Skírnir - 01.04.2017, Blaðsíða 250

ingalist á sjötta og sjöunda áratugnum, utan það sem kemur fram í
grein Péturs Ármannssonar í sýningarskránni Draumurinn um
hreint form. Þar bendir hann almennt á „samsvörunina“ milli geó-
metríska tímabilsins og hreinstefnu íslenskrar byggingarlistar: „Auk
sameiginlegrar áherslur á einfaldleik og hrein form var það lita -
notkunin sem gerði þessi tengsl auðsærri en ella“ (Pétur Ármanns-
son 1998: 50). Þessu til staðfestingar nefnir Pétur m.a. nokkur hús
þeirra Guðmundar Kr. Kristinssonar, Skarphéðins Jóhannssonar
og Sigvalda Thordarson frá sjötta áratugnum.
Myndvæðing bygginga og almannarýmis var raunar órjúfan-
legur hluti myndlistarlegrar hreinstefnu, allt frá stofnun De Stijl-
hreyfingarinnar í Hollandi á öðrum áratug 20. aldar. Þeir De Stijl-
menn voru eldhugar og hugsjónamenn sem vildu færa listina út fyrir
ramma og veggi sýningarsala og út í samfélagið þar sem hún
megnaði að móta daglegt umhverfi fólks og stuðlaði að betra og
innihaldsríkara mannlífi. Fáir íslenskir myndlistarmenn voru eins
áfram um að bæta umhverfi mannsins og Hörður Ágústsson, og
ekki aðeins með opinberum myndskreytingum. Í því ljósi ber að
skoða margvísleg verkefni sem hann tók að sér meðfram málara-
listinni: bókahönnun, auglýsingagerð, sýningahönnun, húsagerð og
ráðgjöf fyrir húsbyggjendur og málarameistara. Það er hins vegar í
veggmyndum Harðar sem hugmyndafræði umhverfismótandi hrein -
stefnu birtist einna skýrast (Hörður Ágústsson 2005) Þar til nýlega
voru fyrirliggjandi upplýsingar um fjórar veggmyndir Harðar í
anda hreinstefnu: Dansliljuna, sem máluð var fyrir afgreiðslu Bún -
aðarbankans að Laugavegi 118 árið 1953–1954, ónefnda veggmynd
úr korki í kaffistofu Arnarhváls, sem sett var upp árið 1957, vegg-
myndina Vorgleði sem máluð var á vegg í Samvinnuskólanum á Bif-
röst árið 1957 og loks ber að nefna mynd í vinnuskála að Reykja -
lundi frá 1958–1959. Dansliljan er nú einungis til í eins konar
„styttri og staðfærðri“ endurgerð úr gleri í afgreiðslu Arionbanka
á Höfðabakka,1Vorgleði hefur varðveist lítt skemmd í Háskólanum
250 aðalsteinn ingólfsson skírnir
1 Þessi endurgerð hefur nú (2017) verið fjarlægð að mestu, en nokkur skyld málverk
hanga þar enn uppi.
Skírnir vor 2017.qxp_Layout 1 31.3.2017 13:24 Page 250