Dagblaðið Vísir - DV - 23.11.2018, Blaðsíða 22

22 UMRÆÐA
Sandkorn
23. nóvember 2018
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
Aðalnúmer: 512 7000
Auglýsingar: 512 7050
Ritstjórn: 512 7010
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson
Framkvæmdastjóri: Karl Garðarsson Aðalritstjóri og ábyrgðarmaður: Kristjón Kormákur Guðjónsson
Aðstoðarritstjóri: Einar Þór Sigurðsson Prentun: Landsprent Dreifing: Árvakur
Suðurlandsbraut 14
2. hæð
108 Reykjavík
FRÉTTASKOT
512 7070
ABENDING@DV.IS
Í
vikunni greindi DV.is frá því að
Inga Sæland, formaður Flokks
fólksins, hefði keypt sér ein­
býlishús á Ólafsfirði. Það væri
varla frásögur færandi nema af
því að hún býr í leiguhúsnæði á
vegum Brynju, hússjóðs Öryrkja­
bandalagsins. Vegleg 148 fer­
metra íbúð með bílskúr. Þetta þótti
blaðamönnum athyglisvert í ljósi
þess að eitt af umsóknarskilyrðum
Brynju er að umsækjandi eigi ekki
fasteign. Þá má umsækjandi ekki
hafa yfir 5,1 milljón í laun á ári.
Inga hefur á þessu ári fengið 15
milljónir króna. En það gerðist
jú, eftir að hún fékk íbúðina í sín­
ar hendur. Á sama tíma og Inga
Sæland er forréttinda manneskja
í íslensku samfélagi með himinhá
laun, er búið að loka fyrir umsókn­
ir hjá Brynju.
Í kjölfarið af þessum fréttaflutn­
ingi birti Inga færslu þar sem hún
kvartar yfir „rætnum og illgjörnu
óvinum“ sem „svífast einskis“ til
að „rægja hana og rakka.“ Jafn­
framt segir Inga að hún hafi haft
hátt undanfarið, sé að taka á líf­
eyrissjóðunum og að flokkurinn
sé rísandi í skoðanakönnunum.
Má skilja þetta á þann veg að hún
haldi því fram að frétt DV sé ein­
hvers konar viðbrögð við því. Að
blaðamenn DV hafi verið að ganga
erinda lífeyrissjóðanna þegar þeir
birtu fréttina.
Þetta er ekki í fyrsta skipti sem
Inga bregst svona við. Hún hefur
áður lýst umfjöllun DV um hús­
næðismál hennar sem „skít“, „við­
bjóði“ og „illgirni“. Hún er ekki
heldur sú eina sem hefur gerst sek
um að bregðast við á þennan hátt.
Þetta er algengt stef hjá stjórn­
málamönnum, þó að fæstir noti
jafn sterk orð og Inga.
Eitt dæmið er Braggamálið
sem upp kom fyrir skemmstu og
DV fjallaði ítarlega um. Til er það
fólk sem heldur í alvöru að DV sé
í ófrægingarherferð gegn Degi B.
Eggertssyni og borgarstjórnar­
meirihlutanum. Er þar ekki að­
eins um að ræða einhver tröll úr
netheimum heldur málsmetandi
fólk.
Aldrei er litið inn á við, aldrei
er tekið á málunum sjálfum. Þegar
upplýst er um mál sem kemur
stjórnmálamönnum illa er ráðist
á þann sem greindi frá. Það hljóti
að vera annarlegar kenndir á bak
við skrifin en ekki heiðarleg blaða­
mennska. Reynt er að stilla fjöl­
miðlinum og blaðamanninum
upp í einhverja blokk, merkja hann
og gera orð hans ómarktæk. Í stað
þess að líta á sig sem fórnarlamb
eða koma af stað samsæriskenn­
ingum mættu þeir stjórnmála­
menn sem rata á síður blaðanna
þegar þeim verður á, miklu frekar
líta í eigin barm og læra af mis­
tökunum. Þeir yrðu þá menn að
meiri, hvort tveggja sem mann­
eskjur og stjórnmálamenn.
Meirihluti fólks sér í gegnum
svona leikrit en þessi hegðun
stjórnmálamanna lýsir grund­
vallarmisskilningi og afskræmingu
á því sem fram fer á ritstjórnar­
skrifstofunni. Hér eru ekki hyrndir
púkar í leit að næsta fórnarlambi til
að leiða til slátrunar. Hingað koma
hvorki forsvarsmenn lífeyris­
sjóðanna né aðrir peningamenn
til þess að skipa fólki fyrir verkum.
Fréttir eru ekki fluttar nema fótur
sé fyrir þeim og DV tekur heim­
ildavinnu sína mjög alvarlega. DV
gengur ekki erinda neinna nema
lesendanna sjálfra og almennings.
Við höfum líka trú á því að
langflestir átti sig á þessari að­
ferð stjórnmálamanna og annarra
valdhafa til að dreifa athyglinni frá
eigin klúðri og spillingu. Traust
er lykilorðið í þessu sambandi.
Við treystum því að lesendur sjái
í gegnum þetta og þeir geta treyst
því að við höldum áfram að stinga
á kýlum valdsins. n
Inga dreifir athyglinni
Tobba á fljótandi fæði
Tobba Marinós vakti mikla lukku
á matarvef
Moggans þegar
hún upplýsti
hvaða tryllitæki
í eldhúsinu hún
gæti ekki lifað
án. Gott og vel.
Hvergi er að sjá að um sé að
ræða vörukynningu dulbúna
sem frétt en það er þó margt
sem bendir til þess að svo geti
verið. Til dæmis er alltaf tek­
ið fram hvaða tegund er um
að ræða, ekki að það þurfi að
eiga tæki með einhvers konar
eiginleika. Svo virðist sem
Tobba gæti ekki lifað án þess
að eiga fjóra Vitamix­blandara
… efst á síðunni má svo finna
auglýsingu frá Vitamix. Fyrir
utan blandarana fjóra myndi
hún deyja ef hún ætti ekki
töfrasprota með utanáliggj­
andi hakkavél frá Braun, sem
og matarhakkavél frá Magimix.
Ef Tobba er ekki að setja nafn
sitt á dulbúna auglýsingu, sem
er bannað, þá er hún greinilega
öll í fljótandi fæðu.
Allt skotið niður
Tvær fréttatil­
kynningar bár­
ust DV með
stuttu millibili
í vikunni. Önn­
ur þeirra var frá
Sjálfstæðismönnum í Reykja­
vík sem sögðu að meirihlutinn
í borginni hefði skotið niður
allar þeirra hugmyndir á fundi
borgarstjórnar. Hugmyndir
þeirra væru til þess fallnar að
laga allt sem þyrfti að laga.
Stuttu síðar kom annar tölvu­
póstur. Nú frá Samfylkingunni
á Alþingi sem kvartaði hástöf­
um undan því að stjórnarflokk­
arnir hefðu skotið niður allar
þeirra hugmyndir, hugmynd­
ir sem væru til þess fallnar að
laga allt sem þyrfti að laga.
Svona er stjórnmálaumræðan í
dag, allt er víst skotið niður og
sá eini sem græðir er almanna­
tengillinn.
Spurning vikunnar Á að leyfa kirkjuheimsóknir í skólum?
„Einstaklingur verður að fá að ráða sínu
formi. Ég á fjögur börn og þau verða öll að fá að
ráða hvort þau fari í kirkju.“
Guðbergur Garðarsson
„Jájá.“
Sunna Sigurðardóttir
„Já, endilega. Það yrði
skömm að leyfa það ekki.“
Guðrún Lára Ásgeirs-
dóttir
„Af hverju ekki? Þetta er
frjálst land og fólk verður að fá að
tjá sig. Ég er hare krishna.“
Inacio Pacas
Leiðari
Kristinn Haukur Guðnason
kristinn@dv.is