Morgunblaðið - 18.08.2016, Page 58

58
MORGUNBLAÐIÐ FIMMTUDAGUR 18. ÁGÚST 2016
HAUSTferðir 2016
Jón Agnar Ólason
jonagnar@mbl.is
„Tenerife er alltaf vinsælt og
þangað erum við því með tvö flug í
viku, á miðvikudögum og laug-
ardögum,“ segir Tómas þegar talið
berst að góðkunningjunum meðal
áfangastaða. „Krít hefur líka verið
ákaflega vinsæl heim að sækja á
haustin og þangað erum við með
ferðir alveg til 29. september og
nær sú ferð þá til 10. október. Svo
erum við með sérlega áhugaverðan
áfangastað sem ekki hefur farið
eins hátt, en það er Sikiley. Þang-
að erum við til dæmis með tíu
daga ferð frá 10. til 20. október.“
Tómas nefnir ennfremur þrjú
flug á viku til Alicante, sem
löngum hefur verið vinsæll
áfangastaður og það sama á við
um Costa Del Sol og Mallorca.
„Þetta er allt bráðvinsælir
áfangastaðir en Krít og Costa Del
Sol hafa verið með þeim vinsælli
því þeir liggja svo sunnarlega.
Sama er að segja um Tenerife.
Alicante er einnig vinsæll staður
því á því svæði eiga mjög margir
landsmenn íbúðir eða hús. Að-
dráttarafl Sikileyjar, fyrir utan
veðursældina, er möguleikinn á að
heimsækja eldfjallið Etnu, hina
heillandi borg Palermo og svo hinn
rómaða ferðamannastað Giardino
Naxos.“
Sól og sæla í bland við
borgarferðir um helgar
Framangreint eru vinsælustu
sólarstaðirnir og Tómas er ekki í
vafa um hvers vegna þeir halda
vinsældum sínum, árum og jafnvel
áratugum saman.
„Fólk sækir náttúrulega í veð-
ursældina og veðurfar á Spáni er
einna öruggast. Áfangastaðir á
Ítalíu við Miðjarðarhafið og Krít
eru að sama skapi það sunnarlega
að veður er gott fram eftir hausti.
Norðar á Spáni er veður til að
mynda ekki eins gott og það er í
suðurhluta landsins á þessum árs-
tíma, þegar komið er fram í októ-
ber.“
Tómas nefnir þá að borgarferðir
séu sívinsælar og þar kenni ým-
issa grasa í haustáætlun Heims-
ferða.
„Í haust erum við með margar
spennandi borgir eins og Valencia
á Spáni. Þá má einnig nefna hinar
gullfallegu Prag og Búdapest
ásamt Ljubljana í Slóveníu. Se-
villa og Lissabon eru ennfremur
meðal borga sem við erum með
ásamt Róm, sem við höfum verið
með í mörg ár. Þá er ónefnd Ver-
óna sem sífellt fleiri landsmenn
eru að uppgötva sem eina falleg-
ustu borg Ítalíu.“ Að auki bendir
Tómas á borgirnar Bratislava og
Vínarborg; „Við fljúgum til Brat-
islava og þaðan er aðeins um
klukkustundar akstur til Vín-
arborgar. Báðar þessar borgir eru
óviðjafnanlegar og nokkur sæti
laus í þessa ferð.“
Borgarferðirnar eru jafnan
helgarferðir í fjórar nætur, að
sögn Tómasar, ýmist fimmtudag-
ur til mánudags eða föstudagur til
þriðjudags.
„Við erum að merkja aukningu í
borgarferðirnar. Fólk sækir meira
í að taka langa helgi, eins og það
er kallað, ár frá ári. við höfum
frekar lagt áherslu á borgir sunn-
arlega í Evrópu og það fellur í
kramið hjá landsmönnum á þess-
um árstíma.“
Göngu- og hjólaferðirnar
vaxa að vinsældum
Að sögn Tómasar færist það í
vöxt að viðskiptavinir Heimsferða
sæki í ferðir þar sem ákveðin úti-
vist er hluti af fríinu, göngur, hjól-
reiðar eða hvort tveggja. „Þar höf-
um við meðal annars verið með
geysivinsælar gönguferðir til Cin-
que Terre svæðisins við vest-
urströnd Ítalíu, og eru þær að
verða nánast uppseldar. Einnig
erum við með gönguferðir á Sikil-
ey ásamt sérferð til Sardiníu, og
er að bókast vel í þessar ferðir.
Göngu- og hjólaferðir til Alicante
hafa líka notið mikilla vinsælda og
við tökum eftir því að fólk vill oft
ekki vera í of stórum hópum í
þessum ferðum. Því takmörkum
við hópana við um tuttugu manns
eða svo, og þá reynum við skipu-
leggja ferðirnar með þeim hætti
að þær séu ekki meira krefjandi
en svo að almenningur geti heilt
yfir tekið þátt, nema auðvitað að
hóparnir biðji sérstaklega um eitt-
hvað aðeins meira hressandi. Þá
er sjálfsagt að verða við því.“
Krít og Sikiley heillandi
Það er ósanngjarnt að biðja
Tómas að gera upp á milli áfanga-
staðanna sem hann hefur talið upp
en hann þarf engu að síður að til-
taka minnst tvo sem persónulega
heilla hann sérstaklega mikið.
„Mér þykja Krít og Sikiley hvað
mest spennandi af sólarlandastöð-
unum enda er þar þægilegur 25-30
stiga hiti á þessum árstíma,“ bætir
hann við. „Þar getur maður líka
blandað því saman að fara í ferðir
og skoða sig um, og svo bara að
slaka á og njóta lífsins í sólinni
þess á milli.
Spurður um fararstjórn í borg-
arferðunum segir Tómas að far-
arstjóri sé ávallt með í för enda
bókist alltaf vel í kynnisferðir sem
standa til boða á hagstæðu verði.
„Við bjóðum jafnan upp á tvær til
þrjár skoðunarferðir í hverri borg-
arferð og fólk hefur þá val um
hvaða ferð það velur. Fólk vill fá
góðar upplýsingar frá far-
arstjórum sem þekkja vel til stað-
arins, þannig að tíminn nýtist sem
best.“
Vinsælar ferðir í veðursældina
 Landinn heldur tryggð við þá áfangastaði
sem reynst hafa vel í gegnum tíðina, segir
Tómas J. Gestsson, framkvæmdastjóri
Heimsferða  Það eru því ýmsir eftirlætis-
staðir á haustáætlun félagsins í bland við
nýja og spennandi áfangastaði
Tilkomumikið Sædýrasafnið L’Oceanogràfic í City of Arts and Science í Valencia er vert að heimsækja.
Morgunblaðið/Golli
Tómas J. Gestsson hjá Heimsferðum Sólarsæla Útsýnið frá Conquistador-hótelinu á Tenerife er ekki amalegt.