Skírnir - 01.04.2017, Side 259

259landaparís fyrir augu
til Harðar og þótti heimsókn hans tíðindum sæta. Að eigin sögn var
hann uppburðarlítill að eðlisfari en herti þó upp hugann og fór á
fund listamannsins. Erindið var m.a. að sýna honum myndir eftir sig
og spyrja hann álits á þeim. Fundurinn var afdrifaríkur fyrir Arnar
því Hörður lagði fast að honum að koma suður þá um haustið og
innrita sig til náms við Myndlistarskólann í Reykjavík þar sem hann
var kennari. Arnar fór að ráðum hans og upp frá því átti myndlistin
hug hans allan. Vinfengi var með þeim Herði lengi eftir það (Arnar
Herbertsson 2016).
Arnar segist hafa fylgst grannt með því hvernig Hörður bar sig
að við vinnuna í gagnfræðaskólanum, en gætt þess að vera ekki
uppáþrengjandi. Hann hefur aukið nokkuð við þær upplýsingar
sem við höfum um dvöl Harðar á Siglufirði og framvindu myndar-
innar. Til dæmis man hann eftir fyrirlestri sem Hörður var fenginn
til að halda um byggingarlist meðan á dvöl hans stóð, en á hann
mættu einungis þrír áheyrendur. „Þá fyrirvarð ég mig fyrir mitt
heimafólk,“ segir Arnar Herbertsson (2016). Einnig telur hann að
Gagnfræðaskólinn hafi verið Herði forgangsverkefni; kirkjunni hafi
hann ekki sinnt fyrr en skólaveggurinn var farinn að taka á sig
mynd. Arnar tekur fram að hann hafi ekki séð endanlega útgáfu
veggmyndarinnar fyrr en síðar, en telur að á fyrstu stigum hafi lá-
réttu og lóðréttu renningarnir fyrir miðju, það sem ég hef kallað
„bindingsverkið“, ekki verið fyrir hendi. Sömuleiðis hafi ekki verið
kominn grænn litur inn á myndflötinn. Loks segir hann að skerpt
hafi verið á flestum litanna á veggnum í tímans rás — sem er í sam-
ræmi við það sem fram kemur í skýrslu Viktors Smára sem vitnað
er til hér að framan og að þar hafi verið að verki húsamálarar á
vegum skólans.
Upplýsingar Arnar um „bindingsverkið“ og græna litinn kalla
tæpast á miklar vangaveltur. Annað tveggja hefur Hörður geymt
sér að fella þetta tvennt inn í veggmyndina þangað til síðar af ein-
skærum hagkvæmnisástæðum eða þá að myndin sjálf hefur kallað
á breytingar á síðari stigum. Víst er að einungis eitt verk sem tengja
má við veggmyndina á Siglufirði hefur fundist á vinnustofu Harðar,
en það er ílöng gvassmynd í bláu og rauðu og með hvítum línum sem
mynda „bindingsverk“ svipaðrar gerðar og það sem listamaðurinn
skírnir
Skírnir vor 2017.qxp_Layout 1 31.3.2017 13:24 Page 259