Morgunblaðið - 14.12.2017, Qupperneq 72

Einfalt Aðferð Alberts gerir grautarsuðuna auðvelda. Ljúffengt lostæti Jarðaberjaostakakan svíkur engan.
Mikilvægt mauk Gott mauk getur gert góða máltíð enn betri.
Mjög fersk og góð terta sem hentar
bæði sem eftirréttur og kaffimeðlæti.
Þessi terta er dæmi um uppskrift þar
sem auðveldlega má minnka sykur-
magnið verulega. Upphaflega upp-
skriftin var með bláberjum í stað
jarðarberja og heilum bolla af sykri.
Verum vakandi, ekki bara varðandi
sykurinn heldur líka annað sem við
látum inn fyrir okkar varir.
Best finnst mér að útbúa jarðar-
berjafyllinguna og smakka hana til
áður en hún fer yfir botninn. Jarð-
arber eru missæt – þess vegna er
enginn sykur gefinn upp í uppskrift-
inni að fyllingunni.
Gott er að hafa mascarpone við
stofuhita, þá fer hann síður í kekki.
Jarðarberjaostaterta
Botn:
120 g smjör, lint
2⁄3 dl dökkur púðursykur
2 dl hveiti
2 dl möndluflögur
2 msk góð matarolía
½ tsk salt.
Hrærið saman smjör, púðursykur,
hveiti, möndluflögur, matarolíu og
salt. Setjið í ca 20 cm form og bakið
við 175°C í 12-14 mín. Látið kólna í
forminu.
Fylling:
1 dl mascarpone (við stofuhita)
1 tsk. vanilla
1 peli rjómi – þeyttur
2 b. fersk íslensk jarðarber, skorin í
fernt
Skraut:
1 b fersk jarðarber
40 g hvítt súkkulaði
Þeytið mascarpone og vanillu í
hrærivél. Bætið þeyttum rjóma og
blandið vel saman. Setjið jarðarberin
allra síðast og hrærið smástund.
Sykrið ef ykkur finnst þurfa.
Setjið botninn á tertudisk og
hringinn aftur utan um hann.
Setjið fyllinguna á botninn.
Skraut: Skerið jarðarberin í tvennt
og setjið ofan á fyllinguna. Bræðið
súkkulaðið í í vatnsbaði og setjið í
plastpoka. Stingið gat á pokann með
nál og sprautið yfir jarðarberin.
Geymið í ísskáp í að minnsta kosti
klukkustund. Losið hringinn frá með
hnífi rétt áður en tertan er borin á
borð.
Apríkósukryddmauk og döðlu-
mauk. Kryddað mauk eins og þetta á
vel við með ýmsum réttum, t.d.
bauna-, grænmetis- og kjötréttum.
Svo má líka nota það ofan á (ristað)
brauð og með ostum. Þegar ég
smakkaði kryddmauk með mat í
fyrsta sinn upplifði ég það eins og
ígildi góðrar sósu.
Apríkósukryddmauk
3-4 dl þurrkaðar apríkósur
1 tsk. kúmín
1 tsk. kóríander
1 tsk. kardimommuduft
2 cm fersk engiferrót
vatn
Setjið allt hráefnið í pott, látið vatn
rétt fljóta yfir og sjóðið í u.þ.b. 15
mín. Setjið í matvinnsluvél og mauk-
ið. Berið fram volgt eða geymið í ís-
skáp, í glerkrukku með loki.
Döðlukanilmauk með steikinni
1 b. döðlur, saxaðar gróft
1 tsk. kanill
1⁄3 tsk. salt
2 dl vatn
Setjið allt í pott og sjóðið í um 15
mínútur. Setjið í matvinnsluvél og
maukið.
Í mínu ungdæmi var möndlugraut-
urinn í hádeginu á aðfangadag, sem
er fínn tími. Allir taka hraustlega til
matar síns og klára örugglega af disk-
unum í von um að finna möndluna.
Síðan er fólk ekki orðið svangt aftur
fyrr en verður heilagt.
Möndlugjöfin. Það er ágæt þumal-
puttaregla að hugsa möndlugjöfina
þannig að sá sem hana fær deili gjöf-
inni með öllum strax að lokinni máltíð.
Aðferðirnar við að elda góðan graut
eru margar og engin ein réttust.
Þessa aðferð má rekja til Þýskalands.
Hún er sú að setja allt í pott, láta
suðuna koma upp á lágum hita á 45-60
mínútur. Þá er slökkt undir, pott-
urinn einangraður mjög vel með
handklæðum, svuntum eða öðru og
hann látinn standa þannig í að
minnsta kosti þrjár klukkustundir
(moðsuða). Rétt áður en grauturinn
er borinn á borð er hrært í. Það er lítil
hætta á að grauturinn brenni við, það
þarf ekki að standa yfir honum og
hræra stöðugt í. Síðast en ekki síst
þarf mun minna af grjónum – aðeins
einn desílítra á móti lítra af mjólk. At-
hugið að ekki þarf að sjóða grjónin
fyrst í vatni áður en mjólkin fer sam-
an við.
Ég hvet ykkur til að prófa þessa að-
ferð við möndlugrautinn og næst þeg-
ar þið eldið hrísgrjónagraut.
Möndlugrauturinn
1 l mjólk
1 dl grautarhrísgrjón
1 msk sykur
1 tsk salt
smá vanilla
Setjið allt í sæmilega stóran pott.
Látið suðuna koma upp á mjög lágum
hita (á 45-60 mín), hrærið við og við í
á meðan. Slökkvið undir pottinum
þegar suðan er komin upp, einangrið
pottinn mjög vel t.d. með hand-
klæðum og látið standa þannig í að
minnsta kosti þrjár klukkustundir.
Eftir þrjár klukkustundir er graut-
urinn tilbúinn, silkimjúkur og fínn.
thora@mbl.is
Aðventukræsingar Alberts
Albert Eiríksson, matar-
bloggari og meistara-
kokkur með meiru, reið-
ir hér fram girnilegar
kræsingar sem eiga
einkar vel við á aðvent-
unni. Albert fer víða í
þessum uppskriftum
sem allar eiga þó sam-
eiginlegt að vera sér-
deilis ljúffengar.
MORGUNBLAÐIÐ FIMMTUDAGUR 14. DESEMBER 2017
Ef gleymist að kaupa af-
hýddar möndlur eru hér
tvær aðferðir til að afhýða:
A. Hellið sjóðandi heitu
vatni yfir möndlurnar, látið
standa í hálfa aðra mínútu.
Hellið á sigti og kælið með
því að láta kalt vatn renna
á. Eftir það er auðvelt að
taka hýðið af.
B. Látið möndlurnar liggja í
köldu vatni í um klst. Eftir
það er auðvelt að taka hýðið
af.
Hvernig á
að afhýða
möndlur?
Morgunblaðið/Kristinn Magnússon
Flinkur fagurkeri Albert Eiríksson er flinkari en flestir í matargerð og réttirnir eru sannkallað augnayndi.