Hugur og hönd - 01.06.1996, Side 29

Útskorinn askur.
Koparsleginn vínkútur og lekabytta.
Utskurðarmeistarinn
Asgeir Torfason
/
Ihálfa öld var Isafoldarprent-
smiðja í húsinu Þingholtsstræti
5 í Reykjavík. Áður stóð á
þessari lóð hús Erlends Magnús-
sonar gullsmiðs en um og upp úr
síðustu aldamótum var Erlendur
einn fremsti gullsmiður í Reykja-
vík. Hans verk var m.a. gullsveig-
ur sá er íslendingar sendu til að
leggja á kistu Kristjáns IX árið
1906.
Nú er ísafoldarprentsmiðja ekki
lengur í Þingholtsstrætinu, húsið
hefur fengið nýtt hlutverk. Nokkr-
ir einstaklingar hafa keypt húsið.
Þeir gerðu samning við Reykjavík-
urborg um styrk til viðgerða og
endurbóta á húsnæðinu með það
að markmiði að þar skyldi lista-
mönnum og handverksfólki leigð
starfsaðstaða. Margir einstaklingar
og hópar sýndu því áhuga að nýta
sér þetta tilboð og má segja að allt
húsrými þar sé nú fullnýtt. Þeir fé-
lagar sem keyptu húsið eiga hrós
skilið og það á Reykjavíkurborg
einnig fyrir að styrkja þetta góða
framtak.
Ásgeir Torfason.
Einn þeirra sem tók tilboði um
að leigja þarna húsnæði er út-
skurðarmeistarinn Ásgeir Torfa-
son. Hann hafði í 25 ár haft verk-
stæði sitt í leiguhúsnæði á Lauga-
vegi 89, húseigendur þar þurftu
nú að nota húsnæðið til annarra
hluta og þess vegna kom það sér
vel fyrir Ásgeir að eiga kost á að-
stöðu í Isafoldarprentsmiðju sem
nú er í gamni og alvöru kölluð
„Eldgamla Isafold".
I desember 1995 flutti Ásgeir
verkstæðið í húsnæði á annarri
hæð. Þar hafði undirritaður fyrst
viðtal við hann í lok febrúar, en þá
var Ásgeir önnum kafinn við að
skera út forkunnarfögur spjöld á
gestabók. Húsnæðið sem hann
hefur til umráða er á annarri hæð,
ekki stórt en vistlegt og bjart. Vest-
urglugginn gefur góða birtu og
standi maður við hann er gott út-
sýni yfir Þingholtsstrætið.
Eg spurði Ásgeir um uppruna
hans, æskustöðvarnar og hvernig
það kom til að hann fór að leggja
fyrir sig útskurð sem aðalatvinnu
og hvernig gengið hefur að lifa af
þessu starfi.
Ásgeir Torfason er fæddur árið
1927 á Halldórsstöðum í Laxárdal
í Suður-Þingeyjarsýslu. Þar ólst
hann upp. Snemma vaknaði áhugi
hans á útskurði og smíðum. Það
Hugur og hönd 1996 29