Skírnir - 01.04.2017, Blaðsíða 236

saman úr fimm flokkum sem höfðu bara í vikunni á undan slitið
viðræðum.
Það var ljóst af ummælum í fjölmiðlum að formaður Vinstri
grænna var ekki mótíveruð til nýrra viðræðna og þingmaður Við -
reisnar sagði í útvarpsþætti að það hefðu verið mistök hjá forseta að
veita stjórnarmyndunarumboðið á þessum tímapunkti (Hallgrímur
Indriðason 2016). Óttarr Proppé var hins vegar mjög jákvæður og
taldi möguleika nú sem ekki hefðu verið áður, og Logi var einbeittur
í að nú skyldi samvinnan ganga upp. Þríeykið Birgitta, Óttarr og
Logi ætluðu að halda uppi fjörinu og sannfæra Katrínu og Bene-
dikt um að koma með á Fagurey.
Í stjórnarmyndunarviðræðunum gerðist ekki margt í fyrstu, til
þess tóku aðrar annir of mikinn tíma. Formenn hittust á fundum
en ekki var tekin ákvörðun um að hefja formlegar viðræður. Bjarni
gerði tilraun til að veiða Viðreisn og Bjarta framtíð aftur yfir í við -
ræður við sig, en þeir flokkar svöruðu ekki þreifingum hans (Þóra
Kristín Ásgeirsdóttir 2016). Katrín fékk umboð síns þingflokks til
að taka þátt í formlegum viðræðum undir stjórn Pírata en það var
skilningur flokkanna að viðræðurnar yrðu aðeins formlegar ef
flokkarnir sæju fram á að þeim lyktaði með myndun ríkisstjórnar.
Þingmenn vörpuðu mæðinni og komu síðan saman til þing setn-
ingar 6. desember. Það var kosið í fjárlaganefnd og efnahags- og
viðskiptanefnd sem fengu til umfjöllunar fjárlög næsta árs. Það yrði
forvitnilegt að fylgjast með því hvernig meirihluti myndi skipast og
hvaða möguleikar yrðu til að víkja frá þeim fjárlögum sem starfs-
stjórn Sjálfstæðisflokksins og Framsóknar lagði fram. Hvorum megin
myndu þingmenn Viðreisnar og Bjartar framtíðar skipa sér og um
hvað væri hægt að semja? Hverjir myndu taka af skarið og ná fólki
saman í hinni óhefðbundnu stöðu?
Í sjávarútvegsmálunum var ákveðið að halda fund til að finna
leiðir. Viðreisn og Björt framtíð settu fram tillögur á blaði sem hægt
var að vinna með ásamt því sem unnið hefði verið í fyrri viðræðum.
Gagnlegar umræður urðu um hvernig ætti að innkalla aflaheimildir
á tilteknu árabili. En hvernig ætti að úthluta heimildunum að nýju,
hvers konar útboð ætti að halda og hvernig ætti að tryggja stöðu
landsbyggðanna ef farin yrði einhvers konar markaðsleið? Yfir það
236 kristján guy burgess skírnir
Skírnir vor 2017.qxp_Layout 1 31.3.2017 13:24 Page 236