Skírnir - 01.04.2017, Blaðsíða 208

Kristján Eldjárn átti áður heima en hýsti nú skrifstofur forseta-
embættisins.
Kristján var forseti að mínu skapi, sagði hinn nýi forseti. Þeim
sem fengu stjórnarmyndunarumboð afhenti hann bók sína um völ-
undarhús valdsins, og nú var búið að ákveða að setja Alþingi á af-
mælisdegi Kristjáns. Þann dag flutti Guðni ávarp í minningu forvera
síns. „Á sinni tí ð stóð Kristjá n Eldjá rn í strö ngu við stjó rnarmynd-
anir og nú er uppi sama staða. Nú þegar ég er sestur á Bessastaði
freistast ég til þess að vona að ég bú i yfir sö mu stjórnlist, þolinmæði
og sanngirni og Kristjá n sý ndi í þeim efnum — og jafnvel kí mni líka“
(Guðni Th. Jóhannesson 2016a).
Logi Einarsson formaður Samfylkingarinnar mætti síðastur til
fundar við Guðna þennan sólríka föstudag og kom færandi hendi til
forseta með nokkur hálsbindi frá Herradeild JMJ á Akureyri. Hon -
um virtist ljóst að forsetinn hefði ákveðið sig, að nú væri rétt að
veita Pírötum stjórnarmyndunarumboðið.
Við sem vorum hinum nýja formanni Samfylkingarinnar til
ráðgjafar, óttuðumst verulega áhrif þess á aðra flokka ef Píratar
fengju nú umboð til að mynda ríkisstjórn. Flest þau sem höfðu
áhuga á fimm flokka stjórn vildu annaðhvort fá að kasta mæðinni
eða vinna óformlega áður en næsta lota hæfist. Það þurfti líka tíma
til að yfirvinna tortryggni og byggja traust. Ekki var nema rúm vika
frá því síðast slitnaði upp úr. Formaður Sjálfstæðisflokksins hafði
líka tvívegis skilið þá Benedikt Jóhannesson formann Viðreisnar,
og Óttarr Proppé, formann Bjartrar framtíðar, eftir á sléttpressuð -
um biðilsbuxunum og þeir þurftu að meta þá stöðu með sínu fólki.
Samtöl höfðu farið fram í Alþingishúsinu fyrr um daginn milli
fólks úr Viðreisn, Bjartri framtíð og Samfylkingu, um að nota helg-
ina til óformlegra samræðna og finna lausnir og komast nær því í
vikunni á eftir að hnýta saman stjórnarsamstarf. Í millitíðinni þurfti
að sinna þingstörfum. Það var ljóst frá byrjun að lengst væri mál-
efnalega á milli Vinstri grænna og Viðreisnar. Einnig þyrftu Píratar
og Viðreisn að kynnast betur til að átta sig á því hvort flokkarnir
treystu sér í samstarf.
Það varð að tala um sameiginleg áherslumál og finna leiðir þar
sem flokkarnir höfðu ekki orðið sammála. Hversu langt væri hægt
208 kristján guy burgess skírnir
Skírnir vor 2017.qxp_Layout 1 31.3.2017 13:24 Page 208