Hugur og hönd - 01.06.1996, Blaðsíða 5

Geysir. - Steinleir og gler.
Eftir lokapróf frá Skolen for Brugskunst kom Inga
Elín heim til Islands og kom sér fljótlega upp litlu verk-
stæði og galleríi í bakhúsi á Laugavegi 55, í félagi við
sænska vinkonu sína. Samstarf þeirra gekk vel.
Inga Elín hafði mikinn áhuga á að koma á fót eigin
vinnustofu þar sem hún gæti jöfnum höndum unnið með
gler og keramik. Tækifæri til þess kom árið 1990 þegar
listamönnum bauðst aðstaða til að korna upp vinnustof-
um í gömlu verksmiðjuhúsunum og starfsmannabústöð-
unum á Álafossi. Inga Elín fékk lítinn starfsmannabústað
til afnota og þar innréttaði hún verkstæði sitt, setti upp
leirbrennsluofn og byrjaði af fullum krafti að hanna og
framleiða listmuni. Nú sex árum síðar hefur hún fest
kaup á margfalt stærra húsnæði þarna og hefur stórhuga
áætlanir um notkun þess. Húsnæðið þarfnast mikilla
breytinga og endurbóta sem taka tíma og verða kostnað-
arsamar. Inga Elín ætlar að vinna þetta verk í áföngum og
gæta þess að reisa sér ekki hurðarás um öxl.
Við Álafoss er nú risið blómlegt listamannaþorp, um-
hverfið er kyrrlátt og rólegt þó að staðurinn sé aðeins
steinsnar frá mikilli umferðaræð. Allmargir listamenn
hafa þarna vinnustofur sínar. Inga Elín telur að það sé
örvandi að vera í nábýli og samskiptum við svo marga
Bláblá. - Glermynd í glugga.

Glerlandslag. - Glermynd í glugga.
Hugur og hönd 1996 5