Morgunblaðið - 18.08.2016, Blaðsíða 14

14 DAGLEGT LÍF
MORGUNBLAÐIÐ FIMMTUDAGUR 18. ÁGÚST 2016
Skannaðu kóðann
til að fara inn á
vefsíðuna.
Erla María Markúsdóttir
erla@mbl.is
Foreldrar mínir eru tónlist-armenntuð og þeim fannstekki annað hægt en aðsmita mig af tónlistar-
áhuganum. Ég byrjaði mjög ung í
söngnámi í Suzuki-tónlistarskól-
anum í Reykjavík og hef eiginlega
allt mitt líf verið í söngnámi þannig
að námsárin renna svolítið saman,“
segir Álheiður. Hún stundaði meðal
annars nám í klassískum söng hjá
Hallveigu Rúnarsdóttur í Söngskóla
Sigurðar Demetz. „Ég var svo ótrú-
lega lánsöm að fá tvo yndislega
kennara, en ég var hjá Hallveigu í
fjögur ár og svo hjá Diddú í önnur
tæp fjögur ár og lauk framhalds-
prófinu undir hennar leiðsögn.“
Álfheiður var mjög ánægð með
söngnámið og vissi að hana langaði
að stefna lengra í söngnum og fór að
horfa til Evrópu. „Það er svo frá-
bært hvað mörg tækifæri bjóðast
hér heima. Ég fékk að taka þátt í alls
konar verkefnum og nemendaupp-
færslum sem var góður skóli, hvort
sem maður var nú endilega tilbúinn
til þess sönglega eða ekki.“ Á sama
tíma og Álfheiður lauk framhalds-
prófi í klassískum söng lauk hún
stúdentsprófi frá Menntaskólanum
við Hamrahlíð. „Á árum mínum í
Hamrahlíðinni söng ég í kórunum
hjá Þorgerði. Það var líka mikil
menntun og ógleymanlegt tónlistar-
uppeldi sem fólst í því meðal annars
að læra öll íslensku lögin.“ Í kór-
unum kynntist Álfheiður einnig
mörgum af sínum bestu vinum. „Fé-
lagsskapurinn er frábær og svo fékk
ég líka stundum að syngja einsöng í
kórferðum hér heima og í útlönd-
um.“
Alls konar list í Berlín
Sumarið eftir útskrift dvaldist
Álfheiður í Berlín með kærastanum
sínum. „Ég fór á þýskunámskeið og
kynntist borginni sem mér fannst
spennandi og það var eiginlega
ástæða þess að ég sótti um skólavist
í borginni.“ Álfheiður ákvað að
skella sér í inntökupróf í Hanns Eis-
ler-tónlistarháskólanum í janúar
2014 og komst hún inn. „Ég hafði að-
eins haft samband við aðra Íslend-
inga sem ég vissi af í skólanum. Mér
fannst ég oft heyra af krökkum sem
fóru í söngnám til Austurríkis og
langaði að prófa eitthvað annað,
Berlín varð því fyrir valinu. Hún er
svo mikið meira en bara tónlistar-
borg, þar má finna alls konar listir
og menningu, mér fannst það spenn-
andi.“
Álfheiður var að ljúka sinni
fimmtu önn og á því þrjár annir eftir
af grunnnáminu. „Þetta er tónlistar-
miðaður háskóli þar sem kennt er á
ýmis hljóðfæri, hljómsveitarstjórn
og jafnvel óperuleikstjórn.“
Álfheiður segir að það hafi verið
ákveðið sjokk að fara úr söng-
umhverfinu á Íslandi til Berlínar.
„Kennarinn minn, Anna Korondi, er
ungversk og hún er aðeins öðruvísi
en kennararnir hérna heima. Það
var líka mikið stökk að fara beint frá
Diddú, sem er ein hlýjasta mann-
eskja sem ég veit um, og yfir til
hennar. En ég er ótrúlega ánægð að
hafa fengið Önnu sem kennara. Það
er svo mikilvægt að kynnast ólíkum
kennsluaðferðum. Það er hægt að
gera ótrúlega margt með því að vera
yndislegur og ljúfur, en maður lifir í
hörðum heimi og þarf líka að læra að
taka gagnrýni. Maður veit ekki
hvaða fólki maður starfar með í
framtíðinni og þá er kannski bara
fínt að hafa líka kynnst ströngum
kennsluaðferðum.“
Þérar og þúar á víxl
Meðal nýrra siða sem Álfheiður
þurfti að læra í náminu var að þéra
kennarana sína. „Sumir kennarar
leyfa manni reyndar að „þúa“ sig. Til
dæmis er ég stundum í tíma bæði
með píanistanum mínum og Önnu og
þá þúa ég píanistann en þéra Önnu.
Það getur verið ruglandi og ég þarf
stundum að vanda vel hvað ég segi,“
segir hún og hlær. Álfheiður er sópr-
an, en segir röddina þó hafa tekið
ýmsum breytingum í náminu. „Það
er að bætast við smá botn í röddina,
sem er bara eðlilegt. En maður er
alltaf að betrumbæta hljóðfærið sem
röddin er. Ég held samt að ég ætti
að lýsa mér sem léttum sópran sem
stefnir í áttina að lýrískum.“
Saknar stundum mosans og
plássins á Íslandi
Álfheiður er mjög ánægð í Berl-
ín en segir borgina allt öðruvísi en
Reykjavík. „Það sem er svo frábært
við Berlín er að þar býr alls konar
fólk og allir eru frekar vingjarnlegir.
Þar er mjög lítil stéttaskipting, allir
ferðast með neðanjarðarlestinni til
dæmis. Þýskaland hefur einnig tekið
við mörgum flóttamönnum og þetta
er mjög lifandi og fjölmenningarleg
borg, sem ég elska. Svo er líka mjög
ódýrt að lifa í Berlín, sem er mikill
kostur.“ Það kemur samt fyrir að
Álfheiður finni fyrir heimþrá, sem
tengist þá yfirleitt íslensku nátt-
úrunni. „Ég hugsa stundum um allt
plássið sem maður hefur hérna
heima. Ég er til dæmis bara tíu mín-
útur að labba í Elliðaárdalinn heim-
an frá mér og er þá komin í algjöra
náttúruperlu. Það er ótrúlegt hvað
það er margt í boði hérna heima.
Þrátt fyrir alla túristana getur mað-
ur alltaf fundið stað í náttúrunni þar
sem maður getur bara legið einn í
mosanum.“
Álfheiður er einmitt stödd í
mosanum heima á Íslandi þessa
stundina þar sem næsta önn hefst
ekki fyrr en um miðjan október. Hún
nýtir tímann vel og syngur á alls
konar tónleikum, meðal annars í tón-
leikaröðinni Perlur íslenskra söng-
laga, sem fer fram í Hörpu í sumar.
Álfheiður er einnig að skipuleggja
sína eigin tónleika sem fara fram í
Dómkirkjunni á Menningarnótt.
„Þegar þessari tónleikatörn lýkur þá
ætla ég að fara að vinna í Frú Laugu
og læra helling af nýrri tónlist og óp-
eruhlutverk næstu annar.“
Spurð um framtíðarplön segir
Álheiður að hún muni að öllum lík-
indum fara í meistaranám, hvar það
verður á eftir að koma í ljós. „En
annars verður maður bara að bíða og
sjá hvaða tækifæri bjóðast. Draum-
urinn er að fá að syngja fallega tón-
list og að vinna með skemmtilegu
fólki.“
Syngur í gegnum lífið í Berlín
Álfheiður Erla Guðmundsdóttir hefur verið í söng-
námi nánast síðan hún man eftir sér. Hún lauk fram-
haldsprófi í söng hér á landi undir leiðsögn Diddúar,
sem hún lýsir sem hjartahlýjum gleðigjafa. Það var
því talsvert stökk fyrir Álfheiði að fara til Berlínar
þar sem hún stundar nú söngnám undir handleiðslu
ungverskrar sópransöngkonu sem vill láta þéra sig.
Hún er þó sannfærð um að það muni undirbúa hana
undir hinn kröfuharða heim óperunnar. Álfheiður
heldur tónleika í Dómkirkjunni á Menningarnótt
ásamt góðum gestum.
Morgunblaðið/Ófeigur
Söngelsk Álfheiður Erla Guðmundsdóttir hefur verið í söngnámi nánast síðan hún man eftir sér. Nú stundar hún
nám í Hanns Eisler-tónlistarháskólanum í Berlín. Álfheiður verður með tónleika í Dómkirkjunni á Menningarnótt.
Tónleikar Álfheiður á tónleikum á Menningarnótt í Dómkirkjunni í fyrra.
Keppni Álfheiður tók þátt í alþjóðlegu söngkeppninni Giulio Perotti í október 2015. Hún komst í
úrslit og hlaut þriðju verðlaun og heiðursverðlaun fyrir besta flutning á aríu úr óratoríu.
Berlín Álfheiður býr við Arndtstraße í Berlín þar sem hún kann mjög vel við sig. „Þessa mynd
tók ég síðastliðinn vetur, en það er ekki oft sem gatan er svona snævi þakin.“
Álfheiður kemur fram á tónleikum í Dóm-
kirkjunni á Menningarnótt á laugardaginn
ásamt Fjölni Ólafssyni barítón og Evu Þyri
Hilmarsdóttur píanóleikara. „Þetta verður
skemmtileg efnisskrá með glæsilegum
gestum,“ segir Álfheiður, en von er á fleira
tónlistarfólki sem mun koma fram á tón-
leikunum. Á efnisskránni verða sönglög og
aríur úr ýmsum áttum. Tónleikarnir hefjast
klukkan 20:30 og eru allir hjartanlega vel-
komnir. „Ég hélt svipaða tónleika í fyrra á
Menningarnótt. Þetta verður afslöppuð
stemning og fólki er velkomið að koma og fara eins og það lystir. Þetta er
tilvalin stund til að setjast aðeins inn í hlýjuna, áður en flugeldasýningin
hefst,“ segir Álfheiður. Aðgangur er ókeypis en tekið verður á móti frjáls-
um framlögum í lok tónleikanna.
Kvöldtónar í Dómkirkjunni
NOTALEG STUND Á MENNINGARNÓTT