Morgunblaðið - 18.08.2016, Page 27

FRÉTTIR 27Innlent
MORGUNBLAÐIÐ FIMMTUDAGUR 18. ÁGÚST 2016
Helgi Bjarnason
helgi@mbl.is
Hjörleifshöfði ásamt stórum hluta
af Mýrdalssandi hefur verið aug-
lýstur til sölu. Fjárfestar tengdir
ferðaþjónustu hafa einkum sýnt
jörðinni áhuga, að sögn fasteigna-
sala. Óskað er eftir tilboðum en
verðhugmyndir seljenda eru á
bilinu hálfur til einn milljarður
króna.
Eyðijörðin Hjörleifshöfði á Mýr-
dalssandi er kennd við Höfðann sem
er gróin eyja á sandinum. Hafursey
tilheyrir einnig jörðinni ásamt sönd-
um, fjörum, uppgræðslusvæði við
hringveginn og námusvæði. Jörðin í
heild er talin 11.500 hektarar.
Viðræður við ríkið
Hjörleifshöfði er í einkaeigu og
ekki þjóðlenda. Eigendurnir eru
Þórir N. Kjartansson, fyrrverandi
framkvæmdastjóri í Vík, og systur
hans Áslaug og Halla. Þau fengu
jörðina í arf en forfeður þeirra
bjuggu í Hjörleifshöfða. Systkinin
buðu ríkinu að kaupa eignina en við-
ræður sem staðið hafa í átta ár hafa
ekki borið árangur og ákváðu eig-
endurnir því að setja jörðina í opið
söluferli.
Ólafur Björnsson, hrl. hjá Lög-
mönnum Suðurlandi, segir að þeir
fjárfestar sem sýnt hafi áhuga á
kaupunum hugsi til ferðaþjónustu,
hótelbyggingar og útivistar. Ýmsir
möguleikar séu á því sviði. Nefnir
hann að þar hafi kvikmyndir verið
teknar upp og jörðin sé nýtt til fjór-
hjólaferða.
Lítt gróinn sandur
Sandurinn er að mestu leyti
svartur og lítt gróinn en Land-
græðslan hefur varið hringveginn,
meðal annars með gróðursetningu
lúpínu. Gerðar hafa verið tilraunir
til að rækta kartöflur og repju í lúp-
ínubreiðunum og gengið vel. Þá hef-
ur Kötluvikur verið rannsakaður
með tilliti til útflutnings. Eiga nú-
verandi eigendur jarðarinnar aðild
að fyrirtækjum sem athugað hafa
notkunarmöguleika vikursins. Er
talið sjálfgefið að þeir hlutir fylgi
jörðinni.
Eigendurnir óska eftir tilboðum í
eignina. Spurður um verðhugmynd-
ir bendir Ólafur á að lægsta verð-
mat á landi á Íslandi sé um 50 þús-
und krónur á hektara.
Miðað við að verðmæti Hjörleifs-
höfða sé eitthvað umfram það megi
reikna með 500 til 1.000 milljónum
króna.
Hjörleifshöfði auglýstur til sölu
 Sögufræg eyðijörð á Mýrdalssandi til sölu  11.500 hektara eyðisandur með gróðurvinjum í
Hjörleifshöfða og Hafursey  Fjárfestar í ferðaþjónustu sýna áhuga  Vikurnámur og ræktun
Morgunblaðið/Jónas Erlendsson
Hjörleifshöfði Fólk sem kemur í Hjörleifshöfða á Mýrdalssandi verður fyrir sterkum áhrifum af umhverfinu, sögu
staðarins og landnámsmannsins Hjörleifs. Sagan er samtvinnuð sögu mesta örlagavalds svæðisins, Kötlu gömlu.
Hjörleifshöfði er sögufræg jörð,
allt frá landnámi. Talið er að
Hjörleifur Hróðmarsson, fóst-
bróðir Ingólfs Arnarsonar, hafi
haft vetursetu þar fyrsta vet-
urinn eftir að þeir komu til lands-
ins en Ingólfur í Ingólfshöfða.
Byggði Hjörleifur þar tvo veglega
skála. Sagt er að írskir þrælar
hafi drepið Hjörleif og menn
hans um vorið og flúið með kon-
urnar út í Vestmannaeyjar. Ing-
ólfur elti þá þangað og drap.
Kötlugos breyta landinu stöð-
ugt. Bærinn var lengi undir Hjör-
leifshöfða en var fluttur upp í
Höfðann á átjándu öld. Jörðin
þótti góð bújörð og voru hlunn-
indi af reka, fugli og eggjum.
Uppi á Hjörleifshöfða, þar sem
Höfðinn rís hæst, er Hjörleifs-
haugur, friðlýstar fornminjar. Þar
er einnig grafreitur Markúsar
Loftssonar, bónda og fræði-
manns.
Bústaður
Hjörleifs
SÖGUFRÆG JÖRÐ
V I Ð E R UM H L U T I
A F G Ó Ð U F E R ÐA L AG I
16
-1
62
0
—
H
V
ÍT
A
H
Ú
S
IÐ
/
S
ÍA
r á leið í frí til Frakklands að hitta vini sína. Hún hlóð spjaldtölvuna sína og skoðaði
í búðir og naut lífsins á meðan hún beið eftir fluginu sínu.
Hjá Isavia starfar samhentur hópur starfsmanna. Markmið okkar er
að vera hluti af góðu ferðalagi þeirra 30 milljóna farþega sem fara
um flugvelli og flugstjórnarsvæði okkar árlega. Okkar hlutverk er að
tryggja öryggi þeirra allra og gera för þeirra sem ánægjulegasta.
Við erum að vaxa og þurfum aðfjölga í liðinu okkar til að bregðast við
sífelldri fjölgun farþega. Stefna okkar er að bjóða upp á gott og fjöl-
skylduvænt starfsumhverfi, öfluga fræðslu og þjálfun og við leggjum
áherslu á jákvæðan starfsanda innan fyrirtækisins.
Kynntu þér störfin sem standa til boða hjá Isavia og vertu með okkur
í því að vera hluti af góðu ferðalagi.
isavia.is/atvinna
facebook.com/isaviastorf