Breiðfirðingur - 01.04.1954, Blaðsíða 131

BREIÐFIRÐINGUR
121
að aðeins voru tekin verk eins höfundar til flutnings. Valdi
séra Arelíus Níelsson dagskrá úr verkum Matthíasai Joch-
umssonar. Var reynt að hafa það sjónarmið að taka sína
ögnina af hverju, ef svo mætti að orði komast. Mun þessi
nýbreytni hafa mælzt heldur vel fyrir.
Söfnun lausavísna. Á síðasta stjórnarfundi fráfarandi
stjórnar, var skipuð nefnd til þess að annast söfnun lausa-
vísna. Eru 9 menn í nefndinni, 3 úr hverri sýslu. Er til þess
ætlast, að nefndin sendi að minnsta kosti einum manni í
hverjum hreppi bréf og biðji hann að annast söfnunina í
sinni sveit og senda nefndinni.
Getur þetta orðið að margháttuðu gagni fyrir félagið.
Meðal annars efni í Breiðfirðing og til skemmtunar á fé-
lagsfundum.
Formaður nefndarinnar er Jón Marinó Samsonarson.
Minningarsj. Breiðfirðinga var stofnaður á árinu. Skipu-
lagsskráin hefur verið staðfest af viðkomandi ráðuneyti og
á síðasta stjórnarfundi fráfarandi stjórnar, var sjóðstjórn
kjörin. Hana skipa: Ólafur Jóhannesson fyrir Snæfellsnes-
sýslu, Ástvaldur Magnússon fyrir Dalasýslu og Jón Júlíus
Sigurðsson fyrir Barðastrandasýslu. Sjóðstjórnin hefur
haldið með sér einn fund og skipt með sér verkum. Formað-
ur er Ólafur Jóhannesson, ritari Jón Júlíus Sigurðsson og
gjaldkeri og skrásetjari Ástvaldur Magnússon. Sjóðstjórnin
er að láta prenta minningarspjöld og mun sjóðurinn taka til
starfa, svo sem til er ætlast nú á næstunni.
Deildir sjóðsins eru nú þrjár. Þeirra Jóns frá Ljárskóg-
um, Jens Hermannssonar og Ragnars Bjarnasonar.
Samanlagt munu sjóðirnir nú nema um 17.000 krónum.
Heiðursfélaga kjöri stjórnin einn á árinu. Var það séra
Ásgeir Ásgeirsson fyrrverandi prófastur í Hvammi í Dölum.
Var honum tilkynnt um þetta á 75 ára afmælisdegi hans,