Morgunblaðið - 18.08.2016, Side 36

36 FRÉTTIRInnlent
MORGUNBLAÐIÐ FIMMTUDAGUR 18. ÁGÚST 2016
majubud.is
nefnt. „Við viljum líka bjóða upp á
afþreyingu fyrir fólkið sem býr hér
en hana vantar klárlega. Við búum
öll hér sem vinnum í Midgard og það
vantar einhvern stað fyrir fólk til að
hittast á og spjalla. Við trúum því að
það sé vel hægt að blanda saman
ferðafólki og íbúum á svæðinu og við
viljum skapa vettvang fyrir fólk til
að kynnast,“ segir Arnar Gauti.
Hann bendir á að ungt fólk hefur
flutt aftur heim á Hvolsvöll í ríkari
mæli undanfarið og hefur aldurs-
samsetningin á svæðinu breyst. Fyr-
irtækið hefur m.a. átt þátt í því að
laða fólk á svæðið. Hins vegar þarf
fólk líka að hafa eitthvað fyrir stafni
og stað til að hittast á.
Bandaríkjamenn fjölmennir
Bandarískir ferðamenn eru fjöl-
mennasti kúnnahópur Midgard, yfir
vetrartímann eru Bretarnir fjöl-
mennastir, en ferðamennirnir koma
þó úr öllum heimsálfum. „Ég held að
gæðin á þjónustunni okkar henti
þessum hóp vel. Við förum með litla
hópa og margar einkaferðir sem eru
aðeins dýrari,“ segir Arnar Gauti,
spurður um markhópinn. Flestir
ferðamennirnir sem sækja í ferðir til
þeirra eru meðal- eða hátekjufólk
sem vill leyfa sér smá lúxus en jafn-
framt komast í ævintýri. „Banda-
ríkjamenn eru mjög öflugir á sam-
félagsmiðlum og fylgjast vel með.
Þeir fara mikið eftir því sem er skrif-
að á TripAdvisor og trúa og treysta
því en þar höfum við fengið frábærar
umsagnir. Það hefur reynst okkur
gott markaðstæki og einnig orð-
sporið, hvernig talað er um ferðirnar
til okkar og litla Ísland,“ segir Arnar
Gauti, spurður út í markaðs-
setningu.
„Eitt af einkunnarorðum okkar er
sveigjanleiki en á Íslandi þarftu að
vera sveigjanlegur sem ferðamaður.
Bandaríkjamenn eru það upp til
hópa, sérstaklega ef þú segir af
hverju þú þarft mögulega að breyta
ferðinni og hvernig þú ætlar að gera
það,“ segir Arnar Gauti.
Göngu- og jeppaferðir
Í upphafi voru flestar ferðir fyrir-
tækisins jeppaferðir á hálendið en
smám saman hafa ferðirnar breyst
og orðið fjölbreyttari. Í ríkari mæli
er boðið upp á blöndu af göngu- og
jeppaferðum.
Í opnu ferðunum eru í mesta lagi
sjö manns á hvern leiðsögumann.
Vinsælasta ferðin í sumar var
gönguferð inn í Þórsmörk en margir
vilja líka komast í tæri við Eyja-
fjallajökul. Í sumar hafa tjaldferðir
verið eftirsóttar, boðið er ýmist upp
á göngu þar sem þátttakendur bera
allt á bakinu, tjald, svefnpoki, o.fl. en
líka svokallaðar „glamping“ (e.
glamour camping) ferðir sem slegið
hafa í gegn. Í þeim ferðum er búið að
tjalda, búa um gestina og elda mat
þegar ferðamennirnir koma úr
göngunni. „Þetta er fínt fyrir þá sem
eru í ágætisformi en eru ekki til-
búnir að bera mörg kíló á bakinu.
Bandaríkjamenn elska þessar ferð-
ir,“ segir Arnar Gauti. Þessar ferðir
eru m.a. farnar á Fjallabak, inn í
Fljótshlíð, Rangárbotna. o.fl.
Góð tengsl við ferðamenn
„Það kom mér á óvart þegar ég
byrjaði að við erum í miklum kon-
takt við kúnnana og bjóðum þeim oft
heim. Þegar við drekkum með þeim
kaffi lesum við vel í hópinn og sníð-
um ferðirnar eftir einstaklingunum
og þær eru því aldrei eins,“ segir
Einar Óskar. Arnar Gauti tekur í
sama streng og bendir á að kúnstin
sé að ofselja ekki ferðirnar heldur
reyna að skapa frekar óvænta upp-
lifun.
„Þetta er mikilvægt, sérstaklega
miðað við landið okkar. Maður getur
lent í því að vera fastur inni í bíl með
fólki í snjóbyl og ef þú byggir upp
væntingarnar rétt getur þetta verið
besti dagur þess á Íslandi þrátt fyrir
að það hafi ekki stigið fæti út,“ segir
Arnar Gauti.
Ör vöxtur fyrirtækisins
Ferðaþjónustufyrirtækið Mid-
gard Adventure var stofnað árið
2010 og hefur vaxið hratt síðustu ár,
líkt og mörg ferðaþjónustufyrirtæki.
Vöxturinn milli síðustu tveggja ára
hefur verið um 30% en fyrstu árin
var hann um 120-160%. Ferða-
mannastraumurinn hefur aukist yfir
vetrarmánuðina, febrúar og mars
eru orðnir svipaðir og góðir sumar-
mánuðir. „Vöxturinn er að jafnast út
en við viljum heldur ekki vaxa of
hratt. Við viljum gera þetta þægi-
lega því þeir sem vinna í fyrirtækinu
eru vinir okkar og fjölskylda. Við
viljum heldur ekki gera út af við alla
heldur finna þessa fínu línu, þar sem
við höfum gaman en njótum þess
líka að vera í vinnunni. Það skilar sér
líka til kúnnanna,“ segir Arnar
Gauti.
Fyrirtækið Midgard Adventure
er að stærstum hluta í eigu stofn-
anda þess, Sigurðar Bjarna Sveins-
sonar, en eignarhaldið á hinum hlut-
anum skiptist á milli nokkurra aðila.
Félagarnir eru bjartsýnir og eru
fullvissir um að nýjasta viðbótin við
fyrirtækið, hostelið og veitingastað-
urinn, eigi eftir að verða vel sótt,
hvort tveggja af erlendum ferða-
mönnum og Íslendingum.
Steypustöð verður hostel
 Ferðaþjónustufyrirtækið Midgard Adventure opnar hostel og veitingastað á Hvolsvelli í mars árið
2017  Breyta steypustöð í miðstöð fyrir ævintýraferðamennsku á Suðurlandi  Tjaldferðir vinsælar
Ljósmynd/Wesley Johnson
Félagar Einar Óskar Sigurðsson og Arnar Gauti Markússon starfa hjá Midgard Adventure á Hvolsvelli.
Tölvuteikning/Bjarni Árnason arkitekt
Hostel Í 200 fm viðbyggingu hostelsins sem sést fremst verður m.a. veitingastaður, móttökusalur og skrifstofa.
VIÐTAL
Þórunn Kristjánsdótti
thorunn@mbl.is
Ferðaþjónustufyrirtækið Midgard
Adventure reisir hostel með 12 her-
bergjum og um 50 rúmum og opnar
veitingastað á Hvolsvelli á næsta ári.
Hostelið og veitingastaðurinn eru í
húsnæði sem áður var steypustöð og
er 1.100 fm að stærð. Að auki verður
reist 200 fm viðbygging sem hýsir
skrifstofu, móttökusal og veit-
ingastað. Í mars á næsta ári er
reiknað með fyrstu gestum.
Í húsnæðinu er fyrirtækið með
starfsemi sína, m.a. skrifstofu og
verkstæði fyrir bílaflotann. Stefna
fyrirtækisins, Midgard Adventure,
er að verða miðstöð ævintýraferða-
mennsku á Suðurlandi líkt og nafnið
bendir til með beinum hætti.
„Hostelið er sambland af her-
bergjum með kojum og einka-
herbergjum. Upphaflega hug-
myndin var sú að hafa bara kojur og
allt frekar hrátt en við ákváðum að
auka breiddina og hafa líka einka-
herbergi. Við vildum koma til móts
við þá sem vilja njóta þess að vera í
skemmtilegum félagsskap í kringum
fólk en geta líka kúplað sig út og ver-
ið í einkaherbergi,“ segir Arnar
Gauti Markússon, einn af eigendum
Midgard. Rík áhersla verður lögð á
að skapa heimilislega stemningu á
hostelinu. „Það má eiginlega segja
að við viljum taka á móti öllum heim
til okkar en við ráðum ekki við það
og þess vegna byggjum við hostel-
ið,“ segir Einar Óskar Sigurðsson
hjá Midgard.
Það má segja að hostelið og veit-
ingastaðurinn sé í raun reist í kring-
um kúnnahóp fyrirtækisins. Fyrir-
tækið fer daglega með erlenda
ferðamenn í ævintýraferðir upp á
hálendi landsins, einkum á Fjalla-
bak, Eyjafjallajökul, Þórsmörk og
fleiri náttúruperlur í nánasta um-
hverfi.
Miðstöð fyrir heimamenn
Starfsemi verður í húsinu frá kl.
sjö á morgnana þegar morgunmat-
urinn verður reiddur fram og fram á
kvöld þegar barinn verður opinn.
Stefnt er að því að hafa matseðlinn
einfaldan, þægilegan og með heilsu-
samlegu hráefni af svæðinu. Einnig
verður komið til móts við þá sem
kjósa t.d. glútenfrían mat og græn-
meti.
Stefnt er að því að þetta verði líka
miðstöð fyrir heimamenn, þar sem
boðið verður m.a. upp á skipulagða
viðburði, t.d. fræðslukvöld, spila-
kvöld og tónleika svo fátt eitt sé
Tölvuteikning/Bjarni Árnason arkitekt
Herbergi Hægt er að loka kojunum og næla sér í smá næði.