Saga - 2011, Blaðsíða 194

orðalag að gera smábátasjómenn „óvirka“ í stað þess að mynda baráttu-
bandalag með þeim. Bréf flokksskrifstofunnar inniheldur einnig stuttar til-
skipanir um æskulýðsmál og um skipulag starfsemi flokksins. 127
Viðauki II
[Minnisblað Wilhelms Florins
til Georgis Dimitrovs, ágúst 1938]
Til félaga Dimitrovs.
Ísland
Kæri vinur!
Við fengum skýrslu um Ísland gegnum Lindenroth. Eins og sjá má í skýrsl -
unni eru flokkurinn okkar og vinstri vængur Alþýðuflokksins að búa sig
undir óhjákvæmilegan klofning Alþýðuflokksins af völdum hægrisinnaðra
flokksmanna. Svo virðist sem menn ætli ekki að berjast gegn klofningspóli-
tík hægrimanna, heldur líta á hana sem heppilegt tækifæri til að skapa nýjan
flokk. Þar sem félagar okkar voru fyrirfram viðbúnir klofningnum hafa þeir
samþykkt að boða til flokksþings okkar flokks sama dag og flokksþing
sósíal demókrata hefur verið boðað (20. október) í því augnamiði að mynda
sameiningarflokksþing okkar og vinstrisinna úr Alþýðuflokknum.
Um það er eftirfarandi að segja:
1. Klofningur Alþýðuflokksins getur haft þá hættu í för með sér, að
Framsóknarflokkurinn myndi samsteypustjórn með stjórnarandstöðu -
flokknum, Sjálfstæðisflokknum. Formaður Framsóknar flokks ins hefur
lengi keppt að því. Í Sjálfstæðisflokknum er að finna sterkan fasískan
væng.
2. Tafarlaus sameining vinstrisinna við okkar flokk mun örugglega hindra
frekari þróun stjórnmálalegrar sameiningar vinstrimanna og koma í veg
fyrir myndun Alþýðufylkingar, þar sem hún mun hafa í för með sér
sterka tilhneigingu til kredduskapar.
3. Eins og ljóst má vera af dagskrárdrögunum gera félagar okkar álíka
málamiðlanir við vinstrisinna og við vorum til hins ýtrasta tilbúnir að
gera í sambandi við samruna Kommúnistaflokksins og sósíaldemókrata.
Ég bið þig að lesa þetta efni. Við verðum síðan að ákveða hvað skal gera.
skafti ingimarsson194
127 RGASPI. 495-31-113, bls. 50–53. Íslensk þýðing höfundar.
Saga haust 2011 NOTA_Saga haust 2004 - NOTA 11/24/11 9:52 AM Page 194