Skírnir - 01.04.2017, Síða 160

(Roemer og van der Straeten 2004). Í niðurstöðum Evrópsku eftir-
litsmiðstöðvarinnar með rasisma og útlendingaandúð (EUMC)
kemur fram að Danir eru hlutfallslega neikvæðari í garð útlendinga
og minnihlutahópa en gengur og gerist annars staðar (Widfeldt
2015). Þó eru hlutfallslega ekki fleiri innflytjendur í Danmörku en
í nágrannaríkjunum.
Næsta áratuginn gegndi Danski þjóðarflokkurinn lykilhlutverki
í að koma á ströngustu innflytjendalöggjöf sem um getur á Vestur-
löndum. Við það fækkaði í hópi flóttamanna, verulega var þrengt að
möguleikum fjölskyldna á að sameinast og fólki utan Evrópu al-
mennt ekki veitt dvalarleyfi. Meira að segja makar undir 24 ára aldri
áttu ekki rétt á að dvelja með dönskum eiginmönnum eða eigin-
konum. Útlendingar urðu að uppfylla ströng skilyrði og standast
níðþung tungumála- og þekkingarpróf sem jafnvel menntaðir Danir
götuðu á. Við Íslendingar tókum svo margt af þessu okkur til
fyrir myndar svo sem nánar er rætt í lok greinarinnar.
Auk þess að afleggja skattalækkunarstefnuna og snúast á sveif
með velferðarkerfinu fólst árangur Danska þjóðarflokksins einkum
í því að tengja svo til öll önnur mál líka við innflytjendastefnuna. Í
málflutningi þeirra urðu innflytjendur ógn við velferðarkerfið, efna-
hagslífið, kvenfrelsi og bara hvað sem var. Einna ákafast var deilt
um höfuðbúnað múslimakvenna sem Pia Kjærsgaard sagði í and -
stöðu við dönsk gildi, en reyndust þó þegar nánar var skoðað eink -
um vera hefðbundin kristin fjölskyldugildi, pökkuð inn í hug -
myndir um danska arfleifð og dönsk einkenni (Gad 2010).
Danski þjóðarflokkurinn tók afgerandi forystu í allri umræðu
um innflytjendamál. Hinir flokkarnir komu síðan flestir í humátt á
eftir svo andstaða við útlendingaandúð var nú á hröðu undanhaldi.
Deilan um Múhameðsteikningar í Jyllandsposten árið 2005 var til
dæmis til marks um aukna pólaríseríngu á milli innfæddra Dana og
aðkominna múslima. Birting myndanna var vísvitandi ögrun í eld-
fimu ástandi (Henkel 2010). Síðan urðu harkaleg viðbrögð fylgis -
manna íslam til þess að auka enn stuðninginn við Danska þjóðar -
flokkinn.
Smám saman varð samhljómur um þríþætt rök gegn innflytj-
endum sem einkum voru þróuð af hugveitunni Danska félagið (Den
160 eiríkur bergmann skírnir
Skírnir vor 2017.qxp_Layout 1 31.3.2017 13:24 Page 160