Morgunblaðið - 18.01.2018, Blaðsíða 52

MORGUNBLAÐIÐ FIMMTUDAGUR 18. JANÚAR 2018
Gullfiskur
Kæliþurrkaður harðfiskur
semhámarkar ferskleika,
gæði og endingu.
Inniheldur 84%prótein.
84% prótein - 100% ánægja
Framleiðandi: Tradex ehf, Eyrartröð 11, 220Hafnarfjörður, tradex@tradex.is
Harðfiskur // Bitafiskur // Skífur
Einfaldlega
hollt og gott
snakkHVAÐ HENTAR
ÞÍNU STARFSFÓLKI?
Hjá okkur færðu ljúffengan mat
úr fyrsta flokks hráefni.
• Fjölbreytta rétti úr fiski, kjöti og grænmeti.
• llmandi og nýbökuð brauð, rík af korni og fræjum.
• Gómsætar súpur, lagaðar með hollustu að leiðarljósi.
• Brakandi fersk salöt og ávexti.
• Við komum til móts við ykkar óskir
kryddogkaviar.is
kryddogkaviar@kryddogkaviar.is
Sími 515 0702 og 515 0701
„Ástæðan fyrir breytingunum er í
raun einföld, okkur langaði í meira
fjör, meira partí, skemmtilegri og
öðruvísi mat og bara einhverja smá
tilbreytingu í veitingum hérna í
kringum okkur, segir Aníta Ösp Ing-
ólfsdóttir, yfirmatreiðslumeistari
RIO.
„RIO er suðuramerískur staður
en við leggjum svona mesta áherslu
á Brasilíu, Argentínu, Mexíkó og
Perú, en Perú er einnig þekkt fyrir
að vera með mikið asískt tvist í
matnum hjá sér. Við ákváðum að
halda því þannig og hleypa asískum
straumum með þessu öllu saman.
Við notumst auðvitað við frábæra
hráefnið okkar hérna á Íslandi eins
mikið og við getum. Við erum með
mikið af bæði fisk- og grænmetis-
réttum, sem margir hverjir eru veg-
an líka, svo það ættu allir að geta
fundið eitthvað við sitt hæfi.“
Fyrir fólk með valkvíða
„Eitt af því sem við leggjum upp
með eru smáréttir og hliðardiskar.
Aðalréttirnir eru þannig uppsettir
að við mælum með að taka hliðar-
disk með þeim þótt það sé alls ekki
nauðsynlegt, en þannig er hægt að
setja máltíðina upp eftir eigin höfði.
Svo hentar þetta sérlega vel þegar
margir fara saman út að borða og
vilja deila.“ Aníta segist sjálf vera
með valkvíða á háu stigi og þetta
fyrirkomulag henti vel fólki eins og
henni sem langar helst að bragða á
öllu á seðlinum.
Viðtökurnar hafa að hennar sögn
verið virkilega góðar. „Fólk tekur
matnum ótrúlega vel! Þetta er mik-
ið, skemmtilegt og oft öðruvísi bragð
eða öðruvísi samsetning á bragðteg-
undum sem ekki allir þekkja og
þetta hefur algjörlega fallið í kramið
hjá kúnnunum, ungum sem öldn-
um.“
Elskar allan mat
Aníta hefur staðið við eldavélina
frá fermingaraldri og eftir að mat-
arástin kviknaði af alvöru varð ekki
aftur snúið. Hún hefur ferðast um
heiminn og unnið á fjölda staða með
það að markmiði að læra og sjá sem
mest. Aðspurð hvað henni þyki
skemmtilegast að elda segir hún að
það sé svipað og að spyrja foreldri
hvaða barn sé í mestu uppáhaldi.
Það sé ekki hægt. „Ég elska að elda
sjávarrétti, ferskan fisk, hörpuskel,
humar og þar fram eftir götunum.
Hins vegar finnst mér líka fáránlega
gaman þegar mér dettur eitthvað
smá klikkað og öðruvísi í hug og ég
hætti ekki fyrr en ég er búin að ná
að elda það nákvæmlega eins og ég
vil hafa það. Eins og þegar ég ákvað
að hafa kolkrabba á seðli tók það
mig níu daga að finna hina full-
komnu eldunaraðferð á honum, en
guð hvað það var geggjað þegar ég
loksins náði honum eins og ég vildi,
enda heldur fólk varla vatni yfir hon-
um.“
Markmiðið að skemmta sér
„Mér finnst skemmtilegast að
elda fyrir fólk sem er ævintýra-
gjarnt og tilbúið að prófa alla þá
skemmtilegu vitleysu sem mér dett-
ur í hug. Einnig hressa og skemmti-
lega hópa þar sem ég get farið fram
og spjallað við kúnnana, sagt þeim
uppruna réttanna og haft þetta
skemmtilegt, það er alveg mark-
miðið með þessu öllu saman, að
þetta sé gaman!“
Myndi líklega
aldrei elda naggrís
Áhugasviðið núna er rosalega
mikið á þessum suðuramerísku slóð-
um, enda búin að vera með höfuðið í
gríðarlegri undirbúningsvinnu fyrir
þennan matseðil. Það er ótrúlega
gaman að skoða svona nýja matar-
menningu og grafa svona djúpt í
hana og finna ástæður og gunn-
hugmyndir á bak við marga af þess-
um þjóðarréttum þeirra. Eins hvað
það kom skemmtilega á óvart hvað
asískir straumar eru sterkir eins og í
Perú. Núna þrái ég bara að fara að
ferðast á þessa staði og borða á mig
gat. Aðspurð hvort það sé eitthvað
sem hún myndi aldrei elda segir hún
að líklegast væri það einn af þjóðar-
réttum Perúmanna.
„Það er heileldaður naggrís sem
þykir lostæti. Ég hugsa að ég sleppi
því bara alfarið.“
Ferðamenn finnst mér langmest
sækjast í fiskinn okkar, enda ekkert
eðlilega gott hráefni. Eins lamba-
kjötið, en mér finnst yfirleitt
skemmtilegast að fá þá til að smakka
sem mest. Við hérna á RIO erum
náttúrlega ekki með hinn týpíska ís-
lenska mat, þótt hráefnið sé íslenskt
þá finnst ferðamönnum oft gaman að
smakka t.d. lambið í öðruvísi útsetn-
ingu en þeir hafa verið að smakka
annars staðar. thora@mbl.is
Skemmtilegri og öðruvísi matur
Morgunblaðið/Kristinn Magnússon
Það blása ferskir og
framandi vindar við
höfnina í Reykjavík þar
sem opnaður hefur ver-
ið nýr veitingastaður
sem leitar á suðrænar
slóðir í mat og drykk.
Það má með sanni segja
að RIO komi eins og
ferskur andvari inn í ís-
lenska veitingaflóru.
Elskar að elda Aníta Ösp Ingólfsdóttir, yfirmatreiðslumeistari RIO.
 SJÁ SÍÐU ??