Morgunblaðið - 18.08.2016, Blaðsíða 30

30 FRÉTTIRInnlent
MORGUNBLAÐIÐ FIMMTUDAGUR 18. ÁGÚST 2016
Faxafeni 14 | 108 Reykjavík | Sími 551 6646
Opið virka daga kl. 10-18,
ÚTSÖLULOK
50-70% AFSLÁTTUR AF ÖLLUM ÚTSÖLUVÖRUM
VIÐTAL
Sigurður Ægisson
Siglufirði
Hún er Ólafsfirðingur, fædd 1989,
hann Akureyringur, fæddur 1979,
fyrrverandi yfirkokkur á Bautanum.
Á vordögum ákváðu þau hjón að
venda sínu kvæði í kross og gerast
fisksalar og keyptu í því skyni rótgró-
ið fyrirtæki á Siglufirði, hafandi árið
áður flutt búferlum til Ólafsfjarðar.
Þetta eru Valgerður Kr. Þorsteins-
dóttir og Hákon Sæmundsson. Þau
opnuðu 16. júní og hefur verið tekið
fagnandi af ungum sem eldri, Íslend-
ingum og erlendum ferðamönnum,
enda ekki á mörgum stöðum í dreif-
býlinu sem hægt er að ná sér í ferska
bleikju-tandoori, keilu í chili-rjóma
og þorsk með hvítlauk og kryddi eða í
teriyaki-sósu og svo rösti-kartöflur
með, að fátt eitt sé nefnt.
Fáar fiskbúðir á landinu
Sú var tíð að fiskbúðir voru í
hverju plássi í landinu og fleiri en ein
í sumum. En þær eru ekki margar
núna utan suðvesturhornsins. Sé far-
ið á ja.is og slegið inn orðið „fiskbúð“
koma upp 14 slíkar – allar nema ein á
höfuðborgarsvæðinu og þar um
kring. Og sé því breytt í „fiskverslun“
bætast við tvær í viðbót þar og ein á
Akureyri. Í Vík í Mýrdal er önnur, á
Hellu sú þriðja, á Selfossi hin fjórða,
á Ísafirði sú fimmta og á Egilsstöðum
sú sjötta. Það er allt og sumt. Og allar
eru þær tiltölulega ungar. Á Siglu-
firði, í hjarta bæjarins, við Aðalgötu
27, í kjallara Norska sjómannaheim-
ilisins, er svo ein til, á gömlum rótum,
búin að vera þar í hátt í 60 ár. Það hús
var byggt árið 1915.
Í vor urðu kaflaskil í þeirri löngu
og merku sögu þegar Eysteinn Aðal-
steinsson, sem verið hafði fisksali þar
í tæp 40 ár, ákvað að hætta, þá að
verða 75 ára gamall. Mörgum heima-
manninum var illa brugðið, enda Ey-
steinn afskaplega vel liðinn og búinn
að standa vaktina trúr og dyggur all-
an þennan tíma og í ofanálag ekki góð
tilhugsun að sjá þessari mjög svo
nauðsynlegu búð hans lokað, kannski
endanlega. En mitt í depurðinni yfir
þessum tíðindum tóku þeir gleði sína
á ný þegar spurðist út að ungt fjöl-
skyldufólk hefði keypt reksturinn og
ætlaði að taka við keflinu.
Áður var fiskbúðin í norður-
endanum á húsi þar sem nú er Kaffi
Rauðka. Kaupfélag Austur-
Skagfirðinga á Hofsósi, sem hafði
verið stofnað árið 1919, var eigandinn
þá, átti bæði Kjötbúð Siglufjarðar og
þessa fiskbúð.
Þegar Eysteinn byrjaði að vinna í
Fiskbúð Siglufjarðar voru Jósafat
Sigurðsson og Björn Þórðarson, sem
í daglegu tali voru kallaðir Jósi og
Böddi, eigendur hennar. Eysteinn
var búinn að eiga hlut með þeim í
nokkur ár þegar þeir seldu sína hluti
og fluttu suður, í kringum árið 1983.
Salmann Kristjánsson og Guðfinnur,
bróðir Eysteins, keyptu þá af þeim.
Svo hættir Guðfinnur 1991 og Ey-
steinn og Salmann kaupa hans hluta,
og svo þegar Salmann hættir 1996
kaupir Eysteinn af honum.
Fjölskylduvænni vinna
„Jú, þetta var nú bara til að prófa
eitthvað nýtt,“ segir Hákon, spurður
af hverju þau hafi ákveðið að fara út í
þetta ævintýri. „Svo sáum við líka
þarna kjörið tækifæri til að stunda
fjölskylduvæna vinnu, því að við eig-
um jú frí á kvöldin og um helgar,“ seg-
ir Valgerður, en þau eiga fjögur börn;
tvö á leikskólaaldri og tvö á grunn-
skólaaldri.
Hákon, sem á ættir að rekja til
Siglufjarðar, lærði á veitingastaðnum
Bautanum á Akureyri og hafði síðustu
10 eða 11 ár verið þar yfirkokkur.
Höfða til yngri kynslóðarinnar
 Ung hjón með fjögur börn keyptu rótgróna fiskbúð á Siglufirði og hófu rekstur  Sáu þarna kjör-
ið tækifæri til að ná að stunda fjölskylduvæna vinnu  Eru í kjallara eins sögufrægasta húss bæjarins
Morgunblaðið/Sigurður Ægisson
Fiskbúð Fjallabyggðar
Hákon og Valgerður
framan við búð sína,
með yngsta fjölskyldu-
meðlimnum, Friðriki
Huga, sem fæddist 11.
desember í fyrra.
Björn Jóhann Björnsson
bjb@mbl.is
„Þetta hefur verið stigvaxandi
hjá okkur og er núna farið að
snúast að miklu leyti um að þjón-
usta ferðamanninn, sérstaklega í
sumar þar sem honum hefur
fjölgað mjög mikið. Heimamenn
eru líka duglegir að koma,“ segir
Kári Þór Jóhannsson, sem rekur
Fiskbúð Sjávarfangs á Ísafirði
ásamt fjölskyldu sinni. Fyrir rúm-
um fimm árum opnaði hann versl-
unina, en þá hafði ekki verið fisk-
búð á Ísafirði í ein 15 ár.
Fiskbúðir á landsbyggðinni eru
ekki margar. Fyrir utan fiskbúð-
ina á Siglufirði, eru næstu versl-
anir frá Ísafirði á Akureyri til
austurs og í Mosfellsbæ til suðurs.
Þannig er engin önnur fiskbúð á
Vestfjörðum, eftir því sem Kári
kemst næst.
„Fiskbúðirnar týndust með
kvótakerfinu. Þegar fiskveiði-
heimildir voru skornar niður um
helming þýddi það fækkun um
allt land,“ segir Kári, sem rekur
lokun tveggja fiskbúða á Ísafirði
á sínum tíma til kvótakerfisins.
„Hérna áður fyrr hafði fólk
mjög gott aðgengi að fiski, gat
jafnvel farið niður á bryggju og
fengið ókeypis í soðið. Þegar eng-
in fiskbúð er til staðar leitar fólk
í það sem er næst, yfirleitt ein-
hæft úrval fiskrétta í stórmörk-
uðum og matvöruverslunum. Það
getur tekið tíma fyrir fólk að
venjast fjölbreytninni aftur og fá
ferskan fisk daglega,“ segir Kári,
en Sjávarfang er vel staðsett við
höfnina á Ísafirði, stutt frá
skemmtiferðaskipunum og stutt
frá tjald- og hjólhýsastæðinu.
Týndust
með kvóta-
kerfinu
 Ferðamenn
flykkjast til Kára
fisksala á Ísafirði