Morgunblaðið - 14.12.2017, Qupperneq 42

42 FRÉTTIRInnlent
MORGUNBLAÐIÐ FIMMTUDAGUR 14. DESEMBER 2017
smátt og smátt og fékk enn meiri
áhuga enda er þetta mjög skemmti-
legt fag.“
Eftir námið fór Sigga Palla að
vinna í Borgarapóteki í Reykjavík.
Hún vann svo um tíma á rannsókn-
arstofu í blóðmeinafræði en flutti þá
vestur til Ísafjarðar og tók aftur til
við störf í apóteki. Árið 1997 gafst
henni tækifæri til að kaupa Rangár-
apótek, sem þjónaði Hellu og Hvols-
velli, og reka sjálfstætt.
„Um þetta leyti voru keðjurnar að
byrja og Lyfja og Lyf og heilsa hófu
að kaupa upp öll einkareknu, sjálf-
stæðu apótekin. Það endaði með því
að ég seldi til Lyfja og heilsu.“
Sigga Palla starfaði sem lyfsölu-
leyfishafi hjá ýmsum aðilum á næstu
árum og hélt í þrígang til Noregs til
að stýra apótekum þar. Það ævintýri
hófst með skemmtilegum hætti.
„Ég var formaður lyfjafræðinga-
félagsins og mig langaði svo til að
geta talað almennilega norrænt
tungumál, langaði að geta rökrætt á
Norðurlandaþingi og í öðru norrænu
samstarfi. Sem formaður fannst mér
ég verða að hafa meiri norræna
tungumálakunnáttu en skóladönsk-
una mína. Íslenskir lyfjafræðingar
hafa alltaf verið mjög eftirsóttir í
Noregi þar sem þeir þurfa að hafa
meistaragráðu til að öðlast lyfsölu-
leyfisréttindi en það er algengara að
lyfjafræðingar í Noregi láti BS-
prófið nægja. Ég var frjáls minna
ferða svo ég sló til og fór að vinna
sem apótekari í Risör í Suður-
Noregi,“ segir hún.
Það var því ástríðan fyrir nor-
rænni tungu sem lokkaði Siggu Pöllu
fyrst til Noregs árið 2004, löngu fyrir
fjöldabrottfarir Íslendinga á eft-
irhrunsárunum, og hún naut sín í
Noregi. Föðurlandið togaði þó alltaf í
hana og á næstu árum var flugleiðin
Ísland – Noregur nokkuð algeng,
síðast frá Drammen nú árið 2017.
Hún segist hafa notið sín í báðum
löndum og fengið flott tækifæri í
Noregi.
Grænar áherslur í
litla sæta apótekinu
Nú 20 árum eftir að ævintýrið með
einkareksturinn í Rangárapóteki
hófst, er Sigga Palla aftur komin í
rekstur. Þó að apótek séu í grunninn
rekin á sama grundvelli, lyfsölu, geta
áherslurnar verið æði ólíkar. Þegar
hún opnaði Reykjanesapótek í mars
á þessu ári var hún og fjölskyldan
ákveðin í að marka sínu apóteki sér-
stöðu. Það er grænt. En hvað þýðir
að apótek sé grænt?
„Við byrjuðum á því að hafa sam-
band við Umhverfisstofnun til að
eiga samtal um hvaða atriði væru
mikilvægust í tengslum við grænt
apótek. Við leggjum því áherslu á að
vera græn í innkaupum og græn í
rekstri, eins langt og maður kemst.
Þetta gerist auðvitað ekki á fyrsta
degi heldur smátt og smátt og við er-
um enn að bæta okkur. Við notum
ekki plastpoka, en það eru kannski
vörur frammi í búð í plastpokum. En
ég get valið hvaða vöru ég tek inn og
þá horfi ég á innihaldsefnin t.d.
hvaða rotvarnarefni eru notuð í
kremi og sjampói. Ég legg áherslu á
náttúruleg og lífræn efni, líka í vít-
amínum og bætiefnum. Við höldum
grænt bókhald sem þýðir að við
fylgjumst vel með pappírsnotkun,
hvað við notum af rafmagni, hreinsi-
efnum og öðrum umhverfisþáttum
og reynum að gera betur. Þar styðj-
umst við við leiðarvísi frá Umhverf-
isstofnun. Svo flokkum við líka allt
rusl.“
Þær breytingar sem gerðar voru á
húsnæði voru einnig með grænum
áherslum, að sögn Siggu Pöllu.
LED-ljós voru valin þar sem leggja
þurfti fyrir nýjum ljósum og smátt
og smátt munu flúorljósin víkja. Þá
hannaði sonur Siggu Pöllu, Björn S.
Traustason, sem hefur bakgrunn í
arkitektúr, húsnæðið þannig að
starfsfólk væri í sem mestum
tengslum við viðskiptavininn. Stórt
op er á milli verslunar og lyfja-
afgreiðslu svo hægt er að fylgjast
með lyfjafræðingnum að störfum, fá
útskýringar frá honum og annað sem
viðskiptavinurinn vill vita um lyfin
sem hann er að fá.
– Ert þú sjálf með grænar
áherslur heima fyrir?
„Já, já, hef haft þær til margra
ára. Ég kynntist umhverfisvernd
fyrst í Noregi á fyrstu árum mínum
þar og hef verið að taka græn skref
síðan. Sem betur fer höfum við Ís-
lendingar tekið miklum framförum í
umhverfismálum, en mér fannst allt-
af jafn óþægilegt að koma heim og
henda öllu sem ég hafði endurunnið
úti.“
Persónuleg þjónusta
útgangspunkturinn
Sigga Palla segist hafa mikinn fag-
legan metnað og langar til að sjá víð-
tækara samstarf við annað heilbrigð-
isstarfsfólk og búa til teymi þar sem
hugað er að því hvernig bæta megi
heilsu og líðan. Hér kemur gamli
kennaradraumurinn sterkt inn, því
hún hefur verið að kenna í Noregi ,
verið í samvinnu við Lýðheilsustofn-
un og hefur áhuga á að koma með
víðtækari fræðslu um heilsu, vellíðan
og forvarnir inn í skóla og tóm-
stundastarf ungs fólks, en hún hefur
gert fram að þessu.
Eitt af herbergjunum í Reykja-
nesapóteki er viðtalsherbergi þar
sem viðskiptavinum gefst kostur á að
spjalla við lyfjafræðinginn í ró og
næði, fá blóðþrýstingmælingu, spjall
um lyfjanotkun og fá leiðbeiningar
um rétta lyfjanotkun og aðra per-
sónulega þjónustu.
– Íbúar hér hafa verið mjög þakk-
látir fyrir rúman afgreiðslutíma og
sveigjanleikann með lyfjavakt. Var
mikil þörf fyrir þetta?
„Já, ég komst mjög fljótlega að því
eftir opnun og breytti afgreiðslutíma
til samræmis við það. Mér finnst
bara sjálfsagt að bjóða upp á þessa
þjónustu og nýt þess, finnst ómögu-
legt að fólk þurfi að fara á höfuðborg-
arsvæðið eftir þessari þjónustu.“
Þegar blaðamaður spyr hvort fólk
sé að nota mikið þessa þjónustu er
hún fljót til svars: „ekkert meira en
það þarf“.
„Útgangspunkturinn með rekstur
Reykjanesapóteks er sá að mig lang-
aði til að opna mitt eigið apótek, lítið
og sætt. Skapa mér atvinnu og gera
það með mínu höfði, láta drauminn
rætast að hafa áherslurnar eins og
ég vildi hafa þær, auðvitað í sam-
ræmi við lög og reglur sem ég sem
lyfsöluleyfishafi þarf að lúta.“
Vildi opna „lítið og sætt“ apótek
 Sigríður Pálína Arnardóttir lyfjafræðingur byrjaði að huga að umhverfisvernd þegar hún starfaði
í Suður-Noregi  Föðurlandið togaði alltaf í hana  Rekur núna „grænt“ apótek í Reykjanesbæ
Morgunblaðið/Svanhildur Eiríksdóttir
Lyfjafræðingur Sigríður Pálína Arnardóttir stofnaði fyrr á þessu ári nýtt apótek í Reykjanesbæ.
Apótek Fjórir af níu starfsmönnum, f.v. Björn S. Traustason, Elísabet Guð-
jónsdóttir, Guðmunda Hergeirsdóttir á Mýrinni og Sigríður Pálína.
VIÐTAL
Svanhildur Eiríksdóttir
svei@simnet.is
Þegar Sigríður Pálína Arnardóttir
opnaði apótek í sínum gamla
heimabæ, Njarðvík, fyrr á þessu ári
ákvað hún að taka upp lyfjavakt sem
þekktist í apótekum hér áður fyrr. Í
millitíðinni hafði íbúum á Suður-
nesjum verið beint til höfuðborgar-
svæðisins þyrftu þeir á lyfjum að
halda eftir lokun apótekanna.
Reykjanesapótek býður ekki að-
eins upp á lyfjavakt heldur af-
greiðslutíma í takti við læknavakt
Heilbrigðisstofnunar Suðurnesja.
Henni finnst þetta sjálfsögð þjónusta
og segir hana ekki hafa truflandi
áhrif á heimilislífið. Fyrir utan lyfja-
fræðina og fræðslu henni tengda á
hestamennska og heilbrigt líferni
hug hennar allan. Reykjanesapótek
er líka grænt apótek í margvíslegum
skilningi.
Sigríður Pálína, eða Sigga Palla
eins og hún er gjarnan kölluð, sleit
barnsskónum í Njarðvík, sótti
grunnskóla þar og tónlistarnám og
hélt síðan til náms í Fjölbrautaskóla
Suðurnesja. Sigga Palla hafði alltaf
ætlað sér að verða kennari eins og
mamma hennar, en árin í fjölbraut
beindu henni á aðra braut. „Það var
strákur í skólanum með mér sem
ákvað að fara í lyfjafræði, sá eini sem
ég þekkti sem hafði farið eða ætlaði
að fara í slíkt nám, svo ég fór bara í
það sama og hann,“ segir Sigga Palla
í samtali við blaðamann.
Íslenskir lyfjafræðingar
eftirsóttir í Noregi
Lyfjafræðingurinn er dr. Svein-
björn Gizurarson en þau fylgdust að í
bernskunni í Njarðvík og í gegnum
grunn- og framhaldsskóla. Siggu
Pöllu fannst þetta hljóta að vera
spennandi nám, vissi reyndar lítið
um uppbyggingu þess og hvað lyfja-
fræðingar gerðu, en það tengdist
áhugasviði hennar sem var raun-
greinar, sérstaklega efnafræði.
„Svo komst ég auðvitað að þessu