Hugur og hönd - 01.06.1996, Blaðsíða 32

Islenskur skógarhnífur
Samkeppni á vegum Landbúnaðarráðuneytisins og Skógræktar ríkisins.
Nokkrir hnífar úr keppninni ásamt slíðrum. Myndin er tekin á sýningu í
Miðhúsum við Egilsstaði.
Skógrækt ríkisins og Land-
búnaðarráðuneytið efndu á
vordögum til samkeppni
um íslenskan skógarhníf. Skóg-
ræktin opnaði nýlega „íslenska
viðarmiðlun" í húsakynnum
Landgræðslusjóðs við Suðurhlíð í
Reykjavík og var keppnin haldin
af því tilefni. Þótti skógræktar-
mönnum tilhlýðilegt að kynna hið
íslenska hráefni fyrir handverks-
fólki. Viðbrögðin létu ekki á sér
standa, 60 fullsmíðaðir hnífar bár-
ust í keppnina, auk tillagna í formi
teikninga.
I auglýsingu um keppnina segir
svo: „Með skógarhníf er átt við
hníf sem nýtist vel til starfa í skógi
og til útivistar. Hann situr í slíðri
sem hægt er að festa við belti eða á
hnapp. Hann er að hámarki 23 sm
langur. Hnífsblaðið má ekki vera
lengra en 12 sm samkvæmt 3. gr.
reglugerðar urn skotvopn og skot-
færi nr. 474/1988 sem sett var með
heimild í lögum um skotvopn,
sprengiefni og flugelda nr. 46 frá
1977.
Hnífurinn þarf að vera gerður úr
íslensku efni að undanskildu blað-
inu. Eingöngu má nota íslenskan
við í skaft og íslenskt efni í slíður.
Við val á bestu tillögunum verð-
ur sérstaklega tekið mið af hönnun
og formi hnífsins, efnisgerð, útliti,
hvernig hann fer í hendi og að
auðvelt sé að festa hann og losa úr
slíðri."
Ekki er að orðlengja það að fjöl-
breytnin í tillögum þeim sem bár-
ust var ótrúleg. Norrænir skóg-
ræktarmenn sem sáu hnífana á
sýningu sem haldin var í tengslum
við ráðstefnu þeirra í Borgarleik-
húsinu í júní töldu víst að hér væri
saman komið úrval af íslenskum
skógarhnífum gegnum tíðina eða
frá tilteknum árafjölda. Þeir áttu
bágt með að trúa að þetta væri af-
rakstur einnar samkeppni. Dóm-
nefndarinnar, sem var skipuð
þeim Þór Þorfinnssyni skógar-
verði, Guðmundi Einarssyni iðn-
hönnuði og Omari Sigurbergssyni
innanhússarkitekt, beið því erfitt
hlutverk. Niðurstaða þeirra þre-
menninga varð á endanum sú að
verðlauna hníf Hlyns Halldórs-
sonar frá Miðhúsum, „Sigga".
Hlaut „Siggi" þar með sæmdar-
heitið „íslenski skógarhnífurinn
1996." Sex aðrir hnífar hlutu við-
urkenningu. Höfundar þeirra
voru þeir George Hollanders og
Helgi Þórsson, Bergsteinn Ás-
björnsson, Lene Zachariassen og
Beate Stormo, Hlynur Halldórs-
son, Páll Sveinsson og Bergsveinn
Þórsson.
Hnífarnir hafa verið almenn-
ingi til sýnis víða um land í sumar.
Það hefur vakið athygli gesta á
þessum sýningum hve hnífarnir
eru fjölbreyttir og vandaðir. Nú er
hafinn undirbúningur að fjölda-
framleiðslu á „Sigga" og er vonast
til að skógræktarmönnum og öðr-
um unnendum góðs handverks
gefist kostur á að kaupa hann sem
allra fyrst.
Gréta E. Pálsdóttir
Myndir: Skógræktin/
ÓlafurOddsson.
32 Hugur og hönd 1996