Tímarit Máls og menningar - 01.02.2005, Qupperneq 92

Menningarvettvangurinn
Apríllinn fnæsir sem fælinn hestur
falinn í kálgörðum Hörpu.
Önd mín er frjáls eins og útlendur prestur,
því önd mín fagnar í voninni
um herbergi með loftræstingu fyrir
einhleypan í Pueblo de Nuestra Senora
la Reina de los Angeles de Porcion-
cula, Cal.
Þess má geta til gamans að Vilborg og Eiríkur Örn voru valin fulltrúar íslenskrar
ljóðlistar í austurríska tímaritinu Lichtungen í stóru hátíðarhefti á 25 ára afmæli
þess. Lichtungen er það ljóðatímarit á þýsku sem víðast fer. „Hatur og ananas"
mun birtast þýtt á þýsku í bókinni Islcindische Liehesgedichte.
Enn afíslenskri menningarkynningu í Frakklandi
Margrét Elísabet Ólafsdóttir skrifaði grein um íslensku menningarkynninguna í
Frakklandi í síðasta hefti TMM sem aðstandendur segja að hafi að nokkru leyti
verið reist á röngum forsendum. Lista- og menningarviðburðirnir voru skipu-
lagðir í samvinnu íslenska menntamálaráðuneytisins og Maison de Cultures de
Mondes (MCM) í París fyrir hönd frönsku menningar- og utanríkisráðuneyt-
anna. MCM fékk það hlutverk að finna franskar ríkisstofnanir sem vildu taka
íslenska viðburði inn til sín, standa að kynningarmálum meðal annars með því
að bjóða frönskum blaðamönnum til íslands og loks að vera milliliður milli
íslenskra og franskra stjórnvalda. Það var því MCM sem bauð forstöðumönnum
franskra stofnana til íslands svo þeir gætu valið viðburði sem féllu að starfsemi
þeirra og algerlega undir áhuga og frumkvæði frönsku samstarfsaðilanna komið
hvaða listamenn og viðburðir voru valdir. Hlutverk íslenska menntamálaráðu-
neytisins var einkum að leiðbeina og aðstoða við þetta val. Erfitt reyndist að fá
forstöðumenn frönsku stofnananna til samstarfs og því var líka leitað til einka-
aðila og annarra stofnana til að fá breiðara framboð af íslenskri list og menn-
ingu. Til dæmis var leitað til íjölda sýningarsala og safna í París með sýningar á
íslenskri samtímalist en þau höfðu ekki áhuga að þessu sinni. Vonir standa til að
auðveldara verði að vekja áhuga hjá þeim síðar af því hvað kynningin þótti
takast vel. Sýningar íslenskra ljósmyndara og sýning Rúríar í Colette eru dæmi
um góðan árangur í samvinnu við einkaaðila og flutningur á Hrafnagaldri í La
Villette og þrennir tónleikar í Pompidou-miðstöðinni eru dæmi um velheppnað
samstarf við opinberar stofnanir. Það var að frumkvæði forráðamanna listasal-
arins í Sérignan að efnt var til sýningar á íslenskri samtímalist þar og hafði ekk-
ert með áhuga eða stöðu íslenskrar myndlistar hjá opinberum aðilum að gera,
eins og Margrét Elísabet segir í sinni grein.
Aðstandendur menningarkynningarinnar eru verulega ánægðir með árang-
urinn af henni og segja að aldrei hafi verið fjallað jafnmikið um ísland og
íslenska menningu í frönskum fjölmiðlum og þessar vikur. Þeir taka fram að
90
TMM 2005 • 1