn bráðavanda
hjá ungu fólki til að komast inn á
húsnæðismarkaðinn eða komast í
öruggt húsnæði. Þetta mun vissu-
lega létta undir með ákveðnum hópi
en það er spurning hvort það er sá
hópur sem mest þarf á aðstoð að
halda núna,“ segir Henný Hinz,
hagfræðingur ASÍ, um boðaðar að-
gerðir stjórnvalda í húsnæðismálum
ungs fólks.
Sérfræðingar ASÍ hafa rýnt í til-
lögurnar og eru fyrstu viðbrögð
þeirra þau að fyrirhugaðar aðgerðir
gagnist sumum sem standi betur að
vígi, helst tekjuháu fólki, sem hafi
getu til að fara inn á markaðinn, en
ekki öðrum og síst þeim sem standi
veikum fótum fyrir, séu á lágum
launum, og þeim
sem eigi lítið sem
ekkert eigið fé.
„Þetta mun
vissulega gagn-
ast ákveðnum
hópi en fyrir
þann hóp sem er
verst staddur
núna, á ekki eigið
fé og hefur ekki
getu til að komast í gegnum
greiðslumat, er þetta ekki lausnin,“
segir Henný.
Hún bendir á að með þessu úr-
ræði taki mjög langan tíma að
koma sér upp eigin fé sem dugi til
útborgunar í húsnæði.
„Sá hópur sem er verst staddur
verður jafn illa staddur næstu árin
með þessu úrræði. Það eru frum-
niðurstöður okkar,“ segir Henný.
Að mati hennar taka aðgerðirnar
ekki á neinn hátt á þeim grund-
vallarvanda sem menn standa
frammi fyrir vegna hárra vaxta eða
þeim grundvallarbreytingum og
umbótum sem gera þarf á
húsnæðislánakerfinu. ,,Þetta er
ekki leið í þá átt en gerir vissulega
ákveðnum hópi kleift að fá skattaaf-
slátt til að niðurgreiða þá háu vexti
sem hér eru.“
Stór hópur áfram í sama vanda
Spurð hversu fjölmennur sá hóp-
ur ungs fólks sé sem eigi í miklum
húsnæðisvanda segir hún ljóst að
þorri ungs fólks í dag eigi í miklum
erfiðleikum við að komast í gegnum
greiðslumat, þar sem tekjurnar
dugi ekki til þess. Sá hópur verði í
sama vanda eftir sem áður enda sé
ekki boðað að gera eigi neinar
breytingar á greiðslumatinu.
„Að eiga fyrir 15 til 20% útborg-
un í hóflegri íbúð er líka stór hindr-
un fyrir marga. Það er því mjög
margt ungt fólk sem á í vanda í dag
því það fellur í annan hvorn eða
báða þessa flokka. Þetta gagnast
vissulega fyrir þá sem komast yfir
hjallann, komast í gegnum greiðslu-
matið og hafa þokkalega greiðslu-
getu, en við getum ekki talið þá til
þeirra sem eiga í mestu vandræð-
unum í dag,“ segir hún. omfr@mbl.is
Leysir ekki neinn bráðavanda
 Meginþorri ungs fólks í miklum erfiðleikum að komast í gegnum greiðslumat
Henný Hinz
Bæjarstjórn Reykjanesbæjar sam-
þykkti í gær einróma bókun þar
sem farið er fram á við innanrík-
isráðherra og vegamálastjóra að
tvöföldun Reykjanesbrautarinnar
verði sett á samgönguáætlun hið
fyrsta.
Mikilvægt sé að bregðast við
stóraukinni umferð um Reykjanes-
brautina og halda áfram að útrýma
slysagildrum á henni, meðal annars
með gerð hringtorga. Bókunin hef-
ur verið send innanríkisráðherra
og vegamálastjóra og afrit sent á
þingmenn Suðurkjördæmis.
Á undanförnum árum hafi um-
ferð stóraukist bæði vegna íbúa-
fjölgunar og stóraukins straums
ferðamanna. Nú sé svo komið að
ekki sé hægt að bíða lengur með að
tvöfalda þennan vegarkafla.
Bæjarstjórnin fer
fram á tvöföldun
Reykjanesbrautar
Flugfélagið WOW-Air býður nú
þeim sem eru með breskt rík-
isfang, og ætla að flytjast búferlum
til Íslands, frítt flug hingað til
landsins.
Upplýsingafulltrúi WOW-Air,
Svanhvít Friðriksdóttir, segir í
samtali við Morgunblaðið að til-
gangur tilboðsins sé að vekja at-
hygli á flugfélaginu og um leið Ís-
landi. „Markmiðið er að reyna að
gera eitthvað öðruvísi og skemmti-
legt,“ segir Svanhvít.
Breska dagblaðið Daily Star
greindi frá tilboðinu á vef sínum í
gær, en þar er bent á lága glæpa-
og morðtíðni hér á landi og að Ís-
land hafi jafnframt verið metið
friðsælasta land heims á síðustu
sex ársfundum Alþjóðaefnahags-
ráðsins.
Ljóst er að tíminn er naumur
fyrir þá Breta sem kunna að reyn-
ast áhugasamir því þeir hafa tíma
fram til 1. október til að sanna fyr-
ir félaginu að þeir hafi flust hingað
til lands um borð í vél félagsins og
fá þannig ferð sína til Íslands end-
urgreidda. Tilboðið er sagt bundið
við breska ríkisborgara sem flytj-
ast til Íslands í að minnsta kosti
eitt ár frá brottfarardegi. sh@mbl.is
Bretar sem
flytja fljúga frítt
 Tilboð WOW-Air vekur athygli
Morgunblaðið/Golli
Flugvél Breska dagblaðið Daily
Star fjallar um tilboð WOW-Air.
Jóhannes Tómasson
johannes@mbl.is
Íslandspóstur þarf umboð kaupanda
til tollskýrslugerðar á vöru sem flutt
er til landsins ef vörurnar eru að
tollverði 40.000 krónur eða yfir.
Þetta staðfestir Hörður Davíð Harð-
arson, yfirtollvörður tollafgreiðslu.
Pósturinn rukkar tollskýrslugjald
og í sumum tilfellum sérstakt við-
bótarlínugjald auk aðflutnings-
gjaldsins, en einstaklingar sem sjá
sjálfir um tollskýrslugerð þurfa að-
eins að greiða aðflutningsgjald.
Í lok júní keypti maður vörur fyr-
ir rúmar 40.000 krónur af erlendri
vefsíðu og var sendingarkostnaður
innifalinn. Er sendingin kom til
landsins með Íslandspósti var mann-
inum tilkynnt að Pósturinn hefði
tollafgreitt vörurnar og að hann ætti
að greiða 3.850 krónur fyrir toll-
skýrslugerðina og 4.275 krónur fyrir
línur til viðbótar í tollskýrslugerð,
450 krónur fyrir tollmeðferðargjald
og 935 krónur fyrir umsýslugjald,
auk aðflutningsgjalds sem nam
9.953 krónum.
Maðurinn kvaðst ekki hafa beðið
um þessa þjónustu og fór fram á
farmnúmer sendingarinnar, svo
hann gæti gert tollskýrslu sjálfur.
Var honum tjáð að vörur sem kæmu
til landsins færu sjálfkrafa í tollmeð-
ferð hjá Póstinum og að einstakling-
ar gætu ekki gert tollskýrslu sjálfir.
Að lokum fékk maðurinn vilja sínum
framgengt.
Sparaði 8.000 krónur
Síðan fór hann á vef tollsins, fyllti
út tollskýrslublað og fór með blaðið
til meðferðar hjá tollinum og greiddi
þar aðflutningsgjald sem nam
11.728 krónum. Að lokum sótti mað-
urinn vörurnar til Póstsins en var
rukkaður um 450 krónur í
tollmeðferðargjald þrátt fyrir að
hafa séð um tollskýrslugerðina sjálf-
ur. Hann taldi ekki ástæðu til frek-
ari deilna og greiddi gjaldið.
„Ef sendingin kostar yfir 40.000
krónur þarf að gera tollskýrslu og
greiða Íslandspósti tollskýrslugjald
ef hann fékk umboð, en undir 40.000
er einfaldari tollskýrsla gerð með
sáralitlum upplýsingum,“ segir
Hörður Davíð. Hann telur það mjög
sérstakt ef Íslandspóstur hefur gert
áðurnefnda tollskýrslu án umboðs.
Oftast gerð einföld tollskýrsla
Í flestum tilfellum þegar einstak-
lingar flytja inn vörur frá útlöndum
kosta þær minna en 40.000 krónur.
Þá gerir Pósturinn einfalda toll-
skýrslu og rukkar fyrir hana einfalt
tollskýrslugjald sem nemur 550
krónum.
Að sögn Önnu Katrínar Halldórs-
dóttur, framkvæmdastjóra mark-
aðs- og sölusviðs hjá Íslandspósti,
tollafgreiðir Pósturinn allar toll-
skyldar sendingar nema beðið sé um
annað. Það sé til þess að hraða af-
greiðslu sendinga, en flestir við-
skiptavinir velja frekar þann kost að
láta Póstinn sjá um tollafgreiðsluna.
Vilji einstaklingar gera tollskýrsl-
una sjálfir ætti þeim að vera það
heimilt ef þeir fara fram á það. „Við-
skiptavinirnir hafa óskað eftir því að
við hefðum þetta svona. Það eru
rosalega fáir einstaklingar sem vilja
gera tollskýrslurnar sínar sjálfir því
það er flókið að setja sig inn í þetta,“
segir Anna. Hún telur að ofangreint
tilvik hafi að öllum líkindum verið
mistök af hálfu Póstsins.
Viðbótargjald fyrir vörur
í mismunandi flokkum
Anna segir að gjaldið sem Póst-
urinn rukkar fyrir viðbótalínur í toll-
skýrslu sé aukakostnaður ef vörurn-
ar sem fluttar séu inn séu í
mismunandi tollflokkum. „Einn toll-
flokkur er innifalinn í skýrslunni, ef
maður kaupir vörur úr fleiri flokk-
um þá er rukkað viðbótarlínugjald
sem er fast gjald.“
Ódýrara að gera
tollskýrsluna sjálfur
Morgunblaðið/Eggert
Sparnaðarleið Íslendingar geta sparað ef þeir fylla sjálfir út tollskýrslu þegar þeir panta vörur frá útlöndum.
 Við vöruinnflutning innheimtir Pósturinn tollskýrslugjald